Fantefolk og fullt hus i Ljosheim

Av redaktør søn 17.03.2024 - 08:55
Han Kolbein Hausa lyg så det renn or han!

Og i Ljosheim denne fredagskvelden klappar folk hjarteleg – dess verre det vert.

Ja, sjølv dei av oss som held fast ved det åttande bodet om at ein ikkje skal lyge, dei koste seg verkeleg. Og historia om dei to karane frå Eksingedalen, som smelta snjo på heite omnen og selde det som salt, fekk fram den beste applausen frå eit lydhøyrd publikum – sjølv om soga seier at dei vart halshogde på Vossevangen for ugjerninga.

For her var det ikkje snakk om ekte løgn, men skrønene i Vossastubbar. Med Per Sivle sin signatur. Og skrytepaven Kolbein Hausa, han er hovudperson og forteljar i dei fleste Vossastubbane.

 

Mobile Worker

Teselskap med stil – i Ljosheim

Av redaktør tir 12.03.2024 - 16:11
25 flotte damer hadde meldt seg på, og entra storsalen i Ljosheim med stil. Ikkje ein einaste pose med strikketøy var å sjå. For no var det stilfull fest som hadde fokus.
Inne i storsalen var borda dekka med klassisk engelsk dekketøy. Rause tekoppar og asjettar og fat med 200 år gamalt klassisk engelsk mønster. Her var det både Ljosheim sine eigne eigedelar, og staseleg servise frå ivrige samlarar i dalen.

Sølvtøy til alt.
Uni

Skirenn i sol og gnistrande føre!

Av Liv Anne søn 10.03.2024 - 22:05
Skirenn, andre sundag på rad i løypa på Nesheim. Det var nydeleg sol og gnistrande føre. Å gå skirenn er kjekt, særleg når alle får premie. For dei alle yngste var det fint med ei bestemor, ein bestefar eller ei foreldrehand på sida. Og di eldre ein er, di meir alvor vert det - og di meir tek ein seg ut!

Resultatliste ligg nederst i saka, som vedlagt fil.

Kurs i livreddande førstehjelp med bruk av hjartestartar

Av Liv Anne ons 06.03.2024 - 12:36
I 2021 vart det plassert ut fem hjartestartarar i Eksingedalen: på Gullbrå, Bergo, Yksendalen, Ljosheim og Høvik. I juni same år vart det halde kurs i livreddande førstehjelp og korleis ein skal bruke hjartestartar. Det er viktig å kjenna seg trygg på korleis hjartestartaren skal brukast. Difor vert det på nytt skipa til kurs, både for oppfrisking og for dei som ikkje har gått på kurs før.

Det vert to kurs onsdag 10. april, kursa vert halde i Ljosheim
Kurs 1: 11:30-14:30
Kurs 2: 15:30-18:30

Skirenn to søndagar på rad

Av Magnar ons 28.02.2024 - 13:14
Søndag 3. mars er det Vaksdalsmeisterskap, og søndagen etterpå er det lagsmeisterskap. Begge renna er opne for alle som vil gå renn, sjølv om ein ikkje bur i Vaksdal kommue eller er medlem i Eksingedalen IL. Premie blir det til alle som melder seg på, fortel arrangøren Eksingedalen IL. Skigruppa ynskjer også heiagjengar hjarteleg velkomne.
Invitasjon er lagt som vedlegg til denne saka.

Sigrid Moldestad - "Med hjarte og kjærleik frå Breim"

Av Liv Anne søn 25.02.2024 - 23:00
Sundag 28.april kjem sjølvaste Sigrid Moldestad til Grendahuset Ljosheim!

Sigrid Moldestad legg for fyrste gong ut på ein akustisk soloturne vinteren 2024. Her tek ho utgangspunkt i bokplata "Breim" som kom ut i haust. Det blir personlige historier, poesi, slåttar og songar. Eit nært møte med musikk ho har sitt hjarte i. Sigrid inviterer publikum til unike små spelestader som kler både musikken og felefortellingane ho har med seg.

Har levert særs god mjølk i 5 år

Av Magnar fre 23.02.2024 - 09:27
Annika Brønstad, som driv gard på Flatekval i Eksingedalen har fått ei utmerking frå TINE. Grunnen til dette er at frå fjøset til familien Brønstad er det levert mjølk av høgste kvalitet 5 år på rad. Mjølka som blir henta av TINE, og blir testa for 5 forskjellige parameter. Beste kvalitet må bli oppnådd på alle desse områda for at mjølka kan kallast elitemjølk.
Gratulerer til Annika, Odd Inge og jentene.

Lihkku beivviin!

Av Liv Anne tir 06.02.2024 - 22:08
Sameflagget vert heist ved alle skulane i Vaksdal på samedagen, 6.februar.

På oppveksttunet i Eksingedalen var dagen markert med tradisjonell samisk kost, laga av dei eldste og dei aller yngste på oppveksttunet.

Laurdagsgraut, premiedryss og årsmøte for idrettslaget

Av Liv Anne søn 04.02.2024 - 21:09

Det var godt oppmøte laurdag, då idrettslaget inviterte til årsmøte. Å eta laurdagsgraut i lag i gymsalen var populært, likeeins å sjå seg sjølv på storkjerm i biletkavalkade.
Leiar Anna Bergo presenterte laget sine aktivitetar gjennom eit stort utval av bilete. Så var det premieutdeling, før det heldt fram med årsmøte for Eksingedalen IL.

Lånebua vil få deg ut på gratistur

Av redaktør ons 31.01.2024 - 21:20
Swoooop!

Der forsvann alle unnskyldningane om mangel på utstyr for ikkje å kome deg ut og trimme kotelettane dine, både vinter og sommar.
No kjem nemleg «alt» det nødvendige du treng, på plass i Lånebua på idrettsplassen ved skulen på Bergo. Ski til alpint og langrenn. Skistøvlar, skøyter både til ishockey og lengdeløp. Fotball og fotballsko. Har du ikkje lett nok bukse til ein uventa stunt-kamp der du trengst, så kan du driste deg til å spela i «undikken», då publikumstalet er beskjedent. Og alle utlåna frå Lånebua er gratis. Null kroner, altså, for ein skøytesafari på stålisen på Bergovatnet. Eller ein livgjevande omgang på fotballbana, om det så er ein uproff kamp med fleire sjølvmål og greier.

Velkommen til idretts- og friluftsaktivitetar i helga!

Av Liv Anne ons 31.01.2024 - 21:01
Laurdag inviterer Eksingedalen IL til laurdagsgraut klokka 13 i gymsalen. Der vert det premieutdeling for ulike aktivitetar dette året, mellom anna skal 25 trimmarar få krus for å ha greidd alle postane i Fjelltrimmen!

Klokka 14 er det tid for årsmøte i idrettslaget.

Søndag vert det Kom deg ut-dag, i løypa på Nesheim dersom vèr og føre spelar på lag. Ulike aktivitetar, alle får pølser og alle born får premie. Meir informasjon kjem laurdag.