News Archive

Morgonstemning opp Ørnahaugen

Ein kjem ikkje til fjells på ein flat veg (Ivar Aasen) Tre tøffe gutar har valfag. 
Foto:Anna Sveinungsdotter Bergo

Kom deg ut-dag på Nesheim søndag 21.januar

Turgruppa i Eksingedalen IL og Vaksdal Turlag står saman om Kom deg ut-dag på Nesheim, på sjølvaste 150-årsdagen til Den Norske Turistforeningen. Når den største friluftsorganisasjonen i Noreg fyller 150 år, vert alle invitert med på feiring ute i det fri. Ein reknar med at 150 utebursdagar går av stabelen rundt om i landet på Kom deg ut-dagen, med totalt 40 000 små og store bursdagsgjester.  

Frå Eksingedalen IL sin Kom deg ut-dag på Nesheim februar 2017.                                 Foto: LivABergo 

Eksingedalen IL og Vaksdal Turlag  ynskjer velkommen til utedag ved skiløypa på Nesheim. Det vert bålkos og aktivitet - og sjølvsagt høve til å gå i dei fine løypene! 

Nytt Turlag i Vaksdal

Det er rett og slett "flying start" for det nyetablerte Turlaget i kommunen, med heile tre arrangement før første årsmøte! Neste veke fyller Den Norske Turistforening 150 år, med 57 medlemsforeningar rundt i heile landet. I samband med dette sender NRK direkte "Norge nå " frå det aller ferskaste laget, Vaksdal Turlag. Det skjer torsdag 18.januar kl 20.25 - 20.55. Sendinga føregår frå Bergsdalstunet, tema er 150-årsfeiringa og Lars Monsen, Vaksdal Turlag og Friluftsgruppa frå Eksingedalen er mellom deltakarar i programmet. Søndag same veka er det to Kom deg ut-dagar i kommunen, på Nesheim i Eksingedalen og på Lid i Bergsdalen. Begge arrangementa er i samarbeid med dei lokale idrettslaga.

Gleda ved å gi

Eksingedalen skule vender fokuset vekk frå seg sjølv og over på andre.

"Å visa omtanke og å glede andre har hatt stor plass på skulen her i desember.

Elevane har samla inn 62 gåver som er levert Vaksdal Frivilligsentral. Siste veka har dei hatt elevbedrift og produsert ulike varer for sal.

Dei selde varene sine på joletrefesten vår i går, og overskotet  på 2300 kr har elevane i dag kjøpt mat for på nærbutikken i Eksingedalen.

Også dette skal delast ut av Vaksdal Frivilligsentral, for det er fleire familiar i kommunen vår som ikkje har pengar til noko ekstra til jol. Dette ville elevane våre gjera noko med."

Dette er meldinga frå skulen på Bergo dagen etter at skulen sin årlege juletrefest var overstått. Og at skulen er viktig for bygda viste frammøtet denne førjulskvelden. Graut vart fortært, mandelen funne og marsipangrisen fann sin eigar. Kaffi og søte kaker høyrer også ein slik kveld til, likeså gang rundt juletreet. Kraftfull song frå to fulle ringar rundt treet avslutta kvelden. Eksingedalen skule er ein god stad å vera, for alle generasjonar.

Julegudsteneste i Eksingedalen kyrkje

Eksingedalen skule hjelper deg i valet av julebrus!

Ein test av 8 ulike julebrusar er utført på skulen i Eksingedalen. Det var ein blindtest, og kvar smaksprøve fekk terningkast mellom 1 og 6. Elevane visste ikkje kva sortar som var med i testen.

 

7.klasse hadde førebudd testen og laga klar registreringsskjema.

Lussekattar, pyntegrønt og kransbinding

Ein hyggeleg tradisjon i Eksingedalen er å samlast for å laga kransar og jolepynt. Ofte skjer dette på Luciadagen, og det vert servert lusskattar og gløgg. Kvinne- og famililaget steller til, og gjer sitt til at mange dører i Eksingedalen no er pynta til jol.

Adventskonsert i Nesheim kyrkje

Mange av adventstradisjonane i Eksingedalen er allereie gjennomført, både i heimane og fellesaktivitetar. Det har vore lysmesse, juleverkstad og førjulstreff med laging av pynt og dekoresjonar. Lussekattar og gløgg har vorte innteke, og på facbook blir baking av knekabrød/nekabrød (kjært barn har mange namn) vorte dokumentert. Nokon har alt klingen i boks i frysaren, andre fortel at det er ein vetlejulafta-aktivitet å få denne klar. Og julekaker er det sikkert baka mykje av også.

Joleverkstad i Ljosheim

Konsentrasjon og stor produksjon av fuglehus, nissar, glitter og stas. Som vanleg på kvinne- og familielaget sin joleverkstad møtte ei god forsamling av iherdige born, ungdommar, mødre og ein far til jolepyntlaging og baking.

Lysmesse i Nesheim kyrkje

Ljosfest i Eksingedalen

1.desember kl 17 tennte Hege alle ljosa på Nærbutikken! Det glitra og det blinka - og Hege stråla i lag med alle ljosa! Her ligg alt klart for hyggeleg jolehandel. Og, Hege skaffar det meste! Berre spør henne!

Ein viktig møteplass der varene står perfekt!

9.klasse ved Eksingedalen skule,Vegard Gullbrå Tollefsen, Idar Gullbrå og Andreas Bergo har besøkt Hege på butikken for å sjekka ut korleis det er å driva butikk. Etter besøket leverte dei denne artikelen til Eksingedalen.no: 

Å ha ein butikk i nærleiken er alltid viktig. Ikkje berre for å få varer du treng kjappast mogeleg, men også for å møte andre folk. Difor bestemte 9.klasse på Eksingedalen skule å ta ein tur ned for å sjå korleis det er å drive ein butikk her i Eksingedalen. Det er kaldt, men stille og fint vær. Me svingar inn på parkeringsplassen, og går ut av bilen for å besøke Eksingedalen Snarkjøp, den einaste butikken i heile dalen. Me tek ein kjapp titt inn i vindauget, der det står sjokoladejulenissar fint stilt opp, og smilar mot oss. Når me går inn døra, ringjer det i kubjølla, og me vert ønskt varmt velkomen av kjøpmann Hege Marie Lavik. Det er varmt og godt i butikken, men for augeblinken er det ingen kundar der. Tek me ein kjapp titt rundt i butikken, ser me at kvar einaste vare står perfekt, og alle etikettane peikar rett utover.

Løypemeldingar

Det er no omlag 80 cm snø på Nesheim, og ein har starta med å køyra langrennsløype. Førebels på gardsvegen ut i Moa. Følg med på løypemeldingar på denne sida (Eksingedalen IL/Løypemeldingar ski eller på Facebook https://www.facebook.com/search/top/?q=skil%C3%B8ypa%20p%C3%A5%20nesheim

Frisk friluftsgruppe i Eksingedalen!

Friluftsgjengen trossar snøvèr, vind og vatn og trakkar seg opp til Almane og Gapahuken. For torsdagskveld ute, det vil dei gjerne ha! Der ventar leik og bålkos. 

Styrketrening og volleyball kvar onsdag

God stemning med høg treningsfaktor i gymsalen på skulen. Sjå kalenderen på heimesida. Treninga heldt etter planen fram t.o.m 13.desember. Passar for alle, trente eller utrente!
Foto: LivABergo

Staseleg bruopning på Flatekval

Mykje folk var samla til staseleg bruopning søndag. Ei ny, solid og god bru er komme på plass over Skorsdalselva på veg til Flatekvalstølen. Her har det vore bru i over 50 år, men vatn og snø har med jamne mellomrom brote sund bruene. Den siste brua vart øydelagt for eit par år sidan. I nedbørsperiodar har det vore utfordrande å kryssa elva her, iallfall utan å bli kald og våt på beina.  I sommar tok tre grunneigarar verkeleg tak i dette! Den nye brua er langt meir solid enn dei tidlegare. 

Brubyggjarane. Heidra av turgruppa i idrettslaget som "Kongar"    Foto: LivABergo

 

Offisiell opning av stølsbru

Brubyggjarane inviterer til opning av nye bruer på stølsvegen til Flatekvalstølen. Stølsvegen har vore utan bru dei siste åra, men i haust har grunneigarar laga ny, flott bru.
Så fine bruer treng skikkeleg opning! Det skjer søndag 29.oktober kl 14. 


Program:
Snorklypping kl 14
Bridge-blanding og litt å drikka

Høve til å spidda pølser.

Markeringa finn stad på Eksingedalen IL sin 41 årsdag. Møt opp i god tid, avgang seinast 13.30 frå Smalastølen. 

Salmekveld i Nesheim kyrkje

Nesheim sokneråd inviterer til salmekveld. Kantor James Reed på orgel og piano. Hanna Gullbrå med song. Allsong.

Fjelltrimmen byter bøker i haustferieveka

I løpet av haustferien, veke 41, vert bøkene for Fjelltrimmen 2017 samla inn og nye bøker lagt ut. Dersom du er på jakt etter kruset og ville hatt namnet ditt i 2017-boka kan du kontakta turgruppa og det vert ordna!

I ny bok kan du allereie no byrja registreringane for sesongen 2018.

 

Fjellet er fantastisk - nyt finvêret og fargane! 

Haustferie-bingo

Tysdag kjem regnet, og kva kan vel då passa betre enn ein lun bingo i Ekse grendahus. 4 omgongar med matpause midt i. Kun kontant betaling. 

Temakart for friluftsområda i kommunen

Vaksdal kommune inviterte denne veka til informasjonsmøte om arbeid med temakart for friluftslivområda i kommunen. Målet med møtet var å få lokal hjelp slik at kartet vert så korrekt og innhaldsrikt som mogeleg.

Smittande song-glede

Frå Voss til Eksingedalen med smil og musikk. Slik kan Vossagospel sin konsert i Nesheim kyrkje beskrivast. Koret, som også har medlemar frå Eksingedalen, fekk publikum til å delta med både song og klapping. Sjølv om dirigent Tom Jarle Istad Kristiansen kommenterte at «det var godt at folket hadde beina planta på jorda» då applausen og smila blant publikum ikkje vart etterfølgd av verbale utrop.

Informasjonsmøte om temakart for friluftsliv

Vaksdal kommune inviterer onsdag 4.oktober til informasjonsmøte og gruppearbeid om temakart for friluftslivområde i kommunen. Dette er eit ope møte med invitasjon gjennom media, i tillegg er organisasjonar og eldsjeler tilskrive.

Ope møte om "Temakart friluftsområde"

Vaksdal kommune inviterer til ope informasjonsmøte og arbeidsverkstad onsdag 4.oktober kl 18 - 19.30 på skulen på Bergo. Kommuneplanleggjarane ynskjer hjelp frå innbyggjarane i til kartleggjing av friluftsområda i kommunen. Det vert invitert til  opne møte i Eksingedalen og på Dale.

Førehandsval, valkafè og lokal valgransking

Vaksdal kommune gjennomfører denne veka førehandsrøysting rundt om i grendene i Vaksdal. I Eksingedalen var det mange som nytta høvet til å gje si røyst til partiet dei meiner skal styra landet dei kommande fire åra. Folk sette pris på å framleis få røysta på skulen i Eksingedalen. Dei tre gutane i 9.klasse sytte for servering, og valkafè var populært. Mange tok seg riktig god tid med kaffi og kaker og fekk prata med naboar og sambydingar.

Ettermiddagsskule for blide 9.klassingar, som i tillegg til å ha kafè også gjennomførte lokal valgransking som dei skal jobba vidare med i samfunnsfagstimane.

meir fisk