Nytt Bygdekvinnelag!
24.februar vart det skipa eit heilt nytt lag i Eksingedalen. Initiativet til nytt lag kom til etter nedlegging av Kvinne- og familielaget i januar. No har damene valt å organisera seg som bygdekvinner, som del av Norges Bygdekvinnelag. Bygdekvinnelaget er ein landsdekkande organisasjon med 12 000 medlemmar, fordelte på 400 lokallag.
- Dette har me aldri vore med på før, så dette er historisk! Sa dei blide damene som kom frå Voss og Hardanger. Liv Kolskår frå Voss er styreleiar i Hordaland Bygdekvinnelag, og kom for å fortelja om lagsarbeid og orgsnisasjonen. Ho hadde med seg Liv Spilde frå Bjørgum og Siv Helle Prestegad frå Hardanger. Dei inspirerte og engasjerte eksingedalsdamene som møtte fram.
- Dette har me aldri vore med på før, så dette er historisk! Sa dei blide damene som kom frå Voss og Hardanger. Liv Kolskår frå Voss er styreleiar i Hordaland Bygdekvinnelag, og kom for å fortelja om lagsarbeid og orgsnisasjonen. Ho hadde med seg Liv Spilde frå Bjørgum og Siv Helle Prestegad frå Hardanger. Dei inspirerte og engasjerte eksingedalsdamene som møtte fram.
ROS-tallerken til Kari og Einar i Yksendalen
På eigarmøte i Nortura sist veke fekk Kari Brørvik og Einar Hovda Nilsen utdelt ROS-tallerken, ei påskjønning for gode ROS-resultat. ROS er ein måte å måla kvalitet på, og Kari og Einar fekk «Kvalitetslam-pris for 2025»
ROS-analysen er delt inn i kvalitetssirklar, der 25 % av sauebøndene kjem i den innerste sirkelen. Der er Kari og Einar dette året, mellom dei 100 beste i landet.
To skirenn på ei lita veke
Endeleg kom snøen! Det passa særs godt sidan det var planlagt to skirenn denne veka. Søndag var det lagsmeisterskap i løypa på Nesheim, der det lava ned fleire centimeter snø medan rennet gjekk unna. Åtte born stilte til start, i tillegg til fem vaksne med startnummer på. Resultatliste ligg nederst i saka.
Langrennssesongen endeleg i gang.
Onsdag 18. februar på kvelden møtte 14 deltakar og 2 tidtakarar opp på Nesheim. Alle med eige lys, for dei fleste var dette plassert oppe i panna. Nysnø det siste døgnet gjorde det mogleg å laga både klassisk- og skøytetrasè. Det var faktisk første gong løypa var i bruk denne vinteren.
Illustrasjonsfotoet er teke for nokre år sidan, men forholda onsdag kveld var nesten på høgde med biletet. Og neste renn kjem kjapt. Alt på førstkomande søndag er det tid for ope lagsmeisterskap i dei same løypene. Invitasjon til rennet er lagt som vedlegg til denne saka.
Illustrasjonsfotoet er teke for nokre år sidan, men forholda onsdag kveld var nesten på høgde med biletet. Og neste renn kjem kjapt. Alt på førstkomande søndag er det tid for ope lagsmeisterskap i dei same løypene. Invitasjon til rennet er lagt som vedlegg til denne saka.
Dobbel lukke! Hurra!
Ein historisk lukkeleg dag! Torsdag 12.februar vart det fødd to nye eksingedølar, med tre timars mellomrom. Dei to borna alle veit om at er ventande dette året, valde å bli fødde på same dag!
- Kva var oddsen for det? smiler Annika.
Terminen var det nokre få dagar imellom, no deler Sunniva og Annika barselstida på Føden på Voss.
- Kva var oddsen for det? smiler Annika.
Terminen var det nokre få dagar imellom, no deler Sunniva og Annika barselstida på Føden på Voss.
Årsmøte i Eksingedalen IL
Eksingedalen IL heldt årsmøte laurdag 6.februar. Som vanleg inviterte styret i idrettslaget til laurdagsgraut og premieutdeling før møtet.
-Sosiale treffpunkt er viktige i Eksingedalen, seier Anna, som er leiar i Eksingedalen IL. Difor nyttar me høvet til å invitera til laurdagsgraut i gymsalen.
-Sosiale treffpunkt er viktige i Eksingedalen, seier Anna, som er leiar i Eksingedalen IL. Difor nyttar me høvet til å invitera til laurdagsgraut i gymsalen.
Eksingedalen har fått beredskapsnett
Like før jul kom Oliver Gravermoen frå Vaksdal kommune med julegåve til Eksingedalen: Eit satelittbasert beredskapsnett, som er eit pilotprosjekt til utprøving.
"Eksingedalen beredskapsnett" er tilgjengeleg både på skulen og ute på skuleplassen.
Det er Vaksdal kommune og Vestland Fylkeskommune som har sett opp dette nettet. Nettet er opent og gratis, og skal fungera om fiberkabelen sviktar.
"Eksingedalen beredskapsnett" er tilgjengeleg både på skulen og ute på skuleplassen.
Det er Vaksdal kommune og Vestland Fylkeskommune som har sett opp dette nettet. Nettet er opent og gratis, og skal fungera om fiberkabelen sviktar.
Stemningfull Vintersong i Ljosheim
Konserten "Vintersong" med Sigrid Moldestad, Esbjörn Hazelius og Johan Hedin vart ei stor oppleving, på sjølvaste "Lussiadagen". Dei dyktige musikarane fylte Grendahuset Ljosheim med nydeleg musikk, vakre ord og stor varme.
- Av det aller beste me har opplevd i Ljosheim, sa ein av publikum etter konserten.
- Av det aller beste me har opplevd i Ljosheim, sa ein av publikum etter konserten.
Nytt toalett ved kyrkja på Nesheim
Opninga av toalettet skjedde med snorklipping søndag 19. oktober. Snora var toalettpapir, som vart klipt av leiar i soknerådet i Nesheim sokn, Gøril Kvinge Nesheim. Håkon Øvstedal og Anita Gullbrå assisterte. Solfrid Urke Nese fotograferte. Så heile soknerådet hadde oppgåver under opningsseremonien.
Nytt toalett har stått på ynskjelista til soknerådet i mange år. Så etter fleire rundar, først med å få på plass finansiering og så det praktiske med plassering og utforming, er me endeleg i mål.
Døra inn til toalettet er den til høgre.
Nytt toalett har stått på ynskjelista til soknerådet i mange år. Så etter fleire rundar, først med å få på plass finansiering og så det praktiske med plassering og utforming, er me endeleg i mål.
Døra inn til toalettet er den til høgre.
Dåpsfølgje i Eksingedalen
Kvinne- og familielaget i Eksingedalen har samla inn dåpskjolar og dåpshuer frå bygda. Utstillinga har stått i Ljosheim heile september, og vil ver der eit par veker til.
Størst er samlinga av dåpshuer, som er teke godt vare på. Utstillinga vert ståande i Ljosheim eit par veker til.
Størst er samlinga av dåpshuer, som er teke godt vare på. Utstillinga vert ståande i Ljosheim eit par veker til.
Utegudsteneste i Beinhelleren i maleriske omgjevnader
Utegudstenester i Beinhelleren har vorte tradisjon i Nesheim sokn. Etter å ha besøkt ein del stølar i soknet med utegudsteneste, har ein dei siste åra brukt Beinhelleren til dette. Her er det kort avstand frå parkering til gudstenesteterrenget. Dette gjer desse gudstenestene tilgjengeleg for mange. Dette året var det i tillegg til majestetisk natur også eit strålande vær.
Bratt, brutal og intens motbakke!
- Det er godt eg hadde gløymt kor ille det er, sa super-veteran Ragnhild Korneliussen då ho hadde fått pusten att på Mjelkeplassen.
Motbakkeløpet tok 10 minutt og 11 sekund for den som var raskast, trimmarane brukte 20 minutt. 30 deltok denne fine søndagsføremiddagen.
Motbakkeløpet tok 10 minutt og 11 sekund for den som var raskast, trimmarane brukte 20 minutt. 30 deltok denne fine søndagsføremiddagen.