Velkomen til digitale gudsteneter

Eksingedalen idrettslag inviterer alle med på påskerebus. Idrettslaget har som mål at alle kan ha ein felles aktivitet i påska, sjølv om ein ikkje kan vera saman. Rebusen kan gjerast åleine eller saman med dei ein bur med. Aldersgrense: 0-100 år.

Postane er komme opp - og er å finna frå Ljosheim på Flatekval til enden av vegen på Gullbrå. Det er i alt 9 postar med ein bokstav og eit bilete på kvar post. Rekkefølgja ein hentar inn i, har ingeneting å seia. For til slutt set ein dei 9 bokstavane saman til eit løysingsord.

Frist for innlevering er fredag 10.april kl 20. Vinnarar kan henta premie hjå Hege på butikken påskeafta.

Me er heldige som har både korte og lange turar her me bur i Eksingedalen. Å gå i kø treng me heller ikkje vera redde for, slik ein må passa seg for andre stader i desse dagar. Turgruppa har sett opp turprogram for våren, og håpar at onsdagsturane kan gjennomførast.

Den årlege fellesturen til Kvitanosi kan me ikkje planleggja som fellestur denne påska, sidan situasjonen er som den er i verda. Om du skal til fjells i påska så ver merksam på at det er mykje snø i fjellet. Siste tida har det vore mykje nedbør, både snø og regn - og med mykje vind i tillegg er det store skavlar og stor rasfare. Bruk varsom.no.

Kanskje det freistar å samla poeng til Fjelltrimmen?

Siste postkort i elevsamlinga.

På botn av eksingedalen.no, i det blå feltet, er det kome nye knappar/klikkpunkt. Eitt av dei er "Lag og råd". Der finn du ei oversikt over laga i dalen og kven som er tillisvalde i desse laga. Så skulle du lura på kven som er leiar, eller kasserar i eit lag, klikkar du på lagsnamnet. Der ligg svaret.

Velkommen til Gullbrå!

Helsing frå heimeskule-elev i Eksingedalen

Eit glimt frå heimeskulen, kunst og handverk.

Ei helsing frå heimeskuleelev i Eksingedalen.

Som alle andre skuleelevar har også elevane i Eksingedalen heimeskule. Torsdag denne veka hadde elevane frå 5.- 9. klasse i oppgåve å laga eit postkort. Etter avtale med elevane vert desse postkorta sende ut som ei helsing frå elevane til alle som er innom www.eksingedalen.no i desse dagar. Det kjem eit postkort kvar dag i seks dagar framover.