Siste innspurt for Fjelltrimmen 2018!

Av Liv Anne ons 10.10.2018 - 21:46
Manglar du postar i Fjelltrimmen 2018? Ja, då er det klart for siste innspurt! Første skifte av bok skjer 10.oktober, og i løpet av dei to kommande vekene reknar ein med at alle bøkene vil vera bytt. Om du manglar ein post og boka er ny, er det fram til 25.oktober høve til å registrera seg i "gammal bok" sjølv om den er bytt ut. Ta berre kontakt med ein i turgruppa!

Som vanleg vert det premiering på Eksingedalen IL sitt årsmøte i januar. Har du alle 15 postane, ja - då får du krus med motiv frå Yksendalstølen!

"Ullet skal hem"

Av Liv Anne lør 06.10.2018 - 19:42
Å sanka har ikkje vore lett for sauebonden denne hausten. Det har snødd, regna og storma - med få solglimt innimellom. No er det sanka i meir enn tre veker, og framleis går det nokre sau att i kring Eksingedalsfjella.
Så: Om du møter sau i fjellet i haustferien, ver grei å gje beskjed til ein bonde!

 

Mobile Worker

Uni

Eksingedalen anno 1887

Av Svein ons 30.11.2016 - 19:57
I 1887 utgav Thrond Sjursen Haukenæs Natur Folkeliv og Folketro paa Voss og Vossestranden som er ei samling av folkelivsskildring, eventyr og sagn. Forteljinga under er henta herfra. Me har funne denne på historier.no

DAB i heile Eksingedalen?

Av Frøydis tir 08.11.2016 - 19:55
I august begynte styret i Eksingedalen Bygdaråd å undersøkje DAB-dekninga i dalen. Ved å ta kontakt med NRK, fekk me opplyst at der var dekning langs fv 344, men at enkelte hol kunne førekomme. Me fekk også grei forklaring på kva utstyr som måtte til for å få inn desse nye radiosignala inn i ein bil. Desse opplysningane gjorde oss nyskjerrige. Frøydis sette mannen på saka, og fekk innkjøpt DAB-adapter til golfen - montert nøyaktig og punktleg etter oppskrift. Så sette me oss i bilen og tok spente turen gjennom dalen. Frå Gullbrå var der ingen lyd, og stille var det heilt til me bikka Nesheim. Då kom der brått enkelte innslag av skarpt skurr. Ikkje slik vanleg suse-skurr som når FM dekninga er ustødig. Nei, dette var kraftigare saker. Men ingen fornuftig lyd før me passerte Bego. Då kom nokre nyheitglimt, innimellom dette skarpe skurret. Og slik held det fram, mest stille, litt skrurr, litt høyrbar lyd - heilt til me kom til Lavik. Då starta musikken! Og fin klar lyd. Ikkje antydning til noko form for skurr heile resten av dalen nedover. Det var nesten så me ikkje høyrde lyden av bilen heller, så bra var det.

Turen har me tatt mange gonger etter dette - med same resultat. God dekning frå Eidslandet til Lavik, enkelte glimt vidare opp til Bergo, derifrå ingen signal. Dette er omlag som dekningskartet til NRK viser.

Dette vart tilbakeformidla til NRK, og me sende også bekymring til Vaksdal kommune i september. Det vart formidla at det er viktig med radiodekning i heile dalen, då mange brukar denne når dei ferdast langs vegen. Her er også mange hytter utan internett-tilgong, og ein del fastbuande har heller ikkje tilgong på internett-radio. Via radio blir viktig informasjon formidla, både om ver, veg og andre nyheiter. Einingsleiar for samfunnssikkerheit og beredskap, Willy Andrè Gjesdal forsto umiddelbart vår bekymring og sende melding frå kommunen til NRK og medietilsynet.

Melding tilbake frå NRK kom i dag, og Vaksdal kommune opplyser på si facebook-side:

"NRK stadfestar at dei har har motteken bekymringsmelding frå Vaksdal kommune om mangelfull dab-dekning i midtre og øvre delar av Eksingedalen.
Dei har starta prosessen med mål om å forbedre dekningen innan FM-slokking i 2017. Dei peiker på at det er knytt usikkerheit til tidspunktet for etablering."

Gode nyhender - så håpar me dei når målet dei set, og sørger for betre dekning i dalen, forhåpentleg vis til alle.

Nyttig informasjon om DAB finn du på NRK sine sider: www.radio.no

Pylser frå Pøylo

Av Frøydis man 10.10.2016 - 19:56
På Høvik i Eksingedalen, nærare bestemt i Pøylo held Laila Bolstad og Bjørn Eikefet til. No er dei i full gong med å lage julemat. I vel to år har dei arbeidd med å byggje opp ei lokalmat-bedrift, Heimalaga mat frå Pøylo. Sakte og sikkert har produksjon og lønsemd auka. Målet er å skapa nye arbeidsplassar.

4826 smalabeist skal heim i frå fjella i Eksingedalen

Av Liv Anne søn 25.09.2016 - 18:02
September er tid for sauasanking. Heile 4 826 smalabeist (sauar og lam) vart sleppte i Eksingedalsfjella i vår. I desse dagar er det slutt på sommarferien, og alle skal heim att. Med eit sankevèr utanom det vanlege, sol og sommarvarme - vert det mange fine turar. Eksingedalsfjella om hausten kan anbefalast! Så får ein håpa at dei aller fleste av dyra vender fint heimover når dei ulike sankelaga går "manngard" i fjella!

Sankehelg og ettersanking er no gjennomført, så om turgåarar ser sau i fjellet er det fint om dei melder frå til grunneigarar i Eksingedalen.

Marknad med mykje moro

Av Frøydis søn 21.08.2016 - 20:02
Det krev mykje planlegging før startskotet går for marknadshelga. Program skal lagast, aktørar hankast inn. Der må vere salsbuer og aktiviteter -noko som passar for alle. Så må dei handlande få høve til å kjøpe seg ein matbit eller to - og litt underhaldning høyrer også med. Når så alt dette er i boks, og til og med vèret spelar på lag - ja då er det duka for skikkeleg fest - Det vart Eksingedalsmarknad på sitt beste i år!

Set av helga 20.-21.august til EKSINGEDALSDAGAR!

Av Liv Anne ons 13.07.2016 - 18:19
Eksingedalen inviterer til FAGERDALSLØP og EKSINGEDALSMARKNAD ved Nærbutikken på Lavik laurdag 20.august. Søndagen er det STØLSTUR til Flatekvalstølen.
Dette er ein møteplass med god handel, god mat - og ikkje minst mykje god prat!
Pøylo serverer det salte, AnneMargrete sel rømmegraut, Nora serverer thai-mat
- og så vert det også ein "søt kafè".