PÅSKEBINGO!

Av Liv Anne tir 08.04.2025 - 14:44
Tradisjonen tru, det vert påskebingo!
Med ekte påskebingo-stemning, fine gevinstar, kaffi og kaker - og bingovitsar! Ein før-bingovits er klar. Leit og finn.

 

Mobile Worker

Tufteparken er klar til bruk i påska

Av Liv Anne søn 13.04.2025 - 22:02
Det var stor-dugnad sist veke for å få klar Tufteparken. 21 små og store lempa og grafsa fallsand utover, med iherdig arbeidslyst. Dei yngste prøvde ut ulike aktivitetar innimellom grafsearbeidet, før dei lempa på att! Å jamna ut 150 tonn fallsand til 40 cm djupn gjekk som ein draum, i solnedgangen.

No ventar alle på grusing av fotballbana, noko Vaksdal kommune har løyvd pengar til. Denne grusinga skjer ganske snart, seier kommunen. Etter det vert det ei offisiell opning av Tufteparken, men bruk den så mykje du vil i påska!
Uni

Kom og bla i historia til ungdomslaga og Ljosheim!

Av Liv Anne søn 05.06.2022 - 20:46
Dette året feirar Grendahuset Ljosheim 125 år. Ei gruppe skrivande damer med medhjelparar er i ferd med å skriva bok om huset, ungdomslaga og korleis det gjekk til med skiping av boklag, to ungdomslag og bygging av ungdomshus her i Eksingedalen på slutten av 1800-talet.

Måndag 13.juni mellom klokka 17 og 20 inviterer boknemnda til ope hus i Ljosheim. Dei ynskjer seg alt av bidra til soga som finns rundt om i dalen.

Omreisande med stjerner

Av Liv Anne man 23.05.2022 - 11:59
Torbjørn Urke har reist rundt med stjerner i mange, mange år. Ved å spreia gode oppleving har han garantert lyst opp mange skuledagar og samstundes opplyst mange på sine reiser. For stjerneteltet til Torbjørn er det fleire tusen som har krabba inn og ut av.

At 80-årsdagen var eit påskot for å få opp teltet att, vart glede for både familie og alle på oppveksttunet i Eksingedalen.

Eit hjarte for oppveksttunet i Eksingedalen

Av Liv Anne tir 10.05.2022 - 09:40
Elevar og lærarar ved oppveksttunet er opptekne av mange ting. Når naturen i kring vaknar til liv att etter vinteren, vert planter, blomar og bier viktig del av skulefaga. Her jobbar dei saman, i ulike aldrar. Siste veke laga dei eit hjartebed. "Dette hjartet skal symbolisera samhald, mangfald og fellesskap i Eksingedalen", skriv elevane.

No ynskjer dei seg stauder til å fylla i hjartet.

Gamle åkle og mykje historie

Av Liv Anne man 25.04.2022 - 22:36
Nordhordland Husflidslag og Osterøy museum arbeider saman med fire vevarar og åkle-ekspertar for å laga ei bok om åkle i regionen. Ein ettermiddag sist veke var oppveksttunet i Eksingedalen registreningsstad for gamle åkle. Denne dagen vart åkle frå Eksingedalen registrerte og fotograferte, kvart teppe med si historie
Abonner på