Sigrid Moldestad - "Med hjarte og kjærleik frå Breim"

Av Liv Anne søn 25.02.2024 - 23:00
Sundag 28.april kjem sjølvaste Sigrid Moldestad til Grendahuset Ljosheim!

Sigrid Moldestad legg for fyrste gong ut på ein akustisk soloturne vinteren 2024. Her tek ho utgangspunkt i bokplata "Breim" som kom ut i haust. Det blir personlige historier, poesi, slåttar og songar. Eit nært møte med musikk ho har sitt hjarte i. Sigrid inviterer publikum til unike små spelestader som kler både musikken og felefortellingane ho har med seg.

Fantefolk kjem til Ljosheim 15.mars

Av Liv Anne søn 25.02.2024 - 22:41
Det er mykje kjekt som skjer i Ljosheim! Eit høgdepunkt i mars er gruppa Fantefolk si førestilling om Per Sivle sitt liv, oppvekst og dikting. Jens Brekke les dikt, fortel om Sivle og fortel Vossastubbar, alt vert krydra med musikk og song.

Husastyret inviterer på pizzabuffet frå kl 19:00, førestillinga startar 19:30.
Inngang, pizzabuffet og førestilling: kr 300,-
Billettar kan tingast på førehand hjå Anna, eller kjøpast i døra.

 

Mobile Worker

Har levert særs god mjølk i 5 år

Av Magnar fre 23.02.2024 - 09:27
Annika Brønstad, som driv gard på Flatekval i Eksingedalen har fått ei utmerking frå TINE. Grunnen til dette er at frå fjøset til familien Brønstad er det levert mjølk av høgste kvalitet 5 år på rad. Mjølka som blir henta av TINE, og blir testa for 5 forskjellige parameter. Beste kvalitet må bli oppnådd på alle desse områda for at mjølka kan kallast elitemjølk.
Gratulerer til Annika, Odd Inge og jentene.
Uni

Skarpladde damer i Eksingedalen

Av Liv Anne søn 05.09.2021 - 21:28
1.september var den første dagen i hjortejakta. Frå midnatt den dagen var ingen av hjortarne i Eksingedalen trygge. For på kvar gard hadde jegrane rigga seg til, klare til eit av hausten sine store høgdepunkt.

Fleire hjortar fall 1.september. Det som var spesielt, var at begge dei to kvinnelege jegrane i Eksingedalen skaut kvart sitt dyr den første jaktdagen.

Førehandsrøysting i Eksingedalen

Av Magnar man 30.08.2021 - 18:47
Logoen til nokre av partia som stiller til val i Hordaland valkrins.

Torsdag 2. august er det mogleg å førehandsrøyste til Stortingsvalet i Eksingedalen. Frå kl. 13.00 til 17.30 er tilsette i Vaksdal kommune til stades på Eksingedalen oppveksttun.
Elevane på oppveksttunet lagar til kafè i same tidsrom. Det vert servert middag og kaffi.

Oppveksttunet

Av Magnar man 16.08.2021 - 11:27
Eksingedalen Oppveksttun vart åpna av ordførar Hege Eide Vik, assistert av 1. klassingen Kasper og rektor Liv Anne. Samstundes vart ein kraftig oppgradert leikeplass offisielt teken i bruk. Det skjedde på leikeplassen sitt "skrekkinngydande" apparat, som treng eit norsk namn.
Ein nyopna barnehage har vore i bruk to veker alt, etter ein 10 år lang pause. Det vart retta stor takk til både folkevalde og administrasjon i Vaksdal kommune for smidig og raskt arbeid for å få alt på plass til opningsdagen.