Stølsgudsteneste på Trefallstølen

Av Magnar man 12.08.2019 - 19:55
Vinterbilete av dei tre sela på Trefallstølen. Foto: Kåre Trefall

Søndag 18. august er det planlagt stølsgudsteneste på Trefallstølen. Nesheim sokneråd inviterer til samling på stølsvollen kl. 12.00. Turen opp til stølen tek under 1 time, men dersom du vil ha god tid er det lurt å starta kl. 10.30. Då vil det vera folk på plass for å rettleia om stival. Starten på turen er ved brua i Røyrdalen, der DNT-stien til Selhamar startar. Hugs å ta med mat og drikke til kyrkjekaffien etter gudstenesta.
Skulle det bli så dårleg vèr at det ikkje blir gudsteneste ute, held me til i kyrkja på Nesheim. Kontaktperson er Magnar Nese, tlf. 97588303. Det blir også lagt ut info på eksingedalen.no

Nesheim sokneråd

Viktige datoar i tida framover

Av Magnar søn 21.07.2019 - 22:16
Fredag 26. juli kl. 17.00 er det klart for Middagshaugen opp på Stamnes. Dette er det andre løpet i nyskapinga "Motbakkecup i Vaksdal og Modalen. For dei som vil vera med i trekninga av premiar, er det viktig å bli med no. Ein må delta i tre av arrangementa for å vera med i trekninga. I tillegg er det 300 poeng å henta for dei som er med i "Bergsdalen opp Trimpoeng" på kvar av dei tre løpa.
Dei to siste løpa er Nedstavatnet opp i Modalen 17. august og Gygrakjeften opp i Eksingedalen 7. september.

I tillegg er det verdt å merka seg at Eksingedalen Bygdaråd står som arrangør av valmøte på Eksingedalen skule tysdag 27. august. Der er listetoppar frå alle partia som stiller til val i kommunestyret i Vaksdal invitert til å delta.

 

Mobile Worker

Livet rullar

Av Magnar søn 21.07.2019 - 08:33
Magen inn, kassa fram, haka opp. Smørblide rulleskiløparar er framme på Gullbrå. Sol og medvind stod på menyen under turen. Etterpå var det "after ski".
Uni

Kom deg ut-dagen!

Av Liv Anne søn 05.02.2017 - 18:18
Ski, akebrett, "plastvåpen-funn", ein liten skihoppar og ein lilla ballong skapte aktivitet mellom ungane som kom seg ut på "Kom deg ut dagen". Turistforeninga skipar til "kom deg ut dag" i heile Noreg søndag 5.februar, og i Eksingedalen tok turgruppa i idrettslaget utfordringa og inviterte til "Kom deg ut dag" på Nesheim.

Program for FRILUFTSGRUPPA:

Av Liv Anne man 23.01.2017 - 21:51
Programet for friluftsgruppa er no å finna i kalenderen. Dei kommande vekene vert det friluftskveld tysdag- eller torsdagskveldar frå kl 17 til 19, med oppmøte i Almane.

Fredag 17. til laurdag 18.februar skal gjengen overnatta i gapahuken og lavvo.
Foto: Anna Bergo

På reise med jolegåver til flyktningar i Vaksdal

Av Liv Anne man 19.12.2016 - 17:55
Elevane ved Eksingedalen skule reiste mandag morgon til Dale på besøk til Vakdal introsenter med ei stor korg med gåver til born og unge flyktningar i Vaksdal. I adventstida har elevane hatt med seg gåver, og har gjeve ei pakke i staden for å få. Dette er tredje året skulen har hatt "omvendt adventskalender".
Elevrådet ved Eksingedalen skule tok turen til Dale for å overrekkja gåver og fortelja om Eksingedalen for elevane ved Vaksenopplæringa på Introsenteret.
Foto: Eksingedalen skule

Vegen går vidare for Sukhjeet

Av Liv Anne tor 08.12.2016 - 17:58
Ganske nøyaktig seks år etter at Sukhjeet Bharj starta opp som butikksjef i Eksingedalen takkar ho for seg. Sist i november stengte ho butikkdøra på Lavik, og det vert eit opphald på eit par månader før butikken opnar utpå nyåret, nyoppussa og med ny eigar.

Eksingedalen anno 1887

Av Svein ons 30.11.2016 - 19:57
I 1887 utgav Thrond Sjursen Haukenæs Natur Folkeliv og Folketro paa Voss og Vossestranden som er ei samling av folkelivsskildring, eventyr og sagn. Forteljinga under er henta herfra. Me har funne denne på historier.no

DAB i heile Eksingedalen?

Av Frøydis tir 08.11.2016 - 19:55
I august begynte styret i Eksingedalen Bygdaråd å undersøkje DAB-dekninga i dalen. Ved å ta kontakt med NRK, fekk me opplyst at der var dekning langs fv 344, men at enkelte hol kunne førekomme. Me fekk også grei forklaring på kva utstyr som måtte til for å få inn desse nye radiosignala inn i ein bil. Desse opplysningane gjorde oss nyskjerrige. Frøydis sette mannen på saka, og fekk innkjøpt DAB-adapter til golfen - montert nøyaktig og punktleg etter oppskrift. Så sette me oss i bilen og tok spente turen gjennom dalen. Frå Gullbrå var der ingen lyd, og stille var det heilt til me bikka Nesheim. Då kom der brått enkelte innslag av skarpt skurr. Ikkje slik vanleg suse-skurr som når FM dekninga er ustødig. Nei, dette var kraftigare saker. Men ingen fornuftig lyd før me passerte Bego. Då kom nokre nyheitglimt, innimellom dette skarpe skurret. Og slik held det fram, mest stille, litt skrurr, litt høyrbar lyd - heilt til me kom til Lavik. Då starta musikken! Og fin klar lyd. Ikkje antydning til noko form for skurr heile resten av dalen nedover. Det var nesten så me ikkje høyrde lyden av bilen heller, så bra var det.

Turen har me tatt mange gonger etter dette - med same resultat. God dekning frå Eidslandet til Lavik, enkelte glimt vidare opp til Bergo, derifrå ingen signal. Dette er omlag som dekningskartet til NRK viser.

Dette vart tilbakeformidla til NRK, og me sende også bekymring til Vaksdal kommune i september. Det vart formidla at det er viktig med radiodekning i heile dalen, då mange brukar denne når dei ferdast langs vegen. Her er også mange hytter utan internett-tilgong, og ein del fastbuande har heller ikkje tilgong på internett-radio. Via radio blir viktig informasjon formidla, både om ver, veg og andre nyheiter. Einingsleiar for samfunnssikkerheit og beredskap, Willy Andrè Gjesdal forsto umiddelbart vår bekymring og sende melding frå kommunen til NRK og medietilsynet.

Melding tilbake frå NRK kom i dag, og Vaksdal kommune opplyser på si facebook-side:

"NRK stadfestar at dei har har motteken bekymringsmelding frå Vaksdal kommune om mangelfull dab-dekning i midtre og øvre delar av Eksingedalen.
Dei har starta prosessen med mål om å forbedre dekningen innan FM-slokking i 2017. Dei peiker på at det er knytt usikkerheit til tidspunktet for etablering."

Gode nyhender - så håpar me dei når målet dei set, og sørger for betre dekning i dalen, forhåpentleg vis til alle.

Nyttig informasjon om DAB finn du på NRK sine sider: www.radio.no

Pylser frå Pøylo

Av Frøydis man 10.10.2016 - 19:56
På Høvik i Eksingedalen, nærare bestemt i Pøylo held Laila Bolstad og Bjørn Eikefet til. No er dei i full gong med å lage julemat. I vel to år har dei arbeidd med å byggje opp ei lokalmat-bedrift, Heimalaga mat frå Pøylo. Sakte og sikkert har produksjon og lønsemd auka. Målet er å skapa nye arbeidsplassar.