Treng du stolar?
Desse vert gjeve vekk - kan hentast på Eksingedalen oppveksttun!
Ta kontakt om du er interessert!

Grendahuset Ljosheim held årsmøte mandag 24. februar kl. 19.30
I tillegg til vanlege årsmøtesaker vert det informert om framdrift i husvøla. Det vert også planlegging av jubileum. Klikk på "Les meir" for å få fram fullstendig sakliste. Heilt nederst på sida kan du klikke på Grendahuset Ljosheim og få opp både saklista og årsmelding for 2021.

Søndag var det nasjonal utedag med arrangement over heile landet. Vaksdal Turlag inviterte til "Kom deg ut - dag" i Eksingedalen, saman med Eksingedalen IL.
Snøen har lava ned dei siste dagane, og med vind og føyke var det nok mange som hadde motivert litt ekstra for å gå ut i dag.

Ein motivasjon var premieutdelinga til Fjelltrimmen, med utdeling av krus og premiar.

6.februar er det samane sin nasjonaldag, til minne om det første samiske landsmøtet som fann stad 6.februar i 1917. 

Ved Eksingedalen oppveksttun har det vore samisk tema den siste veka, og det var avslutta med kantine, flaggheising og lassokasting. 
Flagget er heilt nytt, og det er aller første gong eit samisk flagg vert heist ved oppveksttunet i Eksingedalen.

Dette året fyller Grendahuset Ljosheim 125 år. Huset er av dei aller eldste ungdomshusa i landet. Samstundes som huset får grundig opprusting både innvendig og utvendig, ynskjer ein no å laga ei historisk bok om huset, dalen og korleis alt vart til.
Kva var det som gjorde at eksingedølane greidde å få til at dette i 1897? Og kva var det som gjorde at dei allereie i 1881 skipa «Flatekvål Bokforeining», same året som dei også arbeidde med kyrkja på Flatekval?
Dette vil ein no prøva finna ut av, gjennom å dukka ned i historia og prøva forstå samanhengane mellom straumar i tida, trongen til bokleg kunnskap og opplysning hjå folket i bygda – og kva det var som inspirerte og påverka dei.

Og: Om nokon har dokumentasjon eller veit noko om dette, ja då ynskjer boknemnda kontakt!

Snøen lavar ned og alt ligg til rette for kjekk "Kom deg ut-dag" i og ved skiløypa på Nesheim i Eksingedalen søndag!

Kl 13 vert det òg premieutdeling for Fjelltrimmen 2021, både krus og premie til klassevinnarane.

Fredag ettermiddag møttest 8 damer og ein dyktig handverkar i Eksingedalen. Og dei klypte, trykte, sydde, tenkte, spurte og fekk resultat! Kurset var på 20 timar, og 48 timar etter første møte var moroa over. For denne gong.

Vaksdal kommune søkjer etter vikar for reinhaldar ved Eksingedalen oppveksttun, i perioden 14.03.2022 – 16.12.2022, med mogelegheit for forlenging.
Stillinga er på 33 % fordelt på tre dagar pr veke.

Ved Eksingedalen oppveksttun er det ledig vikariat som kontaktlærar for ungdomsskulen og undervining i hovudsak frå 5.-10.klasse.

Vikariatet er i 100 % frå 28.mars 2022 til påske 2023. Du kan søkja om du berre ynskjer å arbeide ved skulen vårhalvåret 2022, eller berre frå skulestart hausten 2022.

Det gjeld å nytta snøen medan den er her! Fleire stader i Eksingedalen har det vore løyper og stor aktivitet siste dagane. Og oppveksttunet i Eksingedalen nytta mandagen til skiaktivitet for alle saman!