Nytt toalett ved kyrkja på Nesheim
Opninga av toalettet skjedde med snorklipping søndag 19. oktober. Snora var toalettpapir, som vart klipt av leiar i soknerådet i Nesheim sokn, Gøril Kvinge Nesheim. Håkon Øvstedal og Anita Gullbrå assisterte. Solfrid Urke Nese fotograferte. Så heile soknerådet hadde oppgåver under opningsseremonien.
Nytt toalett har stått på ynskjelista til soknerådet i mange år. Så etter fleire rundar, først med å få på plass finansiering og så det praktiske med plassering og utforming, er me endeleg i mål.
Døra inn til toalettet er den til høgre.
Nytt toalett har stått på ynskjelista til soknerådet i mange år. Så etter fleire rundar, først med å få på plass finansiering og så det praktiske med plassering og utforming, er me endeleg i mål.
Døra inn til toalettet er den til høgre.
Om hjartestartarane i Eksingedalen
I Eksingedalen fins det 5 hjartestartarar. Akkurat no er startaren på Gullbrå ute av drift. På Bergo (oppveksttunet), i Yksendalen, på Flatekval (Ljosheim) og på Høvik finn du dei andre. Alle desse er i funksjon.
Ved å bruke 113.no og oppgi posisjonen din, vil du få opp eit kart som viser hjartestartarar i nærleiken av der du er. Dette gjeld same kvar i landet du oppheld deg. Oppfordrar deg til å besøke denne nettsida for å teste denne funksjonen. Du må bla deg litt nedover sida for å finne funksjonen du skal trykke på for å få opp kartet.
Hjartestartarar skal vera lette å bruke, det er ei stemme i startaren som fortel deg kva du skal gjere. Men, uansett er oppfordringa å delta på kurs i hjarte- og lungeredning der bruk av hjartestartar er inkludert.
Ved å bruke 113.no og oppgi posisjonen din, vil du få opp eit kart som viser hjartestartarar i nærleiken av der du er. Dette gjeld same kvar i landet du oppheld deg. Oppfordrar deg til å besøke denne nettsida for å teste denne funksjonen. Du må bla deg litt nedover sida for å finne funksjonen du skal trykke på for å få opp kartet.
Hjartestartarar skal vera lette å bruke, det er ei stemme i startaren som fortel deg kva du skal gjere. Men, uansett er oppfordringa å delta på kurs i hjarte- og lungeredning der bruk av hjartestartar er inkludert.
Nilsalopp, bingo, ski og påskekos i Eksingedalen!
Som vanleg har det vore ei innhaldsrik påske i Eksingedalen. Loppemarknad, bingo, Nilsalopp, skiturar, fotturar, rebusløyper og lokal påskemoro. For å nemna noko.
Folketalet har sannsynlegvis vore minst tredobla, og butikken på Lavik gjekk "nesten tom" for mat.
Eksingedølane er takksame for at så mange tilreisande støttar opp om aktivitetar i bygda; handlar lokalt på Nærbutikken vår, kjøper lopper og spelar bingo!
Folketalet har sannsynlegvis vore minst tredobla, og butikken på Lavik gjekk "nesten tom" for mat.
Eksingedølane er takksame for at så mange tilreisande støttar opp om aktivitetar i bygda; handlar lokalt på Nærbutikken vår, kjøper lopper og spelar bingo!
Tufteparken er klar til bruk i påska
Det var stor-dugnad sist veke for å få klar Tufteparken. 21 små og store lempa og grafsa fallsand utover, med iherdig arbeidslyst. Dei yngste prøvde ut ulike aktivitetar innimellom grafsearbeidet, før dei lempa på att! Å jamna ut 150 tonn fallsand til 40 cm djupn gjekk som ein draum, i solnedgangen.
No ventar alle på grusing av fotballbana, noko Vaksdal kommune har løyvd pengar til. Denne grusinga skjer ganske snart, seier kommunen. Etter det vert det ei offisiell opning av Tufteparken, men bruk den så mykje du vil i påska!
No ventar alle på grusing av fotballbana, noko Vaksdal kommune har løyvd pengar til. Denne grusinga skjer ganske snart, seier kommunen. Etter det vert det ei offisiell opning av Tufteparken, men bruk den så mykje du vil i påska!
Loppemarknad er kjekt!
Laurdag, presis klokka 11, opna dørene inn til loppemarknaden i Ljosheim. Ei lita kø på ti personar stod klar til innrykk. Dei mest erfarne og handlelystne gjekk rett til verket, og fekk tak i godbitar med det same. Andre gjekk rett i kaffikroken.
Loppemarknad handlar om meir enn "lopper". Rikeleg med kaffi, gode kaker og triveleg prat er nesten like viktig.
Loppemarknad handlar om meir enn "lopper". Rikeleg med kaffi, gode kaker og triveleg prat er nesten like viktig.
Klårfjell og vakre tonar
Vakre, vare - og sterke tonar, framført av dei profesjonelle musikarane Berit Oppheim, Sigbjørn Apeland og Per Jørgensen, saman med folkesongarar frå Vaksdal og Voss.
Voss spelemannslag var vertskap, saman med Vaksdal kyrkjelege fellesråd.
For alle dei frammøtte i kyrkja på Flatekval vart det ei nydeleg oppleving søndag kveld.
Voss spelemannslag var vertskap, saman med Vaksdal kyrkjelege fellesråd.
For alle dei frammøtte i kyrkja på Flatekval vart det ei nydeleg oppleving søndag kveld.
Framtidsretta og levande grendahus!
Kva husastyret i Grendahuset Ljosheim sitt arbeid rommar i løpet av eit år, er meir enn imponerande. Sist veke var det årsmøte, og årsmeldinga fortel om både husavøle og stor aktivitet i huset. Grenahuset Ljosheim er eit levande grendahus, nett slik det var tenkt då det vart bygd for litt over 127 år sidan. Dette året fekk Husastyret for Grendahuset Ljosheim tildelt Vaksdal kommune sin kulturpris for det store arbeidet dei har gjort.
Årsmøte i Grendahuset Ljosheim
Grendahuset inviterer til årsmøte onsdag 12. mars. Alle som er busette i Eksingedalen er medlemmar av Grendahuset Ljosheim og er inviterte til årsmøtet!
Her får ein mellom anna høyra om arbeidet som er utført dette året.
Her får ein mellom anna høyra om arbeidet som er utført dette året.
Hurra! No er me glade!
Det var ein kjekk ettermiddag og kveld ved butikken på Lavik fredag 14.februr. Mellom 100 og 150 menneske møtte opp, glade og stolte. Butikkstyrar Hege fortente kvart eit skrytande ord, for maken til pågangsmot kan ein leita lenge etter.
I dag kom varene!
I dag vart butikken fylt opp med allslags varer! Dugnadsinnsatsen var stor, av engasjert gjeng som brukte to skuletimar på butikken.
HURRA! Om ei veke er det butikk på Lavik!
I dag er Hege Marie Lavik glad. For i dag veit ho at om ei veke skal ho opna butikken på Lavik att! Klokka 12.35 i dag visste ho det, i ei tekstmelding frå ordførar Hege Eide Vik og kommunadvokaten Sindre Tvedten i Vaksdal kommune. Då var siste godkjenning med underskrift på plass.
Heile Eksingedalen gler seg med vår dyktige Hege. Butikken opnar no på nytt, etter brannen 22.mars 2023. Alle hugsar den kvelden, og mange var nok spente på om Hege sitt pågangsmot ville halda. Det gjorde det, og no står ein heilt ny butikk klar. Hege og ungane kan flytta heim att. Hege får jobben tilbake og bygdefolket kan handla lokalt og får tilbake ein viktig sosial møteplass.
Heile Eksingedalen gler seg med vår dyktige Hege. Butikken opnar no på nytt, etter brannen 22.mars 2023. Alle hugsar den kvelden, og mange var nok spente på om Hege sitt pågangsmot ville halda. Det gjorde det, og no står ein heilt ny butikk klar. Hege og ungane kan flytta heim att. Hege får jobben tilbake og bygdefolket kan handla lokalt og får tilbake ein viktig sosial møteplass.
Gullvandrar Nils!
Nils Nesheim fekk på årsmøtet tildelt heidersprisen GULLVANDRAREN. Nils fekk utnemninga fordi han i alder av 85 år går langt meir enn dei fleste av oss. Nils har gått i fjellet i alle år, og han har halde fram med å halda seg i god form. Om sommaren er Nils å sjå på sykkel eller til fots, om vinteren går han runde på runde i skiløypa på Nesheim. Der har han også eit skiløp, Nilsaloppet, oppkalla etter seg.