Søndag skipa Vaksdal Turlag til tur langs den gamle ferdavegen frå Brekkhus og ned til Bergo.

Det vart ei lang, lang rekkje: 35 deltok på fellesturen i nydeleg sommarvêr.

Smilande 10.klasse i Eksingedalen vart feira på sommarfesten på skulen torsdag. Tradisjonen tru var det talar, blomar og heider for avgangselevane.

For aller første gong vart regnbogeflagget heist ved skulen i Eksingedalen i dag, måndag 14.juni -21. Eit nytt flaggreglement er vedteke i kommunen, og det vedteke at dette flagget skal heisast den andre måndagen i juni kvart år på alle skulane i Vaksdal. Det er tredje gongen flagget vert heist utanfor heradshuset på Dale.
Ved Eksingedalen skule var det 10.klassingane Sigve Øvstedal og Johannes Bergo som heiste flagget.

Kven meiner du bør bli årets eksingedøl?

Velkomen til gudsteneste

Onsdagstur til Flatekvalstølen, den fjerde stølsturen i vår. Fellesturane om våren startar der våren kjem først, alltid Eikefetstølen og Vetlejordstølen først - og sist veke var det tur til Nesstølen.

Etter mange utsettingar av førstehjelpskurs, kan endeleg kurset gjennomførast. Kurset vert halde tysdag 15.juni, og det er eit par ledige plassar.

Denne veka fekk bøndene Haldis og Gaute Øvstedal diplom for topp kvalitet på mjølka. Det er Felleskjøpet som deler ut denne prisen, der totalt 150 mjølkebønder vert heidra for ekstra god kvalitet. Det er over 8 000 mjølkebønder i Noreg, og to av dei 150 som leverer mjølk av beste kvalitet, høyrer heime i Vaksdal kommune.

Årets kyrkjelege konfirmasjon i Eksingedalen var i Nesheim kyrkje. Ein fin og varm dag, konfirmantar og prest på kyrkjegardsmuren og vakker natur som ramme. Alvor og smil i samspel.

Rydd langs veg og vassdrag denne veka - og lever i eigne sekkar ved hyttecontainarane innan mandag.