TINE premierer

Av Magnar ons 03.03.2021 - 08:32
På Nesheim vart de is og nonstop til dessert då TINE premierte for levering av mjølk av høgste kvalitet. Og isen var frå Diplomis, som er eigd av TINE. Alle i familien bidreg i fjøset, og var glade for å få 5-årsplakett. Denne plaketten er trinn 1 av 4 i premieringssystemet.
TINE er eit samvirkefortak, eigd av mjølkebønder, som ynskjer å gjere stas på dei som lukkast med å levera mjølk av topp kvalitet. I produsentlaget Vaksdal/Modalen vart det delt ut to 5-årsplakettar dette året.
Les under kva som må til for å oppnå dei ulike premiane.

Eventyrlystne Laila!

Av Liv Anne fre 19.02.2021 - 14:46
Laila Mette Bolstad reiste siste dagane i januar til ei fjellstove i Rana kommune, rett ved svenskegrensa.

Kvifor gjorde ho det? Jau, for å jobba i førstelinja – for å hindra importsmitte av koronaviruset til Noreg. Døgnet rundt er ho med på testing på landegrensa.

 

Mobile Worker

Kurs i førstehjelp utsett atter ein gong - og det er framleis ledige plassar!

Av Liv Anne tir 16.02.2021 - 08:20
Kvinne- og familielaget og Eksingedalen IL inviterer til førstehjelpskurs. Kurset vil ha særleg fokus på hjarte- og lungeredning og opplæring i bruk av hjartestartarane.

Nye kursdatoar er onsdag 24. mars og torsdag 25.mars. Dei påmeldte har fått melding om dette - og det er framleis ledige plassar! Ta i tilfelle kontakt med Britt.

Uni

Offisiell opning av stølsbru

Av Liv Anne søn 22.10.2017 - 20:39
Brubyggjarane inviterer til opning av nye bruer på stølsvegen til Flatekvalstølen. Stølsvegen har vore utan bru dei siste åra, men i haust har grunneigarar laga ny, flott bru.
Så fine bruer treng skikkeleg opning! Det skjer søndag 29.oktober kl 14.

Førehandsval, valkafè og lokal valgransking

Av Liv Anne tor 31.08.2017 - 20:51
Vaksdal kommune gjennomfører denne veka førehandsrøysting rundt om i grendene i Vaksdal. I Eksingedalen var det mange som nytta høvet til å gje si røyst til partiet dei meiner skal styra landet dei kommande fire åra. Folk sette pris på å framleis få røysta på skulen i Eksingedalen. Dei tre gutane i 9.klasse sytte for servering, og valkafè var populært. Mange tok seg riktig god tid med kaffi og kaker og fekk prata med naboar og sambydingar.

Blå himmel, sol og trim i triveleg lag

Av Liv Anne tor 17.08.2017 - 21:43
Onsdag denne veka starta turgruppa sine trimturar opp att, først haustturen gjekk til Nesheimstølen. Godt turvêr har me ikkje hatt for mykje av denne sommaren, så då blå himmel og sol viste seg - og attpåtil og heldt heile turen, vart stemninga "ekstra god". Å gå på tur er godt for kropp og sjel! Neste onsdagstur går til Nonhaugen, med bursdagsfeiring på toppen. Så det er berre å hengja seg på!

Klar for klatring?

Av Frøydis fre 04.08.2017 - 22:54
Er du glad i å klatre motbakker på sykkel? Då bør du ta ein tur på fv 313, opp fjellovergangen mellom Teigdalen og Eksingedalen. Stigninga opp frå Brekkhus-krysset til toppen av fjellet kan tilby 615 høgdemeter over 6,5 km. Godt asfaltdekke og nokså jamn stigning gjer bakken ypperleg til treningsføremål. Og er du ekstra sprek, ja då rullar du nedatt og tek bakken ein gong til.

"Ny" fotballbane

Av Frøydis tor 03.08.2017 - 18:57
Det har utført ein del arbeid på grusbana på Bergo i vår og sommar, mellom anna er der lagt ny grus og bana har blitt oppretta ein del. Ivrige fotballspelarar berre "måtte" ta ein test i dag

Rulleskikameratane går nye vegar

Av Liv Anne fre 28.07.2017 - 20:05
Trimiveren i Eksingdalen er stor. Nokre held vinteridretten ved like også på finaste sommardagen, men dei har i sommar vore nøydde til å finna seg ny treningsløype. Vegdekket gjennom Eksingedalen er svært dåreleg og rett og slett farleg for både sykkel og rulleski. Så "rulleskikameratane" går difor meir krevjande treningsveg i år: Frå Nesheim og opp på høgaste punktet på fjellovergangen Fv 313. Nedatt går det i lett jogging, med skia i handa.