Hurra for 17.mai!
Eksingedølane sine glimt frå dagen:

Det var slik me ynskte det 17.mai - men det blir nok litt annleis.

Frå fredag 15.mai har Eksingedalen Snarkjøp AS lengre opningstider enn dei fleste andre butikkar har. For her vert det no sjølvbetent butikk som er open kvar einaste dag. Som før, vil butikken vera betent i den «vanlege opningstida».

-Dette er både fornying og forbetring, seier butikksjefen Hege Marie Lavik. Om me fornyar oss vil me framleis ta vare på det lokale, det som betyr mykje for oss og som er spesielt for denne butikken vår.

Tekst: Liv Anne Bergo Foto: Solfrid Urke Nese og Magnar Nese

Medaljevinnarane fekk denne veka pakke frå Forskningsrådet. Der var det dipolm, t-skjorter, medaljer og tatoveringar. Elevane sitt prosjekt "Kan kle vera berekraftige?" med undertittel "Vil ei hue forsvinna i jord? Kva er det i såfall som gjer det?" var eitt av 25 prosjekt som kom til den nasjonale finalen. For dette arbeidet fekk dei bronsemedalje.

Også for Eksingedalen vil det bli annleis 17.mai feiring i år. Det vil ikkje bli felles samling med tog og tale, leikar og utlodding på skulen - i staden må me finne på noko anna.

"Kan kle vera berekraftige?"
Det er tittelen på Nysgjerrigper-prosjektet til Eksingedalen skule 2020. Prosjektet heldt til finaleplass, og i dag vart det klart at Nysgjerrigper-ane ved Eksingedalen skule får bronse i år.
Skulen har delteke i Nysgjerrigperkonkurransen fire gonger og har no sikra seg fire medaljer, tre sølv og no ei bronsemedalje. I konkurransen vart det i år delt ut ei gullmedalje og to sølv, resten av finalistane fekk bronse.

Fjelltrimboka på Nonhaugen er vekke. Det er eit mysterium, fordi den vart lagt trygt på plass og mura inn i varden på Nonhaugen langfredag. Ei veke etter er både bok og boksen til boka sporlaust vekke. Om nokon har opplysningar i saka ( for eksempel har fått den heim i tursekken) - så er turgruppa interessert i å få tak i boka.

Ny bok kjem på plass onsdag 22.april. Det som er dumt er at mange namn er vekke. Er du ein av dei som veit at du har skrive deg opp fordi du samlar poeng til Fjelltrimen, ta kontakt med Liv Anne for å få deg notert! Dei som var med på turen langfredag har allereie fått namnet sitt i den nye boka.

Arkivfoto

Nokon vil ha det til at det er meir enn ein grunn til at det ikkje blei påskebingo på skulen på Bergo i år. Kvaliteten på vitsane skal vera den andre grunnen. Bingogeneralen seier at at han ikkje har jobba eitt år med dårlege vitsar, for så å ikkje få bruka dei. Så her kjem dei; ein vits for hjørna, ein for ei vassrett rekkje, og så vidare opp til fullt brett. Ekstravitsar er det også, i tilfelle det skulle bli bruk for det.

Me er heldige som har både korte og lange turar her me bur i Eksingedalen. Å gå i kø treng me heller ikkje vera redde for, slik ein må passa seg for andre stader i desse dagar. Turgruppa har sett opp turprogram for våren, og håpar at onsdagsturane kan gjennomførast.

Den årlege fellesturen til Kvitanosi kan me ikkje planleggja som fellestur denne påska, sidan situasjonen er som den er i verda. Om du skal til fjells i påska så ver merksam på at det er mykje snø i fjellet. Siste tida har det vore mykje nedbør, både snø og regn - og med mykje vind i tillegg er det store skavlar og stor rasfare. Bruk varsom.no.

Kanskje det freistar å samla poeng til Fjelltrimmen?

Siste postkort i elevsamlinga.