Nilsaloppet 2024

Av Liv Anne tor 28.03.2024 - 13:59
Den lokale tre-mila, med namn "Nilsaloppet" gjekk av stabelen i føremiddag. Kor langt av tre-mila deltakarane skulle gå, var heilt valfritt.
Heile 19 stilte til start, og omlag halvparten gjennomførte tre mil.

Alle glade og lukkelege, såg det ut til, uansett kor langt dei gjekk!

 

Mobile Worker

Uni

Medaljedryss for "Vår Eksingedal!"

Av redaktør fre 07.06.2019 - 08:41
VilVite i Bergen inviterte til show, læring og leik på VilVite. Medaljene var delte ut av direktøren for VilVite, Lars Leegaard Marøy, som var imponert over at ein skule med berre fire elevar på barneskulen kan ta sølv. Dette er tredje sølvmedalja til elevane i Nysgjerrigperkonkurransen!

Elevane har i år forska på seg sjølve, gamledagar, og samanlikna seg med andre. dei har m.a. funne fram til kva som er bra med å bu i "vår Eksingedal".

På sine sider skriv VilVite dette:
"Det handler om å betrakte seg selv, men også se verden rundt deg. Dette handlet elevenes prosjektoppgave om. I dag, derimot, var elevene mest opptatt av å utforske vitensenteret. Selv om skolen er liten, betyr det ikke at engasjementet og styrken er liten. Hurra for Eksingedalen!"

Sesong for trimpoeng

Av Liv Anne søn 26.05.2019 - 21:38
Turgruppa sin første onsdagstur gjekk til Fetstølen. Festølen er ein av trimpostane til Eksingedalen IL sin Fjelltrim. I år er Fetstølen ein ekstra populær tur, for i tillegg til å vera trimpost for Eksingedalen er det også ein post i Eidsland sin fjelltrim og Stames sine trimpoeng!

Som alltid om våren går onsdagsturane i nedre delen av Eksingedalen. Denne veka er det tur til Flatekvalstølen, neste veke til Nesstølen - før siste onsdagstur i vår til Lavikstølen og Haugastølen den 12.juni.

Bli med på Ryddedugnad 2019!

Av Liv Anne ons 22.05.2019 - 22:18
Som sist vår tek Bygdarådet initiativ til "Vår-ryddedugnad" i Eksingedalen. Det er avtale med BIR om levering av innsamla søppel i dugnadssekker ved hyttekonteinarane på Flatekval, Lavik, Nesheim og Ekse måndag 27.mai. Sekkar kan hentast hjå Hege på butikken.

Målet er at alle plukkar langs grøftekantar og vassdraget der ein bur - slik at ein går saman for å hindra at plast og anna søppel hamnar der det ikkje bør vera. Bygdarådet oppmodar alle om å vera med på ein ryddeaksjon denne veka!

18.mai-kamp på Bergo Stadion

Av Liv Anne man 20.05.2019 - 20:04
Å spela fotball er sosialt og kjekt! Innsatsen til dei 15 som møtte opp 18.mai var upåklageleg, og tempoet var til tider svært høgt. Her møttest "proffe" ungdommar mot trimmarar, dei blå mot resten!

Innimellom er det stor aktivitet på fotballbana nedom skulen, særleg i langhelger og feriar. Når nokon har lyst til å spela vert jungeltelegrafen nytta i tillegg til Facebook. Det er ei eiga Facebook-side som heiter "Fotballtrening på Bergo", ei gruppe for den lovande fotballgjengen i Eksingedalen. Søk opp gruppa dersom du har lyst til å vera med! Ope for alle frå 8.klasse og oppover i alder .

Nysgjerrige til sølv, igjen

Av Magnar tir 07.05.2019 - 08:58
VÅR EKSINGEDAL!
Er det noko som er spesielt for oppveksten vår i Eksingedalen?
Kva er mest annleis i oppvekst før og no?
Er det annleis å veksa opp her enn andre stader? Kva er mest ulikt?

Dette er tittel og problemstillinga i Nysgjerrigperprosjektet til 1.-7.klasse ved Eksingedalen skule. Måndag denne veka fekk dei sølvmedalje i Nysgjerrigperkonkurransen 2019. Dette er det tredje sølvet til Eksingedalen skule, tre år etter kvarandre. Dei fire elevane jubla høgt, og fekk reisa til Hege på butikken for å kjøpa is og brus!
Elevane forska i år på seg sjølve. Dei har forska på om det er noko som er spesielt med sin eigen oppvekst i Eksingedalen. Dei har studert oppvekst for tre, folk og fe. Dette har dei gjort ved å skriva, lesa, teikna og dra på turar i bygda. Dei har vore i floren til Heidi og hjå geitene til Silje. Dei har smakt på mjølk rett frå kyrne og fått heimelaga is der Heidi hadde separert mjølka og så laga is til dei. Dei har lært mykje både om seg sjølv og om dei andre i klassegruppa si.