Som sist vår tek Bygdarådet initiativ til "Vår-ryddedugnad" i Eksingedalen. Det er avtale med BIR om levering av innsamla søppel i dugnadssekker ved hyttekonteinarane på Flatekval, Lavik, Nesheim og Ekse måndag 27.mai. Sekkar kan hentast hjå Hege på butikken.

Målet er at alle plukkar langs grøftekantar og vassdraget der ein bur - slik at ein går saman for å hindra at plast og anna søppel hamnar der det ikkje bør vera. Bygdarådet oppmodar alle om å vera med på ein ryddeaksjon denne veka!

Å spela fotball er sosialt og kjekt! Innsatsen til dei 15 som møtte opp 18.mai var upåklageleg, og tempoet var til tider svært høgt. Her møttest "proffe" ungdommar mot trimmarar, dei blå mot resten!

Innimellom er det stor aktivitet på fotballbana nedom skulen, særleg i langhelger og feriar. Når nokon har lyst til å spela vert jungeltelegrafen nytta i tillegg til Facebook. Det er ei eiga Facebook-side som heiter "Fotballtrening på Bergo", ei gruppe for den lovande fotballgjengen i Eksingedalen. Søk opp gruppa dersom du har lyst til å vera med! Ope for alle frå 8.klasse og oppover i alder .

Tog med gråtass i front, tale av Maria Lavik, leikar og tevlingar , mat, prat og loddsal – det var noko av programmet denne dagen. Innimellom dette vart det også delt ut pris til årets eksingedøl – dette året gjekk prisen velfortent til Magnar Nese.

Maria Lavik skal halda 17.mai-talen i Eksingedalen dette året. Maria er utdanna historikar og journalist og jobbar som vaktsjef i Klassekampen.

Som vanleg startar feiringa i Eksingedalen med tog kl 12, deretter tale og program inne i gymsalen på skulen. Etterpå vert det leikar og aktivitetar for alle!

VÅR EKSINGEDAL!
Er det noko som er spesielt for oppveksten vår i Eksingedalen?
Kva er mest annleis i oppvekst før og no?
Er det annleis å veksa opp her enn andre stader? Kva er mest ulikt?

Dette er tittel og problemstillinga i Nysgjerrigperprosjektet til 1.-7.klasse ved Eksingedalen skule. Måndag denne veka fekk dei sølvmedalje i Nysgjerrigperkonkurransen 2019. Dette er det tredje sølvet til Eksingedalen skule, tre år etter kvarandre. Dei fire elevane jubla høgt, og fekk reisa til Hege på butikken for å kjøpa is og brus!
Elevane forska i år på seg sjølve. Dei har forska på om det er noko som er spesielt med sin eigen oppvekst i Eksingedalen. Dei har studert oppvekst for tre, folk og fe. Dette har dei gjort ved å skriva, lesa, teikna og dra på turar i bygda. Dei har vore i floren til Heidi og hjå geitene til Silje. Dei har smakt på mjølk rett frå kyrne og fått heimelaga is der Heidi hadde separert mjølka og så laga is til dei. Dei har lært mykje både om seg sjølv og om dei andre i klassegruppa si.

Tysdag 23. april var det markering for nyefjøset til Haldis og Gaute på Nesheim. Direktør i Innovasjon Norge avdeling Vestland, Nina Broch Mathisen stod for snorklipping. Saman med Karsten Valland representerte ho organisasjonen som har som oppdrag "å bidra til nyskaping i næringslivet, utvikling av konkurransedyktige norske bedrifter, og utvikling i distrikta." Til nybygget på Nesheim har dei ytt 20% av byggjekostnadane.
Det vart også gratulasjonar frå Vaksdal kommune ved varaordførar Sigmund Simmenes, samt representantar for TINE og Nortura.

Kva er vel betre ein vindfull vårkveld enn å ta med saga og møte bygdefolk til stirydding? Kjekt var det i alle fall - og trea fall for folket.

Kom med framlegg til kandidat - og fortel oss kvifor denne personen fortener prisen!

Høgaste punktet er utan tvil Kvitanosi med sine 1433 meter over havet og med ei fantastisk utsikt i alle retningar. Kvitanosi har teke i mot spreke, trøytte, glade menneske gjennom heile påskeveka! Det meldast om jamn trafikk, der føret først i veka var krevjande og skia knapt sette spor - til godt og passeleg mjukt føre då idrettslaget hadde sin fellestur til Kvitanosi langfredag.

Starten har gått, nesten ni rundar ventar for dei som skal gå 3 mil.
Resultatlista finn du her ved å klikka på les meir.