Sigrid Moldestad - "Med hjarte og kjærleik frå Breim"

Av Liv Anne søn 25.02.2024 - 23:00
Sundag 28.april kjem sjølvaste Sigrid Moldestad til Grendahuset Ljosheim!

Sigrid Moldestad legg for fyrste gong ut på ein akustisk soloturne vinteren 2024. Her tek ho utgangspunkt i bokplata "Breim" som kom ut i haust. Det blir personlige historier, poesi, slåttar og songar. Eit nært møte med musikk ho har sitt hjarte i. Sigrid inviterer publikum til unike små spelestader som kler både musikken og felefortellingane ho har med seg.

Fantefolk kjem til Ljosheim 15.mars

Av Liv Anne søn 25.02.2024 - 22:41
Det er mykje kjekt som skjer i Ljosheim! Eit høgdepunkt i mars er gruppa Fantefolk si førestilling om Per Sivle sitt liv, oppvekst og dikting. Jens Brekke les dikt, fortel om Sivle og fortel Vossastubbar, alt vert krydra med musikk og song.

Husastyret inviterer på pizzabuffet frå kl 19:00, førestillinga startar 19:30.
Inngang, pizzabuffet og førestilling: kr 300,-
Billettar kan tingast på førehand hjå Anna, eller kjøpast i døra.

 

Mobile Worker

Har levert særs god mjølk i 5 år

Av Magnar fre 23.02.2024 - 09:27
Annika Brønstad, som driv gard på Flatekval i Eksingedalen har fått ei utmerking frå TINE. Grunnen til dette er at frå fjøset til familien Brønstad er det levert mjølk av høgste kvalitet 5 år på rad. Mjølka som blir henta av TINE, og blir testa for 5 forskjellige parameter. Beste kvalitet må bli oppnådd på alle desse områda for at mjølka kan kallast elitemjølk.
Gratulerer til Annika, Odd Inge og jentene.
Uni

Basarfredag i Ljosheim

Av Liv Anne lør 17.03.2018 - 10:42
Kvinne- og familielaget sin basar skuffa ikkje! Triveleg kveldvart det, med mange blide fjes. Om lag 35 møtte fram for å kjøpa årer, vinna - og drikka kaffi saman med naboen! Talet på gevinstar var minst firdobbelt av talet på folk! Og, sidan gevinstane aldri fordeler seg jamt, var vinnargleda desto større hjå enkelte!

God oppslutning om lagsmeisterskap

Av Liv Anne lør 03.03.2018 - 18:56
Det var folksamt i løypene på Nesheim laurdag 3.mars då Eksingedalen IL skipa til lagsmeisterskap. I alt stilte 29 deltakarar med eit aldersspenn frå 3 til 78 år til start. Idrettslaget set stor pris på at hyttefolk og andre tilreisande også er med på lagsmeisterskapet.
Alle får gå - og alle får premie! "Kjekt med stor skiglede", seier rennleiar Magnar Nese

Nytt kvinnestyre er klar for innsats

Av Liv Anne fre 23.02.2018 - 10:43
Det er årsmøtetid i Eksingedalen, og eitt av laga som har fått nytt styre er Kvinne- og familielaget. Laget hadde årsmøte 13.februar, og no har det nye styret konstituert seg. Tre av damene heldt fram i styret frå sist år, to er nye for året. Program for våren er sett opp, og damene tok "selfie" på det første styremøtet.

Vaksdal Turlag er skipa

Av Liv Anne tir 13.02.2018 - 18:07
Tysdag12.februar vart Vaksdal Turlag formelt skipa, som det 15.lokallaget i Bergen og Hordaland Turlag. Styret i det ny turlaget har ein representant få kvar av bygdene i kommunen. No skal det nye styret i gang med turkalender for sesongen, med mål om å få til turar i dei ulike bygdene. I Eksingdalen vert nok turane i samarbeid med turgruppa i Eksingedalen IL.

Utetid, innetid og årsmøtelaurdag

Av Liv Anne søn 04.02.2018 - 20:00
Til trass for at gradestokken var nær 20 kuldegrader, samla det seg fleire og fleire born, ungdommar og vaksne til skileik på Bergo laurdag. Det er god tradisjon med skileik for heile familien før idrettslaget heldt årsmøtet sitt. Løypene var gode - og køyrt opp som reine labyrinten. Her var kuleløype, hopp, hinderløype og stødige spor til å gå i. Passeleg for smale ski, breie ski, korte og lange ski, kjekt var det med akrebrett også!

Aktiv fjelltrim i Eksingedalen

Av Liv Anne søn 28.01.2018 - 19:22
Turgruppa i Eksingedalen IL melder om nok eit aktivt turår i Eksingedalen! Aldri før har så mange registrert seg i Fjelltrimbøkene. Det er notert 3 235 namn i 2017, mot 2 635 namn året før. Heile 80 av dei 101 medlemmane i laget har namnet sitt i ei eller fleire av Fjelltrimbøkene, ein auke på 569 oppføringar av medlemmar på tur. 28 har greidd alle dei 15 postane, og dei får kruset.