Nordhordland Husflidslag og Osterøy museum arbeider saman med fire vevarar og åkle-ekspertar for å laga ei bok om åkle i regionen. Ein ettermiddag sist veke var oppveksttunet i Eksingedalen registreningsstad for gamle åkle. Denne dagen vart åkle frå Eksingedalen registrerte og fotograferte, kvart teppe med si historie

Tradisjonen med tur til Kvitanosi langfredag er vide kjent. Godt skiføre og bra ver fekk mange til fjells.

Endeleg vart det bingo! Det er godt når tradisjonar er på plass att!

Forslag til årsmelding frå Eksingedalen Bygdaråd er no tilgjengeleg under denne saka. Årsmeldinga er lagt ut som klikkbart vedlegg. Uttalen vedrørande konsesjonsfornyinga for Evangerutbygginga er også lagt ved her. Dette på grunn av at dette er den saka som det er brukt mest tid på i meldingsåret.
Innkalling og sakliste finn du også her.

Det var god prat rundt langbordet i Ljosheim onsdagskvelden. Dei aller fleste hadde stikketøy med seg, og det vart samla inn over 300 strikkahuer til nyfødde på Zanzibar og i Malawi.

Eksingedalen Bygdaråd kallar inn til årsmøte tysdag 19. april på Eksingedalen oppveksttun. Innkalling og sakliste er lagt i postkassane i dalen. Du finn den også som vedlegg i denne saka.

Til no har det vorte delt ut 3 diplomar til «Årets eksingedøl. Det er Bygdarådet som deler ut prisen. «Årets eksingedøl» vert kåra for å synleggjere positivt engasjement og arbeid for Eksingedalen eller folk i dalen.
Den som blir kåra til "Årets eksingedøl" er ein person som har gjort ein god innsats for dalen siste året. Det kan vere for engasjement som også har foregått over fleire år. Prisvinnar blir annonsert på 17.mai, og utmerking blir då utdelt.
Styret i bygdarådet tek endeleg avgjerd på kven som får prisen, og for å klare dette treng me innspel frå bygdefolket. Kven meiner du fortener ein slik tittel i år? Me oppmodar om å tenkja vidt - det er mange som kunne fortene ein pris for positiv innsats. Kven er din kandidat?

Send ditt framlegg med grunngjeving på mail til magnanes@online.no eller i posten: Magnar Nese, Eksingedalsvegen 2782, 5728 Eidslandet, innan 10 mai.

Ungdomskuleelevane i Eksingedalen var heldige. Dei fekk forfattartime framfor peisen med Gunnar Staalesen. Før det har dei lese den nye boka «2020 Post festum», laga familiekart, tenkt seg fram til dei ulike karakterane og og sett seg inn i dei historiske hendingane i boka.

Etterpå inviterte elevane til bokkafé for heile bygda, der Staalesen fortalde endå meir.

Ti løparar stilte til start då skigruppa inviterte til skirenn søndag. Alle i kvar sin klasse, så det vart ti lagsmeistrar i Ekisngedalen IL

Jorill Nese deltok i går, fredag, i NM i styrkeløft i Åsane Arena. Jorill sette tre nye personlege rekordar, og løfta seg til bronsemedalje samanlagt i NM.