I år kjem 17.maitalaren frå nabodalen vår. Kristin Nåmdal er engasjert bygdemenneske, og ekte innfødd modøl. Ho har budd i Modalen det meste av livet sitt og dyrkar politikkinteressa som varaordførar. Til dagleg arbeider ho som samfunnsplanleggjar i Meland kommune, der ho er oppteken av politikk, lokalsamfunnsutvikling og korleis ein kan vere med å skape gode møteplasser. Samstundes håpar ho på å få realisert draumen med å opne bakeri og lokalmatutsalg i Sognefloren på Mo til sommaren.

Vaksdal Turlag inviterer 1.mai alle til å bli med på laget sin aller første fellestur:
Jomfrutur på Stangehelle!

Turlaget har dette første året plan om ein tur i kvar bygd. Turane er opne for alle, både medlemmer og ikkje-medlemmer. Kommunen byr på variert natur, og her er det høve til å bli med på turar i område der ein ikkje er kjent frå før.

Dei to første turane er på Stanghelle og Vaksdal, der våren kjem først!

Dette raset stengde vegen i 4 døgn. Sånn blir det når det skjer "lørdag eller søndag eller fredag etter fire"
Fleire steinblokker losna og rasa ut på vegen ein halv kilometer oppom Utsikten på fv. 313 mellom Teigdalen og Eksingedalen. Dette skjedde laurdag 28. april.
Dette stod å lesa i VP laurdag kveld. Hald deg oppdatert ved å klikke på vegmeldinga til venstre på denne sida.

Foto: Sondre Nesheim

På strekninga Mo til Voss ,gjennom Eksingedalen, er det ingen offentlege toalett. Dette har, bokstaveleg tala, vist langs vegen i dalen. Kven har vel ikkje, når nauden er størst, måtta dra ned buksa og la det stå til utanfor vegen på ein ubebudd strekning. Problemet har vore tema på bygdarådsmøta i mange år, utan at ein har funne løysinga.
I opningstida til butikken blir toalettet der løysinga for dei som er på tur gjennom dalen. I tillegg til at dette er dei tilsette sitt toalett er det ikkje ope alle dagar og heller ikkje alle timar i døgnet. No treng me hjelp til å finna ei løysing på toalettmangelen for dei som reiser gjennom dalen.

Det er mange som står på og gjer ein innsats for dalen vår. Både i det små –og meir synleg. Gi ditt forslag til kandidat for tittelen "Årets eksingedøl" for i år.

Vegen vart opna onsdag 18. april kl. 12.00 etter å ha vore stengt i 21 timar.
19 timar etter at vegen vart sperra av denne doningen står den der framleis. Meldinga frå i går såg slik ut: Ein semitrailer frå Polen fekk eit minnerikt møte med vegane i Eksingedalen. Ved Flatekvalsfossen vart det bom stopp med tilhøyrande behov for bergingsbil.
I skrivande stund er ikkje traileren fjerna, og det er venta at det vil ta nokre timer å få han heimat.

I Eksingedalen er det berre skulen som har fiber i veggen, eller som det heiter på fagspråket; FTTH (fiber to the home). Difor er avstanden til næraste sentral og kvaliteten på koparlinja fram til husa avgjerande for kva som vert farten på internettet. På årsmøte i Eksingedalen Bygdaråd mandag 16. april vart det difor gitt klar melding om at FTTH må vera eit satsingsområde.

Det er kjekt når nokon inviterer til tur! Det var det mange som syns i dag. Frøydis og May Britt fekk med seg rundt 50 på skitur til Kvitanosi. Vêret kunne ikkje vore betre, og folk kom fleire timar i bil for å ta del i turen. Attpåtil feira Frøydis bursdag!

Velkomen til årsmøte!

No har Hege vore sin eigen sjef og drive butikk i nøyaktig eitt år: Eksingedalen Snarkjøp, opna 7.april 2017. Og Hege ser framover.
- Eg gler meg til sommaren! Til alle som kjem innom. Turistane, syklistane, ”motorsykkelbandane”. Dei som stoppar her, kjøper is, kaffi og wienerbrød. Det er spennande med alle som kjem forbi: Dei som leitar etter slekt, fotograferer natur, fuglekikkarane og dei som heilt tilfeldig berre køyre gjennom Eksingedalen. Det er utruleg mange slags folk innom her!