Mobile Worker

Uni

Årsmøte i grendahuset Ljosheim

Av Magnar lør 12.02.2022 - 15:10
Grendahuset Ljosheim held årsmøte mandag 24. februar kl. 19.30
I tillegg til vanlege årsmøtesaker vert det informert om framdrift i husvøla. Det vert også planlegging av jubileum. Klikk på "Les meir" for å få fram fullstendig sakliste. Heilt nederst på sida kan du klikke på Grendahuset Ljosheim og få opp både saklista og årsmelding for 2021.

Kom deg ut - dag 2022

Av Liv Anne søn 06.02.2022 - 21:01
Søndag var det nasjonal utedag med arrangement over heile landet. Vaksdal Turlag inviterte til "Kom deg ut - dag" i Eksingedalen, saman med Eksingedalen IL.
Snøen har lava ned dei siste dagane, og med vind og føyke var det nok mange som hadde motivert litt ekstra for å gå ut i dag.

Ein motivasjon var premieutdelinga til Fjelltrimmen, med utdeling av krus og premiar.

Markering av samisk nasjonaldag

Av Liv Anne lør 05.02.2022 - 12:06
6.februar er det samane sin nasjonaldag, til minne om det første samiske landsmøtet som fann stad 6.februar i 1917. 

Ved Eksingedalen oppveksttun har det vore samisk tema den siste veka, og det var avslutta med kantine, flaggheising og lassokasting. 
Flagget er heilt nytt, og det er aller første gong eit samisk flagg vert heist ved oppveksttunet i Eksingedalen.

Nye bokplanar i Eksingedalen

Av Liv Anne ons 02.02.2022 - 18:04
Dette året fyller Grendahuset Ljosheim 125 år. Huset er av dei aller eldste ungdomshusa i landet. Samstundes som huset får grundig opprusting både innvendig og utvendig, ynskjer ein no å laga ei historisk bok om huset, dalen og korleis alt vart til.
Kva var det som gjorde at eksingedølane greidde å få til at dette i 1897? Og kva var det som gjorde at dei allereie i 1881 skipa «Flatekvål Bokforeining», same året som dei også arbeidde med kyrkja på Flatekval?
Dette vil ein no prøva finna ut av, gjennom å dukka ned i historia og prøva forstå samanhengane mellom straumar i tida, trongen til bokleg kunnskap og opplysning hjå folket i bygda – og kva det var som inspirerte og påverka dei.

Og: Om nokon har dokumentasjon eller veit noko om dette, ja då ynskjer boknemnda kontakt!