Nilsaloppet 2024

Av Liv Anne tor 28.03.2024 - 13:59
Den lokale tre-mila, med namn "Nilsaloppet" gjekk av stabelen i føremiddag. Kor langt av tre-mila deltakarane skulle gå, var heilt valfritt.
Heile 19 stilte til start, og omlag halvparten gjennomførte tre mil.

Alle glade og lukkelege, såg det ut til, uansett kor langt dei gjekk!

 

Mobile Worker

Uni

Eksingedalen treng ein lærar!

Av Liv Anne ons 12.01.2022 - 08:06
Ved Eksingedalen oppveksttun er det ledig vikariat som kontaktlærar for ungdomsskulen og undervining i hovudsak frå 5.-10.klasse.

Vikariatet er i 100 % frå 28.mars 2022 til påske 2023. Du kan søkja om du berre ynskjer å arbeide ved skulen vårhalvåret 2022, eller berre frå skulestart hausten 2022.

Vinter og ski!

Av Liv Anne tir 11.01.2022 - 12:13

Det gjeld å nytta snøen medan den er her! Fleire stader i Eksingedalen har det vore løyper og stor aktivitet siste dagane. Og oppveksttunet i Eksingedalen nytta mandagen til skiaktivitet for alle saman!

Vintervedlikehald på fylkesvegane våre

Av Magnar tir 07.12.2021 - 14:05
Glatt veg eller ikkje glatt veg. Det har vore eit heitt tema i det siste. Eksingedalen Bygdaråd har prøvd å kartleggje kva reglar som gjeld. Det er også gitt innspel til Vaksdal kommune for å få til ei bedring på vintervedlikehaldet hjå oss. Og då er det snakk om når det skal strøast. Brøytinga blir utført godt.

Fylkesvegane våre har fått nye nummer. Modalstunnelen-Nesheim-Nesheimsfjellet-Evanger har nummer 5410. Nesheim-Gullbrå har nummer 5398.
Det vart stilt spørsmål til vedlikehaldsansvarleg i Statens Vegvesen om kvifor vegen er plassert i vintervedlikehalds-klasse E, og kva dette inneber.

Folkemøte 27. november

Av redaktør tor 25.11.2021 - 12:42
Ein liten smak av vinter rundt vassdraget no seint i november.

No laurdag 27. november kl. 12 vert det ope folkemøte på Eksingedalen Oppveksttun, på skulen altså. Her vil ein gå gjennom hovedpunkta i ynskje og krav som er aktuelle no når konsesjonsvilkåra for Eksingedalsvassdraget skal fornyast.
Det vil sjølvsagt bli høve til å stilla spørsmål og koma med framlegg og ynskje som ein kan debattera på møtet. Synspunkt som kan auka kvaliteten på uttalen til vilkårsrevisjonen, er det framleis god opning for.

70-årsfest for Kvinne- og familielaget

Av Liv Anne søn 21.11.2021 - 19:12
20 festkledde medlemmar feira 70 år i Ljosheim laurdagskvelden. Eksingedalen husmorlag vart stifta 17.november 1951. Mykje har endra seg på 70 år, men laget er som før; engasjert og aktivt.

Laget skifta namn til Eksingedalen Kvinne- og familielag i 1997. Framleis er det eit godt sosialt møtepunkt, og laget engasjerer seg i smått og stort i bygda. Soga om 70 år er skrive, og den er imponerande!