Styrketrening på tysdagar startar tidlegast opp tysdag 18.januar, på grunn av retningslinjer i høve smittevern.

Det oppsette Yoga-kurset vert også utsett, med oppstart 19.januar.

"Å tenkja på andre og å gjera noko for andre". Det har vore desembertema på Oppveksttunet i Eksingedalen.

I dag er siste skuledagen før jul, gåver er pakka og matkasser handla. Alt skal leverast Frivilligsentralen i Vaksdal kommune.

Butikken på Lavik er full av varer i desember! Ikkje berre mat, men også mange andre mogelege julegåver.
- Og gje gjerne eit gåvekort til folk som bur langt vekke. For då får du besøk også, smiler butikkstyrar Hege.

Glatt veg eller ikkje glatt veg. Det har vore eit heitt tema i det siste. Eksingedalen Bygdaråd har prøvd å kartleggje kva reglar som gjeld. Det er også gitt innspel til Vaksdal kommune for å få til ei bedring på vintervedlikehaldet hjå oss. Og då er det snakk om når det skal strøast. Brøytinga blir utført godt.

Fylkesvegane våre har fått nye nummer. Modalstunnelen-Nesheim-Nesheimsfjellet-Evanger har nummer 5410. Nesheim-Gullbrå har nummer 5398.
Det vart stilt spørsmål til vedlikehaldsansvarleg i Statens Vegvesen om kvifor vegen er plassert i vintervedlikehalds-klasse E, og kva dette inneber.

Ein liten smak av vinter rundt vassdraget no seint i november.

No laurdag 27. november kl. 12 vert det ope folkemøte på Eksingedalen Oppveksttun, på skulen altså. Her vil ein gå gjennom hovedpunkta i ynskje og krav som er aktuelle no når konsesjonsvilkåra for Eksingedalsvassdraget skal fornyast.
Det vil sjølvsagt bli høve til å stilla spørsmål og koma med framlegg og ynskje som ein kan debattera på møtet. Synspunkt som kan auka kvaliteten på uttalen til vilkårsrevisjonen, er det framleis god opning for.

20 festkledde medlemmar feira 70 år i Ljosheim laurdagskvelden. Eksingedalen husmorlag vart stifta 17.november 1951. Mykje har endra seg på 70 år, men laget er som før; engasjert og aktivt.

Laget skifta namn til Eksingedalen Kvinne- og familielag i 1997. Framleis er det eit godt sosialt møtepunkt, og laget engasjerer seg i smått og stort i bygda. Soga om 70 år er skrive, og den er imponerande!

I dag, onsdag 10.november, hadde ordførar Hege Eide Vik kontordag i Eksingedalen.
Mange nytta høve til ein prat med henne.

Lenke til konsert for dei som vil følgje på nettet finn de her ( klikk på les meir)

7 summande bier frå Eksingedalen oppveksttun ynskte torsdag foreldre og bygdafolk velkommen inn i bikuben, ei temautstilling i gymsalen på skulen. Elevane har følgd livet i ein bikube frå biene vakna i vår og fram til dei har teke haust.

Dette og meir til fortel dei om i utstilligna si. Utstillinga vert ståande på skulen til tysdag 9.november.

Med så flott butikk som det er i Eksingedalen er det lett å handla lokalt! Godt utval av varer, stor sørvis og lang opningstid inviterer til handel på nærbutikken.

Laurdag denne veka inviterer Eksingedalen Snarkjøp til "Handle lokalt-dag".