Bli med på turhelg i Eksingedalen!

Av Liv Anne tor 22.08.2019 - 19:27
Til helga har du sjansen til å vera med på to fine fellesturar med Vaksdal Turlag i Eksingedalen! Har du enno ikkje vore på Vaksdals høgaste topp? Laurdag 24.august går turen til Skjerjavasshovden, høgaste toppen i Vaksdal, 1264 moh.
Oppmøtestad er Trefall i Eksingedalen kl 11.00, ved Trefallbrua rett ovanfor Trefall. Herifrå køyrer ein anleggsvegen inn til Beinhelleren.Turen startar i sørenden av Beinhellervatnet på 700 moh. Turen tek omlag 4-5 timar tur/retur. Totalt er det ca 10 km og ein samla stigning på nesten 1000 høgdemeter.

Søndag den 25. er det tur langs Øvrafjellet, den gamle ferdslevegen mellom Gullbrå og Ekse til Brekkhus. Oppmøte ved Vinningsleitet på Fv. 313, ved kommunegrensa mellom Vaksdal og Voss. Turen startar bratt opp til Krossaleitet, derifrå er det innover i lettare terreng mot Eksestølen og ned til Ekse. Skyss vert organisert attende til parkerte bilar. Ein rekar 5 -6 timar på denne turen.

Eventuelle endringar i tilfelle dårleg vèr vert å finna på www.eksingedalen.no
Sjå også https://vt.dnt.no/ for meir informasjon

 

Mobile Worker

Stølsgudsteneste på Trefallstølen

Av Magnar man 12.08.2019 - 19:55
Vinterbilete av dei tre sela på Trefallstølen. Foto: Kåre Trefall

"Det blir stølsgudsteneste. Sjølv om regnet har vart lenger enn værmeldingane tilsa, satsar me på opplett midt på dagen." Dette er siste melding frå Nesheim sokneråd.

Søndag 18. august er det planlagt stølsgudsteneste på Trefallstølen. Nesheim sokneråd inviterer til samling på stølsvollen kl. 12.00. Turen opp til stølen tek under 1 time, men dersom du vil ha god tid er det lurt å starta kl. 10.30. Då vil det vera folk på plass for å rettleia om stival. Starten på turen er ved brua i Røyrdalen, der DNT-stien til Selhamar startar. Hugs å ta med mat og drikke til kyrkjekaffien etter gudstenesta.
Skulle det bli så dårleg vèr at det ikkje blir gudsteneste ute, held me til i kyrkja på Nesheim. Kontaktperson er Magnar Nese, tlf. 97588303. Det blir også lagt ut info på eksingedalen.no

Nesheim sokneråd
Uni

Registrering av nye liv i sauemagane, på sjølvaste morsdagen

Av Liv Anne søn 12.02.2017 - 18:11
Fosterteljar Tor Erok Ertzaas frå Levanger startar rundreisa si med fosterteljing 11.januar kvart år. Han reiser rundt til saueflorar i heile Noreg, og leitar etter nye livsteikn. 7 veker brukar han på rundreisa si, og er som regel heime att på garden sin i Trøndelag 27.februar kvart år. Målet er å komma attende på faste datoar kvart år.

Kom deg ut-dagen!

Av Liv Anne søn 05.02.2017 - 18:18
Ski, akebrett, "plastvåpen-funn", ein liten skihoppar og ein lilla ballong skapte aktivitet mellom ungane som kom seg ut på "Kom deg ut dagen". Turistforeninga skipar til "kom deg ut dag" i heile Noreg søndag 5.februar, og i Eksingedalen tok turgruppa i idrettslaget utfordringa og inviterte til "Kom deg ut dag" på Nesheim.

Program for FRILUFTSGRUPPA:

Av Liv Anne man 23.01.2017 - 21:51
Programet for friluftsgruppa er no å finna i kalenderen. Dei kommande vekene vert det friluftskveld tysdag- eller torsdagskveldar frå kl 17 til 19, med oppmøte i Almane.

Fredag 17. til laurdag 18.februar skal gjengen overnatta i gapahuken og lavvo.
Foto: Anna Bergo

På reise med jolegåver til flyktningar i Vaksdal

Av Liv Anne man 19.12.2016 - 17:55
Elevane ved Eksingedalen skule reiste mandag morgon til Dale på besøk til Vakdal introsenter med ei stor korg med gåver til born og unge flyktningar i Vaksdal. I adventstida har elevane hatt med seg gåver, og har gjeve ei pakke i staden for å få. Dette er tredje året skulen har hatt "omvendt adventskalender".
Elevrådet ved Eksingedalen skule tok turen til Dale for å overrekkja gåver og fortelja om Eksingedalen for elevane ved Vaksenopplæringa på Introsenteret.
Foto: Eksingedalen skule

Vegen går vidare for Sukhjeet

Av Liv Anne tor 08.12.2016 - 17:58
Ganske nøyaktig seks år etter at Sukhjeet Bharj starta opp som butikksjef i Eksingedalen takkar ho for seg. Sist i november stengte ho butikkdøra på Lavik, og det vert eit opphald på eit par månader før butikken opnar utpå nyåret, nyoppussa og med ny eigar.

Eksingedalen anno 1887

Av Svein ons 30.11.2016 - 19:57
I 1887 utgav Thrond Sjursen Haukenæs Natur Folkeliv og Folketro paa Voss og Vossestranden som er ei samling av folkelivsskildring, eventyr og sagn. Forteljinga under er henta herfra. Me har funne denne på historier.no