Nilsaloppet 2024

Av Liv Anne tor 28.03.2024 - 13:59
Den lokale tre-mila, med namn "Nilsaloppet" gjekk av stabelen i føremiddag. Kor langt av tre-mila deltakarane skulle gå, var heilt valfritt.
Heile 19 stilte til start, og omlag halvparten gjennomførte tre mil.

Alle glade og lukkelege, såg det ut til, uansett kor langt dei gjekk!

 

Mobile Worker

Uni

Ny vurdering: Ras deler framleis Eksingedalen

Av Liv Anne ons 31.03.2021 - 21:22
Geolog har gjort undersøkingar og valet er å framleis halda vegen stengt.
Ny vurdering er torsdag 1.april kl 15:00, melder Statens Vegvesen.

Nokre eksignedølar har hatt lang veg på jobb denne veka, med bil om Evanger, Dalseid og Stamnes for å nå jobben på Mo. Likeeins har vegen vore lang til fastlegen på Mo for covid-vaksine. Andre har gått turen mellom Yksendalen og Fjellanger på si jobbreise eller for å henta varer frå nærbutikken.

Ras deler Eksingedalen - FV 5410 er stengt i Stegane nedom Botn

Av Liv Anne søn 28.03.2021 - 15:44
Like før midnatt laurdag kveld vart raset oppdaga. Geolog har vore på staden og raset vert ikkje opna før tidlegast onsdag.

Trafikkmeldinga til statens Vegvesen melder at vegen er "stengt på grunn av steinras. Rasområdet har vore inspisert av geologar i dag, onsdag 31. mars. Siste melding på 175.no er "Ny vurdering 1. april kl 15.00


Raset er gått i Stegane, ca 200 meter nedanfor avkjørselen opp til Yksendalen.

P Å S K E R E B U S

Av Liv Anne lør 27.03.2021 - 09:30
Eksingedalen IL følgjer opp fjor-året og inviterer til påskerebus langs veg i Eksingedalen.

- Målet er at me alle kan ha ein felles aktivitet sjølv om me ikkje kan vera saman denne påska heller, seier Anna Bergo som er leiar i idrettslaget.
Rebusen kan du løysa åleine eller saman med dei du bur saman med.

Premiedryss og heider med utdeleing av krus for Fjelltrimmen

Av Liv Anne søn 21.03.2021 - 17:50
Vanlegvis er det både premiering og krusutdeling på årsmøtet i Eksingedalen IL. I år vart også dette annleis, og mange fekk difor både premie og krus etter skirennet på Nesheim.
26 medlemmar greidde i år kruset, og dei med flest turar registrert i bøkene fekk gåvekort.

Vegard Gullbrå Tollefsen vart nummer 1 i år også! For første gong i vaksenklassen.

Endeleg skirenn!

Av Liv Anne søn 21.03.2021 - 17:35
Endeleg vart det eit skirenn, det første og det siste for Eksingedalen IL i 2021.
Det er lite snø på Nesheim, for lite til å køyra skiløype no. Men i høve skirennet var det laga fin løype med spor tur/retur, ca 1 km.
Rennet var for dei under 20 år, og berre lokalt for Eksingedalen. 10 løparar stilte til start.