Alle som høyrer til i Eksingedalen er velkomne til årsmøte for Grendahuset Ljosheim i Ljosheim. Innvitasjonen vert sendt ut på denne måten.
Slik det er no kan ein halda fysisk årsmøte, der smittevernreglane er teke i vare.

Tid: Måndag 22.mars klokka 19.30
Årsmøtesaker og bilete frå den store husavøla.
Orientering om planar framover.

Koronaåret har skipla mange datoar. No ser det ut til at årsmøta kan haldast i Grendahuset Ljosheim, og Ljosheim er rigga opp etter smittevernreglar. Alle får tilvist plassar, med god avstand mellom seta. Først ut er Kvinne- og Familielaget, så kjem idrettslaget og Grendahuset Ljosheim rett over helga.

Formannskapet i Vaksdal vedtok denne veka at barnehagen i Eksingedalen opnar att i august. "Barn frå Eksingedalen skulekrins får tilbod om barnehage på Bergo, og barn frå Eidslandet krins får tilbod om plass i Modalen", står det i vedtaket til Formannskapet.

Dette er ei "glad-sak" for Eksingedalen!

På Nesheim vart de is og nonstop til dessert då TINE premierte for levering av mjølk av høgste kvalitet. Og isen var frå Diplomis, som er eigd av TINE. Alle i familien bidreg i fjøset, og var glade for å få 5-årsplakett. Denne plaketten er trinn 1 av 4 i premieringssystemet.
TINE er eit samvirkefortak, eigd av mjølkebønder, som ynskjer å gjere stas på dei som lukkast med å levera mjølk av topp kvalitet. I produsentlaget Vaksdal/Modalen vart det delt ut to 5-årsplakettar dette året.
Les under kva som må til for å oppnå dei ulike premiane.

Laila Mette Bolstad reiste siste dagane i januar til ei fjellstove i Rana kommune, rett ved svenskegrensa.

Kvifor gjorde ho det? Jau, for å jobba i førstelinja – for å hindra importsmitte av koronaviruset til Noreg. Døgnet rundt er ho med på testing på landegrensa.

Kvinne- og familielaget og Eksingedalen IL inviterer til førstehjelpskurs. Kurset vil ha særleg fokus på hjarte- og lungeredning og opplæring i bruk av hjartestartarane.

Nye kursdatoar er onsdag 24. mars og torsdag 25.mars. Dei påmeldte har fått melding om dette - og det er framleis ledige plassar! Ta i tilfelle kontakt med Britt.

Søndag 21. februar er det gudsteneste på Nesheim, med årsmøte etterpå. For å delta må du melda deg på. Gudstenesta vert inne i kyrkja. Då har me, etter koronareglementet som gjeld no, berre lov til å vera 10 peronar tilstades, utanom dei som gjer teneste. Det er enno ledig plass.

Kuldegradene var målt til minus 24 på Nesheim i dag tidleg, men sola varma etterkvart dagen godt opp - og gradene steig til varmare enn 10 minus. I kalde februardagar er det store skilnader på temperaturen. Heldigvis går sola høgare og høgare over himmelen, og solstrålane når fram til stadig fleire i Eksingedalen.

Den kulturelle skulesekken tildeler skulane ulike formidlarar innan kunst og kultur. Det er ei nasjonal satsing, administrert av fylkeskommunen Vestland. Eit av måla er å medverka til at elevar i skulen får eit profesjonelt kunst – og kulturtilbod. Dette fekk elevar og tilsette ved Eksingedalen skule verkeleg i dag.

Minusgrader og lite snø gav trygg is på vatna i dalen. Så trygg at langrennsløypa på Nesheim er lagt på isen, og dermed er langre enn før. Ein runde er 3,7 km. Kvaliteten på løypa er god, køyrd med traktor og Skjeldalsfres.
Mesteparten av løypa går på vatnet, med to sløyfer på land som gir motbakkar. Hugs å vere godt kledd, det er meldt kjølig vêr framover.
Løypekart finn du ved å klikke på "les meir". "Rett" retning får du ved å ta til høgre når du kjem ned på isen.