Kom deg ut-dagen er Den Norske Turistforeninga sin nasjonale turdag. Målet er å gje alle ein smakebit av friluftslivet - og forhåpentlegvis ein smakebit som gjev meirsmak!

I Eksingedalen vert Kom deg ut-dagen arrangert i samarbeid med Eksingedalen IL. Nysnø og nydelege løyper på Nesheim tok vakkert i mot.

Idrettslaget har også i året som har gått laga til og motivert for mykje god aktivitet i dalen. Dette kom fram under årsmøtet for laget på laurdag 1 febr.

Bilete frå Eksingedalen IL sitt årsmøte i 2019

Eksingedalen sokn var først ute med å halda årsmøte. Det skjedde søndag 26. januar. Så kjem det fleire i dei neste månadane. Idrettslaget held sitt årsmøte laurdag 1. februar, og møtet startar med fellesmåltid der graut står på menyen. Førebels oversikt finn du ved å klikke på denne saka. Datoane finn du også på kalendaren.

Med friskt mot og treningslysst møtte mange opp på første trimøkta til Eksingedalen IL denne veka. Etter to rundar med styrketrening var det volleyball.

Bjarte Gullbrå nyttar tida godt når han ikkje er på jobb på butikken. Då lagar han oppteningsrullar saman med bestemor Anny. Desse er råd å få kjøpt - og er gode å ha når ein vil ha fyr i ovnen på vinterkveldar.

Oslo har sølvguttene - Eksingedalen har julekor

Elevane på skulen let oss få møta både folk og nissar då dei held juletrefest for dalen på sin siste skuledag i 2019. Det gjorde dei med å dramatisere Alf Prøysen si forteljing der både nisseungar og menneskeungar vart fornøgde med sin julekveld. Snikkaren på akebrett kresja med nissen. og så gjekk det slik me hugsar det.

Søndag vart det arrangert fin og stemningsfull konsert i kyrkja på Nesheim. Mange lokale krefter deltok.

Å laga kransar og dekorasjonar til jol er kjekt når ein gjer det i lag. I engasjert arbeid kring borda, sat praten og latteren lett hjå damene i Kvinne- og familielaget. Gløgg, kaffi og ferske lussekattar smakte godt inntil.

Kvinne- og familielaget melder om ein knallstart på boksalet. Nær 200 bøker vart seldt på boksleppet - og på ei veke er 500 bøker gått ut frå lageret.