Barneteater i Ljosheim

Av Liv Anne man 07.09.2026 - 09:10
Tysdag 8.september inviterer Grendahuset Ljosheim og Eksigngedalen oppveksttun til Barneteater i Ljosheim.

Dei eldst elevane ved oppveksttunet er teatervertar. "Olle Bolle og Storebrum" er ei song og forteljarførestilling med utgangspunkt i Elsa Beskow, formidla av dyktige damer frå Voss: Astri Sudman og Kari Finne Sognnæs.

Forestillinga er open for born og vaksne i alle aldrar!

Vaksdal kommune kondolerer etter Hans Majestet Kong Haralds bortgang

Av Liv Anne fre 28.08.2026 - 15:11
Frå Vaksdal Kommune si nettside.
Foto: Kimm Saatvedt, Det kongelege hoff

Hans Majestet Kong Harald har gjennom eit langt liv i teneste for landet vore ein samlande monark for Noreg. Vaksdal kommune sender sine djupaste kondolansar til kongefamilien.


– På vegne av Vaksdal kommune vil eg uttrykka vår djupaste medkjensle med Dronning Sonja og kongefamilien ved bortgangen til Hans Majestet Kong Harald, seier ordførar Hege Eide Vik.
Uni

Ein fin desember-kveld

Av Liv Anne ons 11.12.2019 - 09:40
Å laga kransar og dekorasjonar til jol er kjekt når ein gjer det i lag. I engasjert arbeid kring borda, sat praten og latteren lett hjå damene i Kvinne- og familielaget. Gløgg, kaffi og ferske lussekattar smakte godt inntil.

Tradisjonsmat på alles lepper

Av Magnar ons 27.11.2019 - 21:24
- Det er mykje mat her, de kan eta i heile kveld, sa Liv Anne då ho ynskte velkomen til bokslepp i Ljosheim. Og slik vart det også. Det var mykje å smaka på, og alt som vart servert var laga etter oppskrifter frå boka "Bygdebakst og gommorgraut". Fem damer i Eksingedalen Kvinne- og Familielag har vore boknemnd og samla inn oppskrifter frå alle gardar i Eksingedalen.

Boka er komme!

Av Liv Anne ons 20.11.2019 - 18:05
Eksingedalen Kvinne- og familielag si bok «Bygdebakst og Gommorgraut» er klar! Boka inneheldt 168 sider med meir enn 120 oppskrifter frå Eksingedalen. I tillegg til oppskrifter frå så godt som alle gardane i bygda, byr boka på lokal historie, forteljingar og gode råd. Boka er krydra med «smaksprøvar» i form av bilete, og inneheldt også ein god del eldre bilete av kvinner i arbeid på gardane.

Vedlikehald i fokus

Av Magnar tir 29.10.2019 - 10:59
Nest siste helga i oktober var det fokus på å ta vare på bygningar og utstyr. Styret i Eksingedalen Bruk, altså sagbruket på Lavik, inviterte til dugnad på bygg og utvendig lagerplass. Og det lokale bondelaget arrangerte kurs i sliping av knivar i Ljosheim.

Bygdakafè - hurra!

Av Frøydis man 28.10.2019 - 18:39
Middagsplan er for nokre av oss fråværande -og tanken på kva me skal finne på til middag, dukkar ofte opp i bilen på veg heim frå jobb. Kva er vel då betre enn å kome på at i dag er det bygdakafè på skulen!
Abonner på