Laurdag 9.november inviterer styret for Grendahuset Ljosheim til haustfest. Det heile startar med lam, deretter vert det konsert, skraml og Baljelaug. Her vert det høve til å treffa bygdefolk og andre - og saman og nyta god livemusikk.

Etter god tradisjon inviterer familien Bergo til smalahovesviing på "gamlemåten" i tunet på Bergo. Dagen er 26.oktober, frå klokka 12. Arrangementet er ope for alle som har lyst til å prøva å svi, sjå på, eller berre vera sosiale.

Det er no nye bøker på alle dei 15 postane, og ny sesong er med det i gang!
Elias feira fredag siste post og alle mål nådd med gullmedalje og brus på Vetlejordstølen.

Bøkene for Fjelltrimmen 2019 vert henta inn i desse dagar, og nye bøker vert lagt ut.
Om nokon ynskjer namnet sitt i 2019-boka kan ein få det fram til 20.oktober. Ta i såfall kontakt med turgruppa.

Vaksdal kommune held open kontordag på Eksingedalen skule torsdag 3. oktober, frå kl. 12:00 – kl. 17:00. Vèr merksam på at tidspunktet for oppstart er endra frå kl. 10:00 til kl. 12:00
Føremålet med kontordagen er å hjelpe føretak/gardbrukar med søknadsprosessen, spesielt i samband med teikning av tiltak i kart. Grunna endringar, er det ikkje mogeleg å overføre tiltak i kart frå i fjor, og alle tiltaka må difor teiknast på nytt. Dette kan kommunen hjelpe til med, om det trengs.

Turen i dag, onsdag 11.september, er avlyst på grunn av regn, skodde og vind.

Nytt motbakkeløp i Eksingedalen med mange kvaliteter. Folk såg ut til å kosa seg - i alle fall etter løpet var gjennomført.
Dette var også siste løp i motbakkecupen i Vaksdal og Modalen, som har vore arrangert i år.

Mona Gullbrå tok turen frå Voss for å førehandsstemma heime i Eksingdalen torsdag. Saman med henne var det 40 andre eksingedølar nytta høvet til å stemma lokalt ved førehandsvalet.

"Fiber i vegg er like viktig som straum og vatn!" KRF sin ordførarkandidat Bjart Magnus Rossvold hausta spontan applaus med dette svaret. Spørsmålet var om nokon ville både ta tak i og prioritera å få fiber fram til alle hus. Det viste seg å vera tverrpolitisk semje om nettopp dette, og det gledde dei frammøtte stort.

Andre viktige saker for eksingedølane var betre og meir brukarvenleg eldreomsorg, god kommunikasjon i vid forstand - og ei større prioritering av landbruk og bygdenæring.

Etter svara frå politikarane denne kvelden er det grunn til optimisme: Mange lova ta tak i desse oppgåvene.

Stad: Eksingedalen skule

Kl 13 - 16.30: Førehandsrøysting til kommuneval og fylkestingsval
Kl 13 - 17.30: Førehandsrøysting til soknerådsval

Ungdomsskulen har open kafè kl 13 -17.30
Sal av betasuppe, kake, vafler, kaffi og saft.