Nils, Rolf og Gaute er "gutta " bak tremila, som har vore arrangert på Nesheim 5 gonger. På biletet omkransar dei Hermann Skjeldal, bulkaren bak Skjeldalsfresen. Han deltok i 2017.
Dette året går rennet på Brakestad på grunn av lite snø på Nesheim. Løypa er preparert med traktor og Skjeldalsfres.

Utvalet var enormt og handelen gjekk unna. Folk kosa seg, kikka, handla og drakk kaffi. Hyttefolk, tilreisande og fastbuande skrytte og sette pris på dette uvanleg arrangementet i Eksingedalen.

Å handla, og samstundes vita at overskotet går rett til drift og veldikehald av det gamle, staselege grendahuset gjer loppehandel ekstra meiningsfylt.

Det minkar på snøen i Eksingedalen. Men på Brakestad er det enno nok snø til å laga langrennsløyper. Det er køyrt opp ca. 3 km løype med traktor og Skjeldalsfres. Løypa finn du ved å gå over brua. Start i retning Nesheim, så er det å følgje sporet som har skøyte-trasè attmed. Det er laga nokre sløyfer for å utnytta alt terreng. Ta kontakt med Magnar for å få vita korleis du får utnytta heile løypelengden.

Det har vore enorm oppslutning om loppelevering til Ljosheim. Huset er rett og slett stappfullt av lopper av alle slag! Her er varer for einkvar smak: leiker, spel, ski, skøyter, syklar, koppar og kar og mykje flotte klede. Her er alt frå antikvitetar til "dill og dall". Dørene opnar klokka 11.00. Presis!

Velkomne til gudsteneste

Klar for snø og ski i helga? Grendahuset er ledig!

Årsmøta kjem i rekkje og rad i Eksingedalen i april, og eksingedølane stiller trufaste opp! Tysdag 9.april var det Bygdarådet sin tur. Alle over 16 år med adressa si i Eksingedalen er medlemmar i Bygdarådet, og alle har høve til å påverka saker som Bygdarådet skal jobba med. Arbeidsutvalet la fram ei innhaldsrik årsmelding. Arbeidet omfattar både faste saker som utpeiking av 17.mai-komite, marknadsdag og drift av heimesida, og i tillegg dei meir arbeidskrevjande sakene som ofte tek lang tid.

Det er mange gjennom eit år som legg ned mange dugnadstimar for bygda sitt beste!

Måndag 8.april vart det halde omframt årsmøte for Grendhuset Ljosheim. På årsmøtet i februar vart eit nytt Husastyre valt, men for å komma vidare i arbeid sitt vart årsmøtegodkjente vedtekter og protokollar eit vilkår. Difor kalla det nye Husastyret inn til omframt årsmøte. Møtet vart svært så positivt, der det nye styret viste at dei på få veker allereie har gjennomført mykje. Huset er m.a. vaska og rydda, tilstandsrapport føreligg - og det er planar for kva som trengst gjerast framover.

No treng Ljosheim "friske midlar" - og styret inviterer til loppemarknad palmelaurdag. Der alt overskot går til drift av Ljosheim.

Fredag 5.april inviterer Kvinne- og familielaget til tradisjonell basar i Ljosheim. Det heile startar med eiga barnetrekning, der alle barn er sikra gevinst. Deretter vert det fleire omgongar med åresal - med kaffi og noko attåt innimellom. Til slutt trekking av loddbøkene.

Velkomne til sosial kveld der du òg kan vinna mange fine gevinstar!

Tradisjonar er overlevert! Alle kunne prøva og alle fekk øva. Laurdag var "kven som helst" invitert til bakedag i Ljosheim. Kvinne- og familielaget stod bak invitasjonen, og bakgrunnen var målet om å laga ei bok med lokale oppskrifter. Oppslutninga var god, med folk nabobygdene, Voss og frå Bergen i tillegg til Eksingedølar. Etter bakedagen kunne alle kosa seg med eit overdådig kakebord.

Litt tjukke leivar, litt tynne her og der – og innimellom litt hol også. Men, kva gjer vel det ein slik dag? Ingunn hadde kontroll på flatbrødet, Anny på Norlandslefsene og Karin lærte vekk kunsten å baka Nekabrød og smørja Kling. Engsjementet og bakargleda var stor!