No har Hege vore sin eigen sjef og drive butikk i nøyaktig eitt år: Eksingedalen Snarkjøp, opna 7.april 2017. Og Hege ser framover.
- Eg gler meg til sommaren! Til alle som kjem innom. Turistane, syklistane, ”motorsykkelbandane”. Dei som stoppar her, kjøper is, kaffi og wienerbrød. Det er spennande med alle som kjem forbi: Dei som leitar etter slekt, fotograferer natur, fuglekikkarane og dei som heilt tilfeldig berre køyre gjennom Eksingedalen. Det er utruleg mange slags folk innom her!

Det er ei fantastisk påskeveke, med sol og blå himmel - heile tida!
Snø er det også nok av i Eksingedalen!
Mange var difor klare for langtur til Kvitanosi langfredag. Kor mange som gjekk, veit ingen, men bilane stod tett parkert og folk traska på i lange rekkjer oppover. Tippar talet var over 150. Folk kom i bil frå Bergen for å gå frå Gullbrå, og ein gjeng kom på ski heilt frå skitrekket i Myrkdalen.

Kø framfor inngangen, tørre bingovitsar, fine premiar, søte kaker og blide bingospelarar!
Stor stemning i år også! Bonus denne dagen var underhaldning frå den omstreifande Stamnes-trubaduren Eirik Straume Normann.

Kl 19.30 var det start. Nett så seint at pannelyktene måtte på.
- Det er kjekt å gå når det er mørkt! Sa Vemund, yngste deltakar.
Vel gjennomført var også det siste rennet til Eksingedalen IL denne sesongen, onsdag 21.mars. 25 cm nysnø gjorde skøytebreidda mjuk og tung, men det klassiske sporet var like stabilt og trygt som vanleg. Også eigna til å gå i mørkna, utan lys i panna.

Vel 30 stilte til start i VM i fristil på Nesheim i dag. Strålande sol og fantastiske løyper var god ramme for dagen. Først ut var alle under 10 år, ei lang rekkje ivrige løparar. Nokon syns det var langt å gå, andre syns det var for kort.
- Det er kortane enn på Bulken, sa Knut Eirik. Han stilte til start i først pulje.
For VM er eit "utvida" Vaksdalsmeisterskap, og med deltakarar i år frå både Modalen og Bulken i tillegg til Vaksdal kommune.

Og at Bulkengjengen skapte størst stemning, er iallfall sikkert: Då dei var ferdige med løpet sitt stilte fem friske born som heiagjeng, og muntra opp ALLE dei store og dei vaksne løparane, runde etter runde!

Resultatliste nederst på denne sida. Klikk på Idrettslaget.

Kvinne- og familielaget sin basar skuffa ikkje! Triveleg kveldvart det, med mange blide fjes. Om lag 35 møtte fram for å kjøpa årer, vinna - og drikka kaffi saman med naboen! Talet på gevinstar var minst firdobbelt av talet på folk! Og, sidan gevinstane aldri fordeler seg jamt, var vinnargleda desto større hjå enkelte!

Skitur med Eksingedalen IL vart det, sjølv om lyset var flatt og snøen "potetmjølaktig" oppover mot Trefallstølen. 34 føtter traska på, åtte av dei høyrde til dei firbeinte.

Det var folksamt i løypene på Nesheim laurdag 3.mars då Eksingedalen IL skipa til lagsmeisterskap. I alt stilte 29 deltakarar med eit aldersspenn frå 3 til 78 år til start. Idrettslaget set stor pris på at hyttefolk og andre tilreisande også er med på lagsmeisterskapet.
Alle får gå - og alle får premie! "Kjekt med stor skiglede", seier rennleiar Magnar Nese

Ljosheim var full av aktivitet laurdag ettermiddag. Folk jobba på spreng for å få alt klart til bygdefest.

Det er årsmøtetid i Eksingedalen, og eitt av laga som har fått nytt styre er Kvinne- og familielaget. Laget hadde årsmøte 13.februar, og no har det nye styret konstituert seg. Tre av damene heldt fram i styret frå sist år, to er nye for året. Program for våren er sett opp, og damene tok "selfie" på det første styremøtet.