Årsmøte-tid

Av Magnar man 27.01.2020 - 10:18
Bilete frå Eksingedalen IL sitt årsmøte i 2019

Eksingedalen sokn var først ute med å halda årsmøte. Det skjedde søndag 26. januar. Så kjem det fleire i dei neste månadane. Idrettslaget held sitt årsmøte laurdag 1. februar, og møtet startar med fellesmåltid der graut står på menyen. Førebels oversikt finn du ved å klikke på denne saka. Datoane finn du også på kalendaren.

Saman blir me sterke

Av Magnar fre 24.01.2020 - 09:59
19. januar er visst nok datoen der mange gir opp å halda nyttårsløftet sitt. Dette gjeld tydelegvis ikkje i Eksingedalen. For to dagar seinare var deltakinga på styrketreninga til Eksingedalen IL imponerande stor. Og innsatsen var stor. Målet til to av deltakarane var å kunne vri t-skjortene og få ut sveittedropar etter at styrketrenina var over. Om dei lukkast seier soga ingen ting om.

 

Mobile Worker

Uni

Julafta-kor

Av Magnar man 03.12.2018 - 10:29
Kor e du på julafta? Nesheim sokneråd ynskjer alle som er i Eksingedalen på julafta hjarteleg velkomne til kyrkja på Nesheim. I tillegg er det eit ynskje om å få til eit kor slik som for to år sidan. Der er alle songarar velkomne til å vera med.

Blåtimar, kvardagspoesi og advent

Av Liv Anne tir 27.11.2018 - 13:47
Ei nydeleg veke med stålis og blåtimar avsluttar november. I tillegg er det kjekke aktivitetar å delta på i slutten av veka:

Fredag 30.november kl 10.30 - 12.30 inviterer Eksingedalen skule til poesikafè.

Same kveld, kl 17.00 invitere Hege til joleopning på butikken på Lavik.

Laurdag 1.desember heldt kvinne- og familielaget til med i Ljosheim, med joleverkstad.

Kommuneplan: Open kontordag og informasjonsmøte

Av Liv Anne man 19.11.2018 - 09:55
Planforslaget til ny kommuneplan er no til høyring. I samband med dette blir det «open kontordag» og informasjonsmøte på skulen i Eksingedalen 3. desember kl 14-18.
Tida mellom kl 14-17 er for interesserte med fokus på einskilde innspel/endringar, enten som «drop-in» eller med avtale.
Kl 17-18 er det informasjon om heile planforslaget, men med stor vekt på utvikling og endringar i Eksingedalen.

Vegstenging på fjellet, Fv 313

Av Liv Anne søn 18.11.2018 - 21:15
På grunn av utbetringsarbeid ved Svalhamrane, rett ved Utsikten, vert vegen stengt i lange periodar i tidsrommet 14.november - 20.desember.

ARBEIDSTIDSROM: Måndag - fredag 08.00 - 20.00, laurdag 08.00 - 18.00
Opningstider: 12.00 - 12.30 og 16.00 - 16.30

Fri ferdsel frå laurdag kl 18.00 til måndag kl 08.00

Fiber i vegg

Av Magnar tir 06.11.2018 - 22:50
Å få lagt fiberkabel fram til husveggen til dei i Eksingedalen som ynskjer det, har vore på Eksingedalen Bygdaråd si satsingsliste ei god stund. Etter at mobilutbygginga i dalen no er fullført, er dette arbeidet teke opp att. Dersom du prøver å bestille fiber hjå Telenor får du melding om at det ikkje er planar om utbygging i Eksingedalen. I nedre del av dalen er det sendt ut tilbod om breiband levert over mobilnettet. Kundehandsamarane i Telenor påstår at dette er framtida. Til tross for dette held Bygdarådet fram med arbeidet. Her kan du lesa brevet som er sendt til Telenor.

Trimgjengen vil ha med fleire!

Av Liv Anne ons 31.10.2018 - 22:50

Første onsdagstrim er gjennomført! Som alltid to rundar sirkeltrening med påfølgjande volleyball for dei som vil det.
Som det går fram av biletet, er det er god plass til fleire trimmarar! Berre seks av postane var opptekne i kveld. Ein kan melda om at alt gjekk bra, ingen skader på første treninga i år. Styrketrening gjer godt, så møt opp. Kjekt er det også!