Sigrid Moldestad - "Med hjarte og kjærleik frå Breim"

Av Liv Anne søn 25.02.2024 - 23:00
Sundag 28.april kjem sjølvaste Sigrid Moldestad til Grendahuset Ljosheim!

Sigrid Moldestad legg for fyrste gong ut på ein akustisk soloturne vinteren 2024. Her tek ho utgangspunkt i bokplata "Breim" som kom ut i haust. Det blir personlige historier, poesi, slåttar og songar. Eit nært møte med musikk ho har sitt hjarte i. Sigrid inviterer publikum til unike små spelestader som kler både musikken og felefortellingane ho har med seg.

Fantefolk kjem til Ljosheim 15.mars

Av Liv Anne søn 25.02.2024 - 22:41
Det er mykje kjekt som skjer i Ljosheim! Eit høgdepunkt i mars er gruppa Fantefolk si førestilling om Per Sivle sitt liv, oppvekst og dikting. Jens Brekke les dikt, fortel om Sivle og fortel Vossastubbar, alt vert krydra med musikk og song.

Husastyret inviterer på pizzabuffet frå kl 19:00, førestillinga startar 19:30.
Inngang, pizzabuffet og førestilling: kr 300,-
Billettar kan tingast på førehand hjå Anna, eller kjøpast i døra.

 

Mobile Worker

Har levert særs god mjølk i 5 år

Av Magnar fre 23.02.2024 - 09:27
Annika Brønstad, som driv gard på Flatekval i Eksingedalen har fått ei utmerking frå TINE. Grunnen til dette er at frå fjøset til familien Brønstad er det levert mjølk av høgste kvalitet 5 år på rad. Mjølka som blir henta av TINE, og blir testa for 5 forskjellige parameter. Beste kvalitet må bli oppnådd på alle desse områda for at mjølka kan kallast elitemjølk.
Gratulerer til Annika, Odd Inge og jentene.
Uni

Eit hjarte for oppveksttunet i Eksingedalen

Av Liv Anne tir 10.05.2022 - 09:40
Elevar og lærarar ved oppveksttunet er opptekne av mange ting. Når naturen i kring vaknar til liv att etter vinteren, vert planter, blomar og bier viktig del av skulefaga. Her jobbar dei saman, i ulike aldrar. Siste veke laga dei eit hjartebed. "Dette hjartet skal symbolisera samhald, mangfald og fellesskap i Eksingedalen", skriv elevane.

No ynskjer dei seg stauder til å fylla i hjartet.

Gamle åkle og mykje historie

Av Liv Anne man 25.04.2022 - 22:36
Nordhordland Husflidslag og Osterøy museum arbeider saman med fire vevarar og åkle-ekspertar for å laga ei bok om åkle i regionen. Ein ettermiddag sist veke var oppveksttunet i Eksingedalen registreningsstad for gamle åkle. Denne dagen vart åkle frå Eksingedalen registrerte og fotograferte, kvart teppe med si historie

Årsmelding Bygdarådet

Av Magnar ons 13.04.2022 - 11:15
Forslag til årsmelding frå Eksingedalen Bygdaråd er no tilgjengeleg under denne saka. Årsmeldinga er lagt ut som klikkbart vedlegg. Uttalen vedrørande konsesjonsfornyinga for Evangerutbygginga er også lagt ved her. Dette på grunn av at dette er den saka som det er brukt mest tid på i meldingsåret.
Innkalling og sakliste finn du også her.

Årets eksingedøl 2022

Av Magnar fre 01.04.2022 - 09:40
Til no har det vorte delt ut 3 diplomar til «Årets eksingedøl. Det er Bygdarådet som deler ut prisen. «Årets eksingedøl» vert kåra for å synleggjere positivt engasjement og arbeid for Eksingedalen eller folk i dalen.
Den som blir kåra til "Årets eksingedøl" er ein person som har gjort ein god innsats for dalen siste året. Det kan vere for engasjement som også har foregått over fleire år. Prisvinnar blir annonsert på 17.mai, og utmerking blir då utdelt.
Styret i bygdarådet tek endeleg avgjerd på kven som får prisen, og for å klare dette treng me innspel frå bygdefolket. Kven meiner du fortener ein slik tittel i år? Me oppmodar om å tenkja vidt - det er mange som kunne fortene ein pris for positiv innsats. Kven er din kandidat?

Send ditt framlegg med grunngjeving på mail til magnanes@online.no eller i posten: Magnar Nese, Eksingedalsvegen 2782, 5728 Eidslandet, innan 10 mai.