Årsmøte i Eksinedalen Bygdaråd blir halde torsdag 30. mars på Eksingedalen oppveksstun. Innkalling er delt ut i postkassane i dalen. Innkalling og sakliste er lagt som vedlegg til denne artikkelen saman med årsmeldinga.

Onssdag kveld var dramatisk for den vesle familien på butikken på Lavik. Heldigvis kom ingen personar til skade.
Brannen som herja rører ved alle i Eksingedalen. Butikken er hjarta i Eksingedalen, og Hege og Kawe har i fleire år gjort enormt mykje for å få butikken til å bli det den har vore.

I går mista familien alt dei eigde, og dei mista i tillegg arbeidsplassen sin.
Bygda er utan butikk, ein nærbutikk av det aller beste slaget!

Ein fin, men kjølig dag. Mange med startnummer på. Medalje å hente ved fullført renn. Blide fjes. Snøvær og litt vind då dei vaksne starta. Rømmen fraus i begeret for dei som stod i kiosken. Skøyting gav bedre glid enn klassisk. Skigruppa takkar for innsatsen.
Resultatlista finn du ved å klikke på "sjå meir"

Siste vekene har butikken på Lavik fått heilt nytt tak. Tak med solceller. Gradestokken viste langt under 10 minus denne fine marsdagen, då solcellene vart kopla til. Sola skein – og inne i butikken var butikkstyrar Hege Lavik i full driv med å pakka ut varer, saman med sin gode hjelpar og medarbeidar Bjarte Gullbrå.

Endeleg var det klart for årets fyrste skirenn i Eksingedalen for sesongen. Litt våt nedbør og løype la ingen dempar på skiglede og konkurranseinstinkt.

Eksingedalen oppveksttun markerte den samiske nasjonaldagen ute på skuleplassen i dag, med kunstverk, lassokasting og kakao rundt bålpanna.
Alle saman, små og store, var med på markeringa.

Det er tradisjon at Vaksdal Turlag og Eksingedalen IL samarbeider om "Kom deg ut-dagen" i Eksingedalen. På Nesheim var det svært godt oppmøte denne søndagen, over 50 kom seg ut i skiløypa.

For dei som lagar til, er det veldig kjekt med så godt oppmøte!

Eksingedalen IL heldt årsmøte laurdag. Det heile starta med pølser, saft og premieutdling i gymsalen. Deretter var det årsmøte. Heile styret og alle gruppene tok attval, og styret la fram friske planar for både "Bytebu" og Tuftepark". Årsmøtet gav klarsignal til vidare arbeid.

- No går vi inn ei ei boble, og der blir vi i helga, sa kurslærar Beate Solvik fredag ettermiddag.
Åtte forventningsfulle damer var møtt fram, og i klasseromma på oppveksttunet var det skinn, trykkblokker, fargar, allslags utstyr og mange ferdigsydde modellar.

Her var det berre å setja i gang!

Bygdefolk er gode til å møta fram når oppveksttunet inviterer. Fredag var det først lunsj med gode skiver, vaflar og kaffi, servert av ungdomsskulen. Etterpå jublande konsert med Good Time Charlie.