Mobile Worker

Uni

Kokeboka vann sølv!

Av redaktør fre 05.06.2020 - 17:41
Eksingedalen si nye bok, "Bygdebakst og Gommorgraut", fekk sølvplass i studentkonkurransen Gullkalven 2020. Prisutdelinga gjekk føre seg digitalt den 29.mai - og Håvard Bergo vann sølv i kategorien "Redaksjonelt design". Gullkalven er den største studentkonkurransen innan kreativ kommunikasjon i Noreg.

I tillegg vann Håvard bronsemedalje saman med Adrian Wollum Hanssen i kategorien Identitet.

Digital butikk - pilotprosjekt i Eksingedalen

Av Magnar fre 15.05.2020 - 13:43
Frå fredag 15.mai har Eksingedalen Snarkjøp AS lengre opningstider enn dei fleste andre butikkar har. For her vert det no sjølvbetent butikk som er open kvar einaste dag. Som før, vil butikken vera betent i den «vanlege opningstida».

-Dette er både fornying og forbetring, seier butikksjefen Hege Marie Lavik. Om me fornyar oss vil me framleis ta vare på det lokale, det som betyr mykje for oss og som er spesielt for denne butikken vår.

Tekst: Liv Anne Bergo Foto: Solfrid Urke Nese og Magnar Nese

Medaljedryss til "Nysgjerrigperane"

Av Liv Anne tor 14.05.2020 - 12:30
Medaljevinnarane fekk denne veka pakke frå Forskningsrådet. Der var det dipolm, t-skjorter, medaljer og tatoveringar. Elevane sitt prosjekt "Kan kle vera berekraftige?" med undertittel "Vil ei hue forsvinna i jord? Kva er det i såfall som gjer det?" var eitt av 25 prosjekt som kom til den nasjonale finalen. For dette arbeidet fekk dei bronsemedalje.

Ivrige forskarar i Eksingedalen!

Av redaktør tir 05.05.2020 - 12:19
"Kan kle vera berekraftige?"
Det er tittelen på Nysgjerrigper-prosjektet til Eksingedalen skule 2020. Prosjektet heldt til finaleplass, og i dag vart det klart at Nysgjerrigper-ane ved Eksingedalen skule får bronse i år.
Skulen har delteke i Nysgjerrigperkonkurransen fire gonger og har no sikra seg fire medaljer, tre sølv og no ei bronsemedalje. I konkurransen vart det i år delt ut ei gullmedalje og to sølv, resten av finalistane fekk bronse.

Mysteriet om den bortkomne boka...

Av Liv Anne tir 21.04.2020 - 20:37
Fjelltrimboka på Nonhaugen er vekke. Det er eit mysterium, fordi den vart lagt trygt på plass og mura inn i varden på Nonhaugen langfredag. Ei veke etter er både bok og boksen til boka sporlaust vekke. Om nokon har opplysningar i saka ( for eksempel har fått den heim i tursekken) - så er turgruppa interessert i å få tak i boka.

Ny bok kjem på plass onsdag 22.april. Det som er dumt er at mange namn er vekke. Er du ein av dei som veit at du har skrive deg opp fordi du samlar poeng til Fjelltrimen, ta kontakt med Liv Anne for å få deg notert! Dei som var med på turen langfredag har allereie fått namnet sitt i den nye boka.