Frå idrettslaget si årsmøtesamling i gymsalen i januar 2018
Først ute i år er Eksingedalen IL, med årsmøte laurdag 2.februar. Då er alle medlemmar inviterte til laurdagsgraut i gymsalen på skulen kl 13. Det vert biletkavalkade frå året som har vore og premieutdelingar. Deretter vanlege årsmøtesaker.
Sundagen, den 3.februrar, skipar idrettslaget til KOM-DEG-UT-DAG saman med Vaksdal Turlag. Dette skjer ved Skiløypa på Nesheim, frå kl 12 -14. Her vert det ulike aktivitetar og bålkos, eit arrangement for heile familien! Ope for alle som har lyst!