Utvalet var enormt og handelen gjekk unna. Folk kosa seg, kikka, handla og drakk kaffi. Hyttefolk, tilreisande og fastbuande skrytte og sette pris på dette uvanleg arrangementet i Eksingedalen.
Å handla, og samstundes vita at overskotet går rett til drift og veldikehald av det gamle, staselege grendahuset gjer loppehandel ekstra meiningsfylt.
Husastyret i Ljosheim ynskjer å retta stor takk til alle som kom innon og handle - og til alle som leverte lopper! Og sjølv om handelen var god, har dei meir lopper att:
- Me heldt difor ope ein dag til så alle etternølarar kan komma innom onsdag. Det vert ope kl 12 - 15 onsdag 17.april, seier Britt Eide på vegne av Husastyret.