Det er to ledige jobbar knytt til oppveksttunet i Eksingedalen:
40 % barne- og ungdomsarbeidar
30 % reinhaldar

"Løp og søk"!

Utan innlagt straum og vatn
Bygsla tomt på 500m2
Tilkomst via privat veg
Byggeår 2014-15

Adresse:
Eksingedalen
Sørdalsvegen 111
For info ta kontakt med Rune Nesheim tlf: 91621107

Som vanleg har det vore ei innhaldsrik påske i Eksingedalen. Loppemarknad, bingo, Nilsalopp, skiturar, fotturar, rebusløyper og lokal påskemoro. For å nemna noko.
Folketalet har sannsynlegvis vore minst tredobla, og butikken på Lavik gjekk "nesten tom" for mat.

Eksingedølane er takksame for at så mange tilreisande støttar opp om aktivitetar i bygda; handlar lokalt på Nærbutikken vår, kjøper lopper og spelar bingo!

Det var stor-dugnad sist veke for å få klar Tufteparken. 21 små og store lempa og grafsa fallsand utover, med iherdig arbeidslyst. Dei yngste prøvde ut ulike aktivitetar innimellom grafsearbeidet, før dei lempa på att! Å jamna ut 150 tonn fallsand til 40 cm djupn gjekk som ein draum, i solnedgangen.

No ventar alle på grusing av fotballbana, noko Vaksdal kommune har løyvd pengar til. Denne grusinga skjer ganske snart, seier kommunen. Etter det vert det ei offisiell opning av Tufteparken, men bruk den så mykje du vil i påska!

Laurdag, presis klokka 11, opna dørene inn til loppemarknaden i Ljosheim. Ei lita kø på ti personar stod klar til innrykk. Dei mest erfarne og handlelystne gjekk rett til verket, og fekk tak i godbitar med det same. Andre gjekk rett i kaffikroken.

Loppemarknad handlar om meir enn "lopper". Rikeleg med kaffi, gode kaker og triveleg prat er nesten like viktig.

Vakre, vare - og sterke tonar, framført av dei profesjonelle musikarane Berit Oppheim, Sigbjørn Apeland og Per Jørgensen, saman med folkesongarar frå Vaksdal og Voss.
Voss spelemannslag var vertskap, saman med Vaksdal kyrkjelege fellesråd.

For alle dei frammøtte i kyrkja på Flatekval vart det ei nydeleg oppleving søndag kveld.

Kva husastyret i Grendahuset Ljosheim sitt arbeid rommar i løpet av eit år, er meir enn imponerande. Sist veke var det årsmøte, og årsmeldinga fortel om både husavøle og stor aktivitet i huset. Grenahuset Ljosheim er eit levande grendahus, nett slik det var tenkt då det vart bygd for litt over 127 år sidan. Dette året fekk Husastyret for Grendahuset Ljosheim tildelt Vaksdal kommune sin kulturpris for det store arbeidet dei har gjort.

Grendahuset inviterer til årsmøte onsdag 12. mars. Alle som er busette i Eksingedalen er medlemmar av Grendahuset Ljosheim og er inviterte til årsmøtet!

Her får ein mellom anna høyra om arbeidet som er utført dette året.

Det var ein kjekk ettermiddag og kveld ved butikken på Lavik fredag 14.februr. Mellom 100 og 150 menneske møtte opp, glade og stolte. Butikkstyrar Hege fortente kvart eit skrytande ord, for maken til pågangsmot kan ein leita lenge etter.

I dag vart butikken fylt opp med allslags varer! Dugnadsinnsatsen var stor, av engasjert gjeng som brukte to skuletimar på butikken.