I adventstida er det tradisjon med konsert i kyrkjene våre. Annakvart år i Eksingedalen og Nesheim. Eksingedalen sokneråd inviterte dette året, og organist Ruben Gjertsen hadde sett saman programmet. Orgelelevane Heidi og Signe spelte denne ettermiddagen på piano. Instrumentet er kjøpt inn dette året, og er blitt det tredje instrumentet i kyrkjerommet. Koret Kilden var ein stor bidragsytar til programmet i lag med Ruben.

Remy Mjelstad (t.v) og Frode Nyhammer, begge frå Telenor, kom med julegåva til Eksingedalen på folkemøtet i Ljosheim mandag: Fiberkabel heilt inn i stova til alle husstander frå Flatekval til Trefall.

No har det løyst seg for dei i Eksingedalen som drøymer om å få fiberkabel heilt fram til stova. Vaksdal kommune har teikna kontrakt med Telenor, og Telenor på si side har også teikna kontrakt med entreprenøren ElTel om fiberutbygging i Eksingerdalen. Tempoplanen går ut på å strekkja fiberkabel fram til alle interesserte i løpet av 2023, med praktisk gjennomføring av prosjektet når den hardaste vinteren slepp taket.

Tilbodet gjeld både verksemder, bønder og private. Området det gjeld i denne omgangen, er frå Flatekval til Trefall. Resten av dalen kan kome med i ein mogeleg neste runde, men denne gongen gjeld det altså signal som primært skal ut frå sentralen som Telenor har på Flatekval.

Kva meiner du Vaksdal kommune skal satse på i framtida?
Vaksdal kommune inviterer til "innspels-POP-UP" i Eksingedalen, fredag 9. desember kl 14.00 - 18.00, på butikken på Lavik. Kommuneplanleggjar Knut Trefall med fleire vil vera tilstades for å snakka med bygdefolk.

Siste helga i januar vert det kurs i saum av sauaskinn i Eksingedalen. Beate Solvik er lærar, og kurset varer ei heil helg.

«Det var en gang ei kjerring som la seg og sovna om kvelden, slik som kjerringer pleier å gjøre. Og dagen etter vakna hu, slik som kjerringer pleier å gjøre, men da var kjerringa blitt så liten som ei teskje, og det pleier ingen kjerringer å bli.»

"Skal me finna på nåke, no ei stund før jul?"

Idèen fekk blomstra, og vart sett ut i livet siste laurdagen i november. Her kunne ein handle, julegåver kanskje, i ei oppussa avdeling av gamlefjøset på bruk 1. På Bergo i Eksingedalen. Så gjekk det an å traske dei 150 metrane til bruk 2 der det var kafè med varm betasuppe. Mykje anna var det også å få kjøpt i kjellarrommet som denne dagen var innreia med bord og stolar.

Laurdagskvelden var ungdomshuset Ljosheim fylt opp av bygdefolk og tilreisande – for å gjere stas på huset som er 125 års jubilant !

Ein nydeleg haustkveld, med himmelen full av stjerner. Det var ramma for konsert i kyrkja på Nesheim. Inne i kyrkja glitra syngjande stjerner i haustmørket.

Første helga i advent er i år i november, og dette makerer Hege på butikken med juleopning fredag 25.november kl 15. Då opnar julebutikken i Eksingedalen, og når det mørknar vert alle lysa tente.

- De her oppe i Eksingedalen, de får jo te alt!

Ordførar Hege Eide Vik var ikkje berre ein formell ordførar då ho kom med uhemma ros til bygda. Ho var også skikkeleg entusiastisk og kulturstolt på boksleppet i Ljosheim torsdag 10. november.
Boka, som det var bokslepp for, er «Drivkraft i Eksingedalen».