Organiserte turar i nærområdet vårt

Av Liv Anne man 08.08.2022 - 08:00
Eksingedalen IL si turgruppe starta opp att med onsdagsturar denne veka. Første tur er til Gullbråholmen og vidare til Trefallstølen. Oppmøte på Hagaleitet før Ekse, onsdag 10.august kl 17:00

Laurdag 13.august inviterer Vaksdal Turlag til tur frå Lien i Teigdalen til Rongen på Bolstad. Til denne turen er det påmelding, med frist for påmelding 8.august. https://vt.dnt.no/aktiviteter/139986/904705/

 

Mobile Worker

Uni

Velkommen inn i bikuben!

Av redaktør fre 05.11.2021 - 10:04
7 summande bier frå Eksingedalen oppveksttun ynskte torsdag foreldre og bygdafolk velkommen inn i bikuben, ei temautstilling i gymsalen på skulen. Elevane har følgd livet i ein bikube frå biene vakna i vår og fram til dei har teke haust.

Dette og meir til fortel dei om i utstilligna si. Utstillinga vert ståande på skulen til tysdag 9.november.

Handla lokalt!

Av Liv Anne fre 15.10.2021 - 19:30
Med så flott butikk som det er i Eksingedalen er det lett å handla lokalt! Godt utval av varer, stor sørvis og lang opningstid inviterer til handel på nærbutikken.

Laurdag denne veka inviterer Eksingedalen Snarkjøp til "Handle lokalt-dag".

Alvorleg tema - engasjert forfattar

Av Magnar tor 30.09.2021 - 08:48
"Vi, dei fattige"
Maria Lavik snakka om, og las frå boka si i Ljosheim. Samtalen mellom forfattaren og Liv Anne Bergo frå scena i ungdomshuset vart lytta til med andakt. For her var det mykje å tenkje på.
For Maria, som er særs opptatt av sosiale ulikskapar og utanforskap, var barnefattigdom likevel eit vanskeleg tema å skriva bok om. Men som forfattardebutanten sa; - å starte med eit så vaskeleg tema, då har eg gjort unna det verste som forfattar.
Boka vart lansert før Stortingsvalet, og Maria sitt mål er at så mange politikarar som råd skal lese boka hennar. - Fattigdom er farleg, sa Maria.

Fire mann, fire spett og stein på over 700 kilo

Av Liv Anne tor 23.09.2021 - 21:48
No er dei endeleg i gang, Sherpa-laget som skal vøla stien til Yksendalsstølen.
Hadde det ikkje vore for koronapandemien, hadde arbeidet kome i gang på forsommaren i fjor. Men då var det altså innreiseforbod til Noreg. Først i august i år vart det opna opp for dei, med visum, arbeidsløyve, vaksine og karantene. Til saman var det 39 stibyggjarar som kom til Noreg no i august, og fire av desse er no i full gang i Yksendalen.