Ferie i Eksingedalen – årleg høgdepunkt for ministeren

Av redaktør man 22.07.2024 - 21:07
- Når du ein gong om lenge, lenge skal pensjonere deg fra politikken, Espen, så har vi her oppe i Eksingedalen feriejobb til deg.
- Åja?
- Då får du tilbod om å vera guide på fjellturar her, til stølane, til Nipene, og til kalde fjellvatn der de badar, med liv og lyst.
- Eg takkar JA.
 
Han treng ikkje å tenkja seg om eit sekund, utanriksminister Espen Barth Eide. Han er årviss feriegjest i Eksingedalen. Han, med kona og tre vaksne søner, eldstemann med sambuar, går på fjelltur kvar einaste dag når dei har felles ferieveke her.

 

Mobile Worker

Uni

Julefest!

Av Frøydis tir 27.12.2022 - 09:08
På Ekse grendahus blir det arrangert julefest kvart år på 2.juledag. Denne tradisjonelle festen måtte ta to nødvendige pauseår under koronaen, men var i år tilbake for fullt.

Førjulstradisjon

Av Magnar søn 11.12.2022 - 10:11
I adventstida er det tradisjon med konsert i kyrkjene våre. Annakvart år i Eksingedalen og Nesheim. Eksingedalen sokneråd inviterte dette året, og organist Ruben Gjertsen hadde sett saman programmet. Orgelelevane Heidi og Signe spelte denne ettermiddagen på piano. Instrumentet er kjøpt inn dette året, og er blitt det tredje instrumentet i kyrkjerommet. Koret Kilden var ein stor bidragsytar til programmet i lag med Ruben.

Fiberkabel heilt heim til eksingedølane

Av Magnar lør 10.12.2022 - 11:04
Remy Mjelstad (t.v) og Frode Nyhammer, begge frå Telenor, kom med julegåva til Eksingedalen på folkemøtet i Ljosheim mandag: Fiberkabel heilt inn i stova til alle husstander frå Flatekval til Trefall.

No har det løyst seg for dei i Eksingedalen som drøymer om å få fiberkabel heilt fram til stova. Vaksdal kommune har teikna kontrakt med Telenor, og Telenor på si side har også teikna kontrakt med entreprenøren ElTel om fiberutbygging i Eksingerdalen. Tempoplanen går ut på å strekkja fiberkabel fram til alle interesserte i løpet av 2023, med praktisk gjennomføring av prosjektet når den hardaste vinteren slepp taket.

Tilbodet gjeld både verksemder, bønder og private. Området det gjeld i denne omgangen, er frå Flatekval til Trefall. Resten av dalen kan kome med i ein mogeleg neste runde, men denne gongen gjeld det altså signal som primært skal ut frå sentralen som Telenor har på Flatekval.

Frå tun til tun, i kjellar og fjøs.

Av Magnar søn 27.11.2022 - 22:23
"Skal me finna på nåke, no ei stund før jul?"

Idèen fekk blomstra, og vart sett ut i livet siste laurdagen i november. Her kunne ein handle, julegåver kanskje, i ei oppussa avdeling av gamlefjøset på bruk 1. På Bergo i Eksingedalen. Så gjekk det an å traske dei 150 metrane til bruk 2 der det var kafè med varm betasuppe. Mykje anna var det også å få kjøpt i kjellarrommet som denne dagen var innreia med bord og stolar.