I boka «2020 Post Festum» trekkjer Staalesen trådar attende til karakterar og hendingar i «Hundreårstrilogien», men boka kan også lesast som frittståande roman. I den nye boka skildrar han sentrale hendingar dei siste 20 åra. Mange lause trådar vert til slutt knytt saman - og Staalesen sin krimhelt Varg Veum, både byrjar og avsluttar boka.
I «2020 Post Festum» er han også i Eksingedalen, og ved faktasjekk i området var han innom skulen i vår. Han lova å komma att med ferdig bok.
Tysdag 29.mars klokka 19 inviterer elevane i ungdomskulen til BOKKAFE med Gunnar Staalesen, dei har møtt han i klasserommet på førehand.
Det vert servert skillingsbollar attåt kaffien.
Her vert det høve til både å høyra på og snakka med forfattaren, som seier at han har «lånt Eksingedalen i fleire av bøkene sine». Han vil fortelja om den nye boka si - og om kvifor han har valt Eksingedalen som stad i bøkene sine.