30 + 50 år for barnehage og skule!

Av redaktør tir 20.09.2022 - 10:53
Ungdomsskuleelevane Elias, Vemund og Robert inviterer til fest, på vegne av heile oppveksttunet.

Oppveksttunet feirar jubileum med haustfest torsdag 6.oktober. Det vert open skulen mellom klokka 15 og 20. Denne dagen vert det plukka fram arkivstoff som kjem i utstilling saman med elevarbeid frå "no-tida". Her vert det god tid til å bla i album og kikka på tidlegare prosjektarbeid, og rikeleg høve til både mimring og prat. 

- Mellom klokka 15 og 17 kan de kjøpa betasuppe, kaker og kaffi på kafeen vår, seier gutane i ungdomsskulen.

-Og klokka 17 vert det litt program i gymsalen. Det vert song og musikk og nokre helsingar.

Oppveksttunet feirar 30 + 50 år - og håpar at bygdefolk, tidlegare elevar og tidlegare tilsette ved skulen kjem på besøk. Oppveksttunet heldt ope til klokka 20, og folk kan komma å gå heile ettermiddagen.