Mykje regn, fare for ras og glatte vegar skaper store utfordringar over store delar av landet denne vinteren. Fylkesvegen, Fv 5410, inn til Eksingedalen er torsdag ettermiddag open att!
Tidlegare denne veka har Nesheimsfjellet vore stengt, Eksingedalen var såpeglatt og i tillegg har store delar av Eksingedalen har vore utan internett i nær to døgn. Tysdag morgon var det mange som ikkje kom seg på jobb, heimekontor var vanskeleg utan internett og skulebussen kom seg heller ikkje fram til skulen.
Ved fleire høve denne sesongen har vegen i heile dalen har vore svært glatt, og strøbilen har ikkje komme før langt utpå dagen. Heldigvis, i dag kom det strøbil oppover Eksingedalen før skulebussane skulle ut og køyra.
Kommande døger er det ekstra viktig med strødd og trygg veg over Nesheimsfjellet, som er einaste vegen inn og ut av bygda.
