
Styret i Eksingedalen IL kan verkeleg vera både glade og stolte av det store anleggsarbeidet som er gjennomført siste året. Det er bygd Lånebu, Tufteparken er komme opp, og i tillegg er det gjort dugnad på dekket på fotballbanen. I alt er det registrert 430 dugnadstimar med dette arbeidet. Lånebua inneheldt no 70 par sko og 42 par ski, alt til gratis utlån for born og vaksne.
Laget har høgt medlemstal til å vera i ei lita bygd, med heile 99 registrerte medlemmar. Idrettslaget har aktivitetar til alle årstider: Skirenn om vinteren, Fjelltrim med registrering på 15 postar heile året, onsdagsturar vår og haust, motbakeløpet Gygrakjeften opp - og ikkje minst: Styrketrening frå haust til vår.
Alt dette skal feirast, med laurdagsgraut, premieutdeling, heider og ære, før sjølve årsmøtet!