Grendahuset Ljosheim- Det er her vi samlar oss!
Årsmelding frå husastyret for året 2024
Styret har vore sett saman slik i 2024:
Leiar: Anna S Bergo
Kasserar: Aud Marit Brønstad Bergo
Styremedlem: Evelyn Gullbrå
Styremedlem: Sigrid Tyssen
Styremedlem: Britt Ingeborg Eide
Vara 1: Hege Marie Lavik
vara 2: Odd Inge Brønstad
Valnemnd: Haldis Øvstedal (leiar), Jon Trefall
Revisorar: Jomar Flatekval og Rune Nesheim.
Det har vore eit innhaldsrikt år for Grendahuset Ljosheim både med
husavøla og aktivitetar i huset.
Styret har hatt 3 ordinære styremøte. I tillegg til periodevis dagleg kontakt
på messenger, samt e-postkorrespondanse.
Husavøla:
I vår (april) sendte me ut ein open invitasjon om dugnad og at folk kunne
melda interesse. Mange tok kontakt – og me har fått gjort svært mykje.
Kledningsbyte
Eit stort prosjekt har vore å få kledningen bytt. Ny isolasjon, kledning og
lister har vorte bytt på heile huset. Det var nødvendig. Det merkast i huset
at det er isolert då det er mykje raskare å varma opp salane no. Ei merkbar
endring. Ein kan heller ikkje sjå ut i fri luft mellom vegg og tak i Storesalen,
noko ein kunne ei stund. Med ynskje om å tilbakeføra til så nær originalen
som mogeleg (jamfør funn av eldre kledningsbord) har me funne fram til ein
kledning som er profilert og som høver seg godt til stilen og huset. Det er
også komme ny utgangsdør/rømmingsveg frå scena då den gamle var roten.
Årsmelding frå husastyret i Grendahuset Ljosheim 2024– grendahusetljosheim.no
1
Grendahuset Ljosheim- Det er her vi samlar oss!
Årsmelding frå husastyret i Grendahuset Ljosheim 2024– grendahusetljosheim.no
2
Grendahuset Ljosheim- Det er her vi samlar oss!
Ny kross
I samband med kledningsbyte var det også behov for å laga ny kross. Dette
tok tømraren vår på seg. Me er svært nøgde med resultatet. Me har også fått
laga kross på den andre sida av Storesalen, noko me fann ut frå gamle bilete
at det tidlegare hadde vore.
Maling av huset:
Den nye kledningen er malt –to strøk. Raudt og fint og med kvite lister!
Mange timar dugnad for Ljosheim er lagt ned.
Årsmelding frå husastyret i Grendahuset Ljosheim 2024– grendahusetljosheim.no
3
Grendahuset Ljosheim- Det er her vi samlar oss!
Ryddedugnad:
Årsmelding frå husastyret i Grendahuset Ljosheim 2024– grendahusetljosheim.no
4
Grendahuset Ljosheim- Det er her vi samlar oss!
Grusing av plassen:
Grusing av plassen vart til eit eventyr – som så
mykje anna fordi Ljosheim har mange gode vener!
Takk til han som skrapa og reinska grøfter og
klargjorde til grusing.
Me fekk nyss i at nokon var
interesserte i å køyra all
grusen til oss på dugnad,
berre me bestilte grus. Me
så gjorde, og grusen vart
køyrd på plass frå Modalen
til Ljosheim, og fordelt utover. Dette er me svært glade for. Det gjekk nokre
dagar før me fekk telefon frå Svein Mo AS som hadde køyrt forbi og syns det
var så flott at me heldt liv i huset og ordna så fint – og dei ville gjerne donera
grusen til oss. Me er svært takksame.
Kjøkkenet har fått nytt hardangerbestikk til 120 pers.
Permanent historisk fysisk og digital utstilling
I 2022 var Grendahuset Ljosheim 125 år. Eit hus med lang historie, og eit
av dei eldste i landet av sitt slag. I arbeid med 125-årsjubileet dukka me ned
i historia til huset, dalen, og strauminga i tida då ungdomsrørsla vakna i
Eksingedalen.
Det var mykje interessant å finna, og me visste me ville finna fleire måtar å
visa historia på. På veggane i Ljosheim har det alltid hengt bilete, men kven
var desse folka, og kvifor hang det bilete av akkurat desse på veggane? Dei
som heng bilete av på veggane både før og no fortel historia til huset, men
seier også mykje om korleis samfunnet var på den tid. Svært spennande, og
noko me ynskjer å dela med alle som kan vera interessert, anten ein har
røter her eller ikkje.
Årsmelding frå husastyret i Grendahuset Ljosheim 2024– grendahusetljosheim.no
5
Grendahuset Ljosheim- Det er her vi samlar oss!
Den nyopna utstillinga er todelt:
Me har laga digital utstilling som er open for alle til ei kvar tid:
grendahusetljosheim.no. Under fana «museum» finn ein alle bileta som heng
i Ljosheim med tilhøyrande historie.
Utstillinga opna me under kulturminnedagane og den heng i Ljosheim.
Gruppa som har hatt hovudansvaret for utstillinga er Ingvild Brønstad, Liv
Anne Bergo, Britt Eide, Sigrid Tyssen og Anna S Bergo.
Det har vore utarbeidd tekstar til alle bileta som heng i Ljosheim og det har
vore mange timar arbeid lagt ned i å tenkja, planleggja, restaurera rammer,
laga rammer i stil.
I arbeidet med utstillingsveggen har me fått meir
kunnskap om mykje, og kanskje særleg om ein
person: Andreas Høvik. Plutseleg ein dag fekk me
napp på at Andreas Høvik mogelegvis hadde ei
dotter. Me fekk raskt kontakt med henne, og har i
løpet av året vorte betre kjend med Eva May
Gjerstad. Ho har fortalt oss mykje om Andreas
Høvik mellom anna at han har vore engasjert i eit
møbel som står på Gamlehaugen i Bergen. Eit stort
sølvtøyskåp med 600 bestikkdelar i. Husastyret,
Eva May og Eksingedalen oppveksttun reiste ein
haustdag i oktober på privat visning på
Gamlehaugen. Gamlehaugen inviterte oss. Det var ein fantastisk dag for oss
alle som var der. Eva May Gjerstad
har alt verktøyet til Høvik, og ho
og familien lånte ut delar av
samlinga til utstillinga vår under
Kulturarvfestivalen i haust. Dette
var utstilt i biljardbordet.
Årsmelding frå husastyret i Grendahuset Ljosheim 2024– grendahusetljosheim.no
6
Grendahuset Ljosheim- Det er her vi samlar oss!
Ein dag fekk me ein gul post-it- lapp om at det var funne ei gamal fele i ein
låve i Strandebarm. På fela stod det Eksingedalen og A. Høvik. Me skjøna
fort kven som hadde laga denne, og no har me fått fela på veggen i Ljosheim.
Utstillingsmonter i glas med lås er komme på plass til å kunna stilla ut noko
av Andreas Høvik sine verktøy samt andre ting som høver seg å stilla ut.
Restaurering av eine veggen i Storesalen.
Me fekk løyving til restaurera den gamle innkledde veggen i Storesalen for å
prøva å få bevara alle tømmerveggane i salen. Veggen vart rive, vaska og
skura og resultatet vart bra.
Årsmelding frå husastyret i Grendahuset Ljosheim 2024– grendahusetljosheim.no
7
Grendahuset Ljosheim- Det er her vi samlar oss!
Interiørgruppa har hatt mange timar dugnad i Ljosheim og knytt til
utstillinga i år.
El-anlegget vart ferdigstilt i 2024.
Arrangement og hendingar:
27.januar: Anders Norstad: «Det er maten vår for pokker.» Eit samarbeid
mellom Husastyret, Vaksdal-Modalen Bondelag og Voss Bonde- og
småbrukarlag. Skjenkeløyve, rømmegraut og spekemat. 50 frammøtte frå
bygdesamfunna her er eit høgt tal, på ein laurdagskveld, med klink is på
vegane.
Årsmelding frå husastyret i Grendahuset Ljosheim 2024– grendahusetljosheim.no
8
Grendahuset Ljosheim- Det er her vi samlar oss!
1.februar:
TEMAKVELD
på Tre Brør
med Husfliden:
«Norsk ull»
Genserane til
Ljosheim var
på utstilling.
15.mars: Fantefolk med Lurleik
Ei førestilling om Per Sivle
sitt liv, oppvekst og dikting.
Jens Brekke las dikt, fortalde
om Sivle og fortalde
Vossastubbar, det heile vart
krydra med musikk og song.
Det er 10 dikt av Per Sivle
som er hovudingrediensane i
Lurleik.
Husastyret serverte pizza og hadde skjenkeløyve. Fullt hus! Fekk besøk av
skjenkekontrollen med merknaden: alt på stell.
Årsmelding frå husastyret i Grendahuset Ljosheim 2024– grendahusetljosheim.no
9
Grendahuset Ljosheim- Det er her vi samlar oss!
10.april: Kurs i HLR og bruk av hjartestartar. Eit samarbeid mellom
Eksingedalen Kvinne- og familielag, idrettslaget, ØEG og husastyret, der
husastyret stilte med lokale og kaffi + mat.
28.april: Konsert med Sigrid Moldestad. Ei
annonse på fjesboka om at Sigrid Moldestad
leita etter koselege stader for å halde
solokonsert var starten. Me sende henne eit
friarbrev – og tenk at ho kom til oss! 70 selde
billettar, eit fullstappa Grendahus. Ei
fantastisk oppleving for dei som fekk med
seg dette.
Årsmelding frå husastyret i Grendahuset Ljosheim 2024– grendahusetljosheim.no
10
Grendahuset Ljosheim- Det er her vi samlar oss!
4.juni: Møte om Gulatingsvegen og informasjon og idèutveksling om Arne
Høyland sitt prosjekt om å finna att den gamle Gulatingsvegen frå Flakoll til
Gulen. Husastyret stilte med lokale og kaffimat.
Kulrutvernfestivalen i indre Vestland:
For første gong har me vore med på
Kulturminnedagane i Vaksdal og i år var første
gong at dette var eit interkommunalt
samarbeid mellom fleire kommunar som fekk
tittelen “Kulturvernfestivalen i indre vestland”.
Det er fint for oss å vera med i ein slik festival - då me når ut til mange fleire gjennom
marknadsføring. 3000 reklamefaldarar med
program vart delt ut i distriktet og delingar av
arrangement på Voss Kunst og kultur si
fjesbokside, Vaksdal kommune si fjesbokside
og våre eigne sosiale medium samt dekning i
begge lokalavisene i forkant og i etterkant. Det
er ikkje ofte Bergen strekk seg så langt ut i
distriktet som her, men i Kulturvernfestival
dagane var også Ljosheim sitt program lagt inn
på Visitbergen sine nettsider under “hva skjer
i Bergen”.
Årsmelding frå husastyret i Grendahuset Ljosheim 2024– grendahusetljosheim.no
11
Grendahuset Ljosheim- Det er her vi samlar oss!
31.august: Himmelspringaren. Barneteater av
Adele Lærum Duus og Monika Solheim. Med stor
scenerigg og scena i andre enden av salen, kom
treutskjæringane til sin rett! Ei magisk og fin ramme
kring eit nydeleg teater. Me
steikte lappar, og serverte til
teatergjestene!
Eksingedalen Kvinne -
og familielag dekka
halvparten av kostnaden
med teateret.
5.september: Bakedag på tvers av generasjonar. Eit samarbeid mellom
Husastyret, Eksingedalen Kvinne – og familielag og Eksingedalen
oppveksttun. Ope hus og baking av flatbrød, Ingunn-lefser og Anny sine
nordlandslefser.
Årsmelding frå husastyret i Grendahuset Ljosheim 2024– grendahusetljosheim.no
12
Grendahuset Ljosheim- Det er her vi samlar oss!
7.september: Kulturvandring Flatekval – Farestveit – Veteranbuss –
Ljosheim. Denne dagen var eit samarbeid mellom Grendahuset Ljosheim og
Vaksdal turlag. Vaksdal turlag hadde ansvar for fjelltur frå Flatekval til
Farestveit. Der venta veteranbussen som køyrde turdeltakarane attende til
Ljosheim. Her var det duka for fest! Rømmegraut og spekemat. Ordførar og
opning av utstillinga. Ei heilaftan med over 60 til middag!
13. september: “Ljosheim anno 1897 – ei kunstmusikalsk reise” «I ord,
tonar og bilete tek pianist og kulturformidlar Frode Skag Storheim publikum
med på ei spennande tidsreise til nasjonalromantikkens blømingstid." Ein
kveld for minnebøkene. 30 møtte.
14. September: Grendahuset Ljosheim og husastyret har fått spørsmål
om å stilla med strikkepakker og med plagg på catwalk.
Husastyret på historisk strikkekafè på Voss,
og vandrestrikk rundt i Vangen sentrum.
Me viste fram strikkemønster og
drivkraftboka. Kjekt å vera med og få vist
gensarane våre til fleire.
Årsmelding frå husastyret i Grendahuset Ljosheim 2024– grendahusetljosheim.no
13
Grendahuset Ljosheim- Det er her vi samlar oss!
22.november: Odelsskam med Maria Lavik – boka kom heim!
Husastyret inviterte til bokbad
og samtale mellom Maria Lavik
og samtalestyrar for kvelden
Elizabeth Gjessing. Ei fin stund
ein mørk, snøfull haustkveld i
november. Mange fine
refleksjonar, stødig levert både
frå Maria og Elizabeth.
Husastyret hadde skjenkeløyve
og kakebord. Full sal med folk! -----------------------------------------------------------------------------------------
Genserpakker er til sals på Husfliden på Voss og i Fjellfellbutikken på Bergo.
Drivkraftboka er til sals på Voss bokhandel og i Fjellfellbutikken.
Tv-aksjonen 2024 var det Husastyret som hadde ansvaret for.
Husastyret har ved nokre høver laga mat og servert på bestilling. Både
middag, lunsj og kaffimat.
Grendahuset Ljosheim har meldt seg i Vestlandske kulturnettverk. -------------------------------------------------------------------------------------------
Løyvingar:
Voss Sparebank: Gåver til ålmennyttige formål: kr 20 000,-
Vestland fylkeskommune –tilskot til prosjekt og tiltak frivillig kulturliv:
25 000,-
Kulturmidlar (Vaksdal kommune) til opning av utstilling: 5000,-
Eksingedalen Grunneigarlag: 5000,-
Eksingedalen Kvinne- og familielag (fast løyving): 3000,-
Eksingedalen Kvinne-og familielag: 6000,- til barneteater.
Momskompensasjon (des): 51 737,-
Årsmelding frå husastyret i Grendahuset Ljosheim 2024– grendahusetljosheim.no
14
Grendahuset Ljosheim- Det er her vi samlar oss!
Kulturminneprisen i Vaksdal kommune:
Ein merkedag for Husastyret for Grendahuset Ljosheim. 07.06.2024 på
opninga av Daledagane fekk Husastyret tildelt Vaksdal kommune sin
kulturpris for det arbeidet som har vorte lagt ned frå 2019 og fram til i dag.
Det er stor stas å få tildelt denne prisen, det gjev motivasjon til å satsa
vidare for huset som er eigd av alle med bustadadresse i Eksingedalen.
Styret vil på det varmaste takka alle som har investert tid, kjærleik og
omtanke til huset. Alle som har møtt og støtta opp om arrangement! Takk
for rydding, måling, vekkøyring, vedarbeid, musefellevakting, vasking,
kledningsarbeid, el-arbeid, sjauing. Takk for deling på sosiale media, og
takk for at de heiar på Grendahuset Ljosheim!
Årsmelding frå husastyret i Grendahuset Ljosheim 2024– grendahusetljosheim.n