Tufteparken er offisielt opna! Av 45 stykk!
Det var kjekt for styret i Eksingedalen IL at så mange møtte til opning av Tuftepark og fotballkamp tysdag kveld.
- Det er mange her som har vore flittige på dugnad, sa Anna Bergo då ho ynskte velkommen. Både i arbeid med Lånebua og Tufteparken har folk vore flinke til å stilla opp. og for det fekk heile gjengen ein velfortent applaus.
Så vart alle 45 som møtte opp med på å opna Tufteparken.
Deretter var det kaker, saft og kaffi - fotballkamp og god stemning. For Eksingedalen er Tufteparken og fotballbanen no ein fin møteplass.
