Å gjete 5 sauer gjennom ei løype med på kommando frå eigaren var oppgåva for hundane. Gjennom portar, rundt eigaren, inn i ei kve og å dela flokken på 5 og ha kontroll var oppgåva begge dagane. Alt skulle gjennomførast på mindre enn 12 minutt. Dommaren var plassert på altanen i andre etasje på butikken. Her hadde han god oversikt over løypa. For gjetaren som stod på bakken var det ikkje like enkelt. Arrangøren hadde lagt inn ein port som stilte krav til godt djubdesyn for å klare å kommandere hunden rett. Vind og ei låg sol som var reflektert i elva gjorde også oppgåva vanskelegare.
Kommandoane vart gjort med fløyte eller stemme. Nokon brukte begge delar. Frå ein sogning kom eit høgt og tydeleg "stao" for å få hunden til å slutte å bevege seg.
Konkurransen for hundar under 3 år gjekk over to dagar. Det vart delt ut premiar til dei seks beste i tevlinga både laurdag og søndag. Samanlagt poengsum for begge dagar avgjorde kven som vart kvalifisert til vidare konkurranse i eit større område.
Resultatlister: Prøver - Norsk Sau og Geit
Resultatliste dag 1 Lavik:NURSERY VEST PRØVE 1 - Google Regneark
Resultatliste samanlagt Lavik: Nursery REGION VEST PRØVE 2 - Google Regneark For å lese resultatet for dag 2 må du sjå under kolonna SUM 110. Vinnar dag 2 vart Ivar Haug med 92 poeng