Aktivt lag med rause gåver

Av Liv Anne søn 08.11.2020 - 21:26
Eksingedalen Kvinne- og familielag samla seg til medlemskveld i Ljosheim denne veka. Det har vore lite av felles aktivitetar det siste halvåret, så mange gav uttrykk for at det var triveleg å kunna samlast rundt eit bord til kaffi og prat. Strikkeglade damer hadde strikketøy med seg også. Bordet var lengre og avstanden mellom kvar var også lengre. Men, på det nye ljose golvet i Ljosheim var dette heilt OK!

Ljosheim har fått heilt nytt golv, der Kvinne- og familielaget har løyvd midlar.

Digital gudsteneste på søndag.

Av Magnar ons 04.11.2020 - 14:48
Bjørgvin bispedøme har bestemt at det ikkje skal arrangerast gudstenester i kyrkjene dei tre påfølgande søndagane. Det betyr at det ikkje blir gudsteneste i Nesheim kyrkje 8. november.
I staden blir det ei digital gudsteneste, fortel sokneprest Edvard Bø.

Gudstenesta vil vera å finne på nettsida til Vaksdal kyrkjelege fellesråd. Ved å klikke på "Les meir", vil du finne link til å klikke på der du kjem direkte fram til gudstenesta. Her finn du liturgi og preike som tekst og innspelt musikk til salmane.

 

Mobile Worker

Uni

Klart for styrking av muskulaturen

Av Magnar fre 30.10.2020 - 09:18
Foto: Frå trening i 2018.
Idrettslaget startar opp med styrketrening tysdagar framover mot jul. Det vert trening kl 20.00 kvar tysdag, med smittevernreglane ivareteke.

Det er eit maksantall på 12 personar i gymsalen, difor vert det påmelding til styrketreninga for kvar veke. Påmeldinga må skje mandag innan kl 22 til Anna S. Bergo på sms (48024522) eller via facebookgruppa som er oppretta med namn "Styrketrening på Bergo".

Gudsteneste 13.september vert i Ljosheim

Av Liv Anne man 07.09.2020 - 21:27
Gudstenesta sundag 13.september er flytta til Grendahuset Ljosheim. Gudstenesta byrjar klokka 11, og det er prest Bø som heldt denne. Det vert nattverd og kyrkjekaffi.

Gudstenesta er flytta frå kyrkja til Ljosheim fordi kyrkja skal målast og har stillas rundt seg dei kommande vekene.
- Såleis vert det truleg for fyrste gong i verdssoga feira gudsteneste på Ljosheim, seier Lars Patterson i soknerådet.