TINE premierer

Av Magnar ons 03.03.2021 - 08:32
På Nesheim vart de is og nonstop til dessert då TINE premierte for levering av mjølk av høgste kvalitet. Og isen var frå Diplomis, som er eigd av TINE. Alle i familien bidreg i fjøset, og var glade for å få 5-årsplakett. Denne plaketten er trinn 1 av 4 i premieringssystemet.
TINE er eit samvirkefortak, eigd av mjølkebønder, som ynskjer å gjere stas på dei som lukkast med å levera mjølk av topp kvalitet. I produsentlaget Vaksdal/Modalen vart det delt ut to 5-årsplakettar dette året.
Les under kva som må til for å oppnå dei ulike premiane.

Eventyrlystne Laila!

Av Liv Anne fre 19.02.2021 - 14:46
Laila Mette Bolstad reiste siste dagane i januar til ei fjellstove i Rana kommune, rett ved svenskegrensa.

Kvifor gjorde ho det? Jau, for å jobba i førstelinja – for å hindra importsmitte av koronaviruset til Noreg. Døgnet rundt er ho med på testing på landegrensa.

 

Mobile Worker

Kurs i førstehjelp utsett atter ein gong - og det er framleis ledige plassar!

Av Liv Anne tir 16.02.2021 - 08:20
Kvinne- og familielaget og Eksingedalen IL inviterer til førstehjelpskurs. Kurset vil ha særleg fokus på hjarte- og lungeredning og opplæring i bruk av hjartestartarane.

Nye kursdatoar er onsdag 24. mars og torsdag 25.mars. Dei påmeldte har fått melding om dette - og det er framleis ledige plassar! Ta i tilfelle kontakt med Britt.

Uni

Utegudsteneste med dåp

Av Magnar søn 16.08.2020 - 22:21
Ein svalande bris på ein varm dag i fjellet. Dette, samt naturen som vakre kulissar rundt gudstenesta med i underkant av 70 deltakarar, gjorde dåp under open himmel til ei hending for minneboka.
Dei siste åra her det vorte halde stølsgudstenester på ulike stølar i Nesheim sokn. Då ynskje om dåp i utegudstenesta vart ytra, vart Beinhelleren valt som stad. Behovet for å kunna nå staden med bil, gjorde at det ikkje vart ein stølsvoll dette året.

Kokeboka vann sølv!

Av redaktør fre 05.06.2020 - 17:41
Eksingedalen si nye bok, "Bygdebakst og Gommorgraut", fekk sølvplass i studentkonkurransen Gullkalven 2020. Prisutdelinga gjekk føre seg digitalt den 29.mai - og Håvard Bergo vann sølv i kategorien "Redaksjonelt design". Gullkalven er den største studentkonkurransen innan kreativ kommunikasjon i Noreg.

I tillegg vann Håvard bronsemedalje saman med Adrian Wollum Hanssen i kategorien Identitet.