Mobile Worker

Konsert med "SOLKVERV"

Av Magnar man 10.12.2018 - 09:49
"SOLKVERV" held julekonsert i Nesheim kyrkje fredag 14. desember. Om innhaldet seier musikarane at det vert noko norsk tradisjonell julemusikk, folketonar , både norske og svenske. Av tekstar vil me kjenna att Alf Prøysen, Jakob Sande og Per Sivle. Det vert også delvis kjende amerikanske jolasongar, samt musikk av Duke Ellington.
Uni

Trim og kultur i kvart steg

Av Magnar søn 17.06.2018 - 08:48
Almarunden og Brynhildastien er namnet. Runden, som startar i Kverhusbukta på Bergo, vart opna med tale, snorklipping og avduking av informasjonstavle laurdag 16. juni. Turgåarar kan studera informasjonstavler undervegs på turen, mellom anna historien som gjorde at denne stien fekk akkurat dette namnet.

Mange friluftstilbod i vente

Av Liv Anne fre 15.06.2018 - 21:42

I Eksingedalen er det mange gode tilbod for friluftsinteresserte dei kommande dagane:
Laurdag 16.juni kl 16: Opning av kulturstien "Almarunden" på Bergo
Søndag 17.juni kl 11: Til støls i Eksingedalen med Vaksdal Turlag
Onsdag 20.juni kl 19: Skuleelevar opnar Høgakleiva

Imponerande ryddeinnsats!

Av Liv Anne man 28.05.2018 - 21:12
Aksjonsleiar Laila ofrar alt for å redda Ekso og havet frå plast!

Mange er no godt i gang med ryddedugnad i Eksingedalen! For å visa at me aksjonerer, og motivera til endå meir innsats - deler me bilete med kvarandre frå ryddinga her på heimesida. Send inn bilete etter kvart!

Hugs: Kvart minutt går det 15 tonn plast i havet! Dette kan me vera med og hindra!
Dessutan vert det så mykje trivelegare i dalen når me slepp sjå på plast i naturen!

Eksklusiv start på tursesongen for Eksingedalen IL

Av Liv Anne ons 23.05.2018 - 22:14

Det var berre tre som møtte til den første turen til turgruppa i Eksingedalen IL denne sesongen. Oppover lia til Flatekvalstølen var alle einige i at dette var ein eksklusiv gjeng, ein heilt spesiell kveld. Varm stølsli, fin kveldsol og enorme mengder vatn å sjå og høyra i Skorsdalselva.
Oppe på stølen nådde turgjengen att deltakar nummer fire, som hadde gått i førevegen.

Neste veke er det god plass til fleire på tur!

Er du klar til onsdagsturar?

Av Liv Anne man 21.05.2018 - 21:25
Denne veka er Turgruppa i Eksingedalen IL i gang med onsdagsturane for våren:
23.mai: Flatekvalstølen
30.mai: Fetstølen
6.juni: Lavikstølen og Haugastølen
13.juni: Yksendalstølen
Alle turane startar kl 18
VELMØTT!

På grunn av kollisjon med anna arrangement i Eksingedalen vert den planlagte familiedagen i juni avlyst.

Strålande feiring av nasjonaldagen

Av Liv Anne søn 20.05.2018 - 23:10
Grønt lauv og grøne bakkar, sol og varme skapte nydeleg ramme for feiringa i Eksingedalen i år! Innhaldet stod alle dei blide frammøtte for! Gråtassen leia toget, etterfølgt av 9.klassingar med flagget. Toradar- og trekkspel skapte god stemning! Kristin Nåmdal heldt ein god, humoristisk og klok tale om ulike sider ved bygdelivet. Om noko ein kunne kjenna seg att i - og samstundes med eit godt blikk utanfrå. Frøydis delte ut Bygdarådet sin heiderspris "Årets Eksingedøl" for aller første gong. Den gjekk til Hege fordi ho har flytta heim att og skapt sin eigen arbeidsplass som er til stor glede for alle som bur i Eksingedalen, og for alle som kjem til hit. I tillegg fekk Anna og Jørgen blomar frå Bygdarådet fordi dei har flytta her til
Elles tradisjonelt innhald av dagen: Tog, tale, dravle, song og musikk - og deretter leikar og triveleg prat med kvarandre.