Ope møte om historisk fjellturprosjekt

Av Liv Anne fre 24.05.2024 - 16:03
Arne Høyland, frå Eikangervåg i Osterfjorden, har teke initiativ til oppstarten av eit historisk fjellturprosjekt - det vil seia å rekonstruera Gulatingferdi frå Eksingedalen til Guløy/Flolid i Gulen i 2025.

Dette kan ein høyra meir om på ope møte i Grendahuset Ljosheim i Eksingedalen, tysdag 4.juni klokka 19. Her ynskjer ein alle med interesse for prosjektet velkomne!
Grendahuset Ljosheim syter for sal av kaffi og kaffimat.

 

Mobile Worker

Uni

Frå tun til tun på Bergo.

Av Magnar fre 01.12.2023 - 16:08
Møteplass. For andre gong inviterte dei to bruka på Bergo til handel og vandring. 10 blå og 30 cm nysnø laga ei flott ramme, som mange deltok for å laga eit fint bilete inni.
Stallen på den eine garden hadde sidan tilstellinga i fjor blitt til kafè med kaffi og bakverk. Betasuppa "Bergo spesial" samt graut og kaker vart servert i stova på det andre bruket.
Og vandringa gjekk frå tun til tun, slik invitasjonen tilsa.

Novemberbasar!

Av Liv Anne søn 12.11.2023 - 22:59
Basar ein fredag i november er kjekt! Ute var det mørkt og kaldt, og inne i Ljosheim lunt og varmt. Ekstra stas vart det med ein fin bukett born som song Astrid Lindgren-songar.

Open dag: Å høyra til!

Av redaktør søn 08.10.2023 - 19:58
Fredag inviterte barnehagen og skulen i Eksingedalen familie og heile bygda til føremiddagsmat på oppveksttunet. Med på kjøpet fekk gjestane triveleg prat med naboar og kjente dei ikkje hadde sett på ei stund, underhaldning og informative plakatar på veggane. Invitasjonen var i høve "Verdsdagen for psykisk helse" der temet i år er "Å høyra til".

Familiane og bygdefolket er viktige for oppveksttunet - og denne dagen ville oppveksttunet vera ein samlande stad for alle. Her skulle alle kjenna at dei høyrer til saman med mange.

Oppveksttunet inviterer til open dag

Av Liv Anne ons 27.09.2023 - 14:40
Fredag 6.oktober inviterer born, elevar og vaksne til open dag på oppveksttunet. Oppveksttunet markerer verdsdagen for psykisk helse med ei temaveke før haustferien, og sidan temaet er "Å høyra til" vart det heilt naturleg å invitera inn til oppveksttunet denne dagen.

- Hit er alle velkomne mellom klokka 11 og 13.45, seier dei to jentene i 5. og 6.klasse.