Tettpakka kveld med kåseri, mat og musikk. Håpar mange finn turen

Søndag 3. februar inviterer Vaksdal Turlag i samarbeid med Eksingedalen IL til ein gratis, lågterskel friluftsdag på Nesheim i Eksingedalen.
Kom deg ut – dagen er eit tradisjonsrikt arrangement i DNT og søndag 3. februar er det klart for vinterutgåva. På ein og samme dag vert det arrangert 175 arrangement over heile landet. Totalt er det venta 42 000 små og store deltakarar.
- Kom deg ut dagen er ein introduksjonsdag til friluftslivet, og det krevst ingen forkunnskap for å vera med. Om du er van med å vera i naturen eller ikkje; me lagar til enkle og kjekke aktivitetar for alle. Alt er gratis, du treng berre å ta med deg varme klede og gode sko, seier leiar i Vaksdal Turlag, Arild Soltvedt.

Folket i Eksingedalen er heldige som har eit flott "skianlegg" på Nesheim! Løypa er no er to og ein halv kilometer lang, og preparering skjer omgåande, ved behov. Skiløypa har si eiga facebook-side, som skildrar løypa slik:

"Traseen starter ved Storamyra og går strake vegen ut til Moa. Runder Moneset. Ved Laugenatjødnet går løypa i dobbeltspor attende til Kjerringaneset. Etter Vågen dreier sporet til høgre opp Leitet, mot Vesle Mohaugen, runder store Mohaugen, ned til Klaven. Vidare bort langs Tuane og snor seg rundt Kyrkjeteigen. Nedatt til Harktjødna og oppatt på Storamyra."

Først ute i år er Eksingedalen IL, med årsmøte laurdag 2.februar. Då er alle medlemmar inviterte til laurdagsgraut i gymsalen på skulen kl 13. Det vert biletkavalkade frå året som har vore og premieutdelingar. Deretter vanlege årsmøtesaker.

Sundagen, den 3.februrar, skipar idrettslaget til KOM-DEG-UT-DAG saman med Vaksdal Turlag. Dette skjer ved Skiløypa på Nesheim, frå kl 12 -14. Her vert det ulike aktivitetar og bålkos, eit arrangement for heile familien! Ope for alle som har lyst!

Skulen sitt desemberprosjekt "Dugande JOL!" vart ein stor bygdedugnad. Elevane har samla inn jolegåver og produsert varer for sal. Heile bygda har delteke! Mange har levert inn gåver, og mange handla ivrig på jolefesten til skulen. Hege opna butikken ein onsdag føremidag, slik at elevane kunne handla.

134 jolegåver og matkasser til verdi av 3250 kroner er levert vidare til Vaksdal Frivilligsentral.
STOR TAKK TIL ALLE! FANTASTISK INNSATS!

Juletrefest på Eksingedalen skule i kveld med avslutning før jul. Heile bygda var invitert - og alle møtte!

Vakker song tonefylgd av mjuk jazz var det som møtte publikum i Nesheim kyrkje ein fredagskveld i desembermørket. "Solkverv" tok oss med gjennom julemusikk både frå vårt eige land og jazzmusikken sitt heimland, USA.

Velkomen i kyrkja på Flatekval

"SOLKVERV" held julekonsert i Nesheim kyrkje fredag 14. desember. Om innhaldet seier musikarane at det vert noko norsk tradisjonell julemusikk, folketonar , både norske og svenske. Av tekstar vil me kjenna att Alf Prøysen, Jakob Sande og Per Sivle. Det vert også delvis kjende amerikanske jolasongar, samt musikk av Duke Ellington.

Gjertrud Karevoll og Tore Henrik Øye frå Vaksdal kommune hadde måndag denne veke "open kontordag" i Eksingedalen. Her kunne bygdefolk komma som "drop-in" eller etter avtale. Trafikken var ikkje så stor utover etttermiddagen, men fleire kom til informasjonsmøtet - og der var engasjementet stort!

Det er arealdelen av kommuneplanen som no er på høyring.