Første onsdagstrim er gjennomført! Som alltid to rundar sirkeltrening med påfølgjande volleyball for dei som vil det.
Som det går fram av biletet, er det er god plass til fleire trimmarar! Berre seks av postane var opptekne i kveld. Ein kan melda om at alt gjekk bra, ingen skader på første treninga i år. Styrketrening gjer godt, så møt opp. Kjekt er det også!

Ni år: 4 036 babyhuer til Malawi og Zanzibar. Og i tillegg mange, mange teppe, sokkar og «bodyar». Dette har damene i Eksingedalen, Eidsland og Modalen samla inn gjennom ni år. Alt er strikka i bygdene for å hjelpa nyfødde born til å halda varmen.

Eksingedalen har ein flott skule - med aktiv bruk av nærmiljø og lokale ressursar i undervisninga. I dag fortalte rektor Liv Anne om dette på samling i Oslo

Når hausten kjem er Eksingedølane klare for sesongstart med organiserte aktivitetar; inne og ute.

FRILUFTSGRUPPA har oppstart torsdag 25.oktober kl 16.30 - og er for alle born/ungdommar i skulealder.
Stad: Gapahuken i Almane
Sjå kalenderen på sida for datoar framover.

ONSDAGSTRIM i gymsalen på skulen startar onsdag 31.oktober, kl 20.00. Er for alle frå 8.klasse og oppover! Det vert trim kvar onsdag framover.

STRIKKEKAFE i Ljosheim måndag 29.oktober kl 19.30: Innsamling av huer - og Liv Marion frå Garnsenteret som gjest

Heilt sidan 1945 har meteorologisk institutt hatt målestasjon for nedbør på Gullbrå. Men no er det slutt - frå 1. juli 2018 vart stasjonen lagt ned

Manglar du postar i Fjelltrimmen 2018? Ja, då er det klart for siste innspurt! Første skifte av bok skjer 10.oktober, og i løpet av dei to kommande vekene reknar ein med at alle bøkene vil vera bytt. Om du manglar ein post og boka er ny, er det fram til 25.oktober høve til å registrera seg i "gammal bok" sjølv om den er bytt ut. Ta berre kontakt med ein i turgruppa!

Som vanleg vert det premiering på Eksingedalen IL sitt årsmøte i januar. Har du alle 15 postane, ja - då får du krus med motiv frå Yksendalstølen!

Å sanka har ikkje vore lett for sauebonden denne hausten. Det har snødd, regna og storma - med få solglimt innimellom. No er det sanka i meir enn tre veker, og framleis går det nokre sau att i kring Eksingedalsfjella.
Så: Om du møter sau i fjellet i haustferien, ver grei å gje beskjed til ein bonde!

Velkommen :)

Me har fått tre bilete som er funne på Brekhus. To av dei er datert på baksida til 1920 talet. Dette siste frå Nesheim er ikkje datert. Dersom de vil sjå bileta i større visning kan de stå med pila på bilete, høgreklikke og velge åpne bilde i ny fane. Bilete vil då visast som ei ny fane i nettlesaren.

Mange fiskarar finn som kjent vegen til den gode fikeelva i Eksingedalen. No i august har ein "ny fiskar" funne vegen hit, ein ukjent fugl som slett ikkje har vore vanleg å sjå her tidlegare. Trygve Nilsen fotograferte denne fuglen i Beinhelleren - og tok kontakt med ein fuglekjennar på Universitetet i Bergen.

"For 2 uker siden møtte vi denne fiskeren i Beinhelleren. Jeg fikk ikke spurt om han hadde fiskekort. Han tar nok mer enn de fleste stangfiskerne. Uken etterpå satt det to av dette slaget på en stein nedenfor brakkeområdet." Seier Trygve i ein epost til medlemmane i Grunneigarlaget.