Tysdag inviterte oppveksttunet til kafé og julehandel. For sal var det 178 produkt laga av barnehageborn og elevar i alle aldrar. Alle 178 produkta vart selde, i tillegg over 50 middagsporsjonar.

Utan tvil, Jorill Nese ville nok vore den aller sterkaste i Eksingedalen! Denne veka har ho delteke i utstyrsfritt styrkeløft, åpen klasse (senior). Meisterskapet var i Tartu i Estland, og der løfta eksingedalsjenta samla heile 456 kilo!

- Med mykje sjukdom i oppkjøringa er eg veldig fornøyd med resultatet samla sett, seier Jorill etter løfta sine, sjølv om eg veit at eg kunne ha gjort ein større total enn det eg fekk.

Eksingedølen Jaokb Lending Gullbrå har sidan i sommar vore studentpraktikant ved den norske ambassaden i Dhaka i Bangladesh.

Jakob har takka ja til å senda eit "reisebrev" heim til Eksingedalen, og her kjem ei førjulshelsing frå Jakob:

Møteplass. For andre gong inviterte dei to bruka på Bergo til handel og vandring. 10 blå og 30 cm nysnø laga ei flott ramme, som mange deltok for å laga eit fint bilete inni.
Stallen på den eine garden hadde sidan tilstellinga i fjor blitt til kafè med kaffi og bakverk. Betasuppa "Bergo spesial" samt graut og kaker vart servert i stova på det andre bruket.
Og vandringa gjekk frå tun til tun, slik invitasjonen tilsa.

Basar ein fredag i november er kjekt! Ute var det mørkt og kaldt, og inne i Ljosheim lunt og varmt. Ekstra stas vart det med ein fin bukett born som song Astrid Lindgren-songar.

Konsert på Nesheim til inntekt for barneskulen Kely Mandresy på Madagaskar har blitt ein tradisjon i dalen.
Konserten gjekk i år av stabelen på fredag 17. november. Opptak av konserten er tilgjengeleg her https://www.youtube.com/watch?v=rSJnFAgKyVI

I desse dagar vert "Fjelltrim-bøkene" på stølar og fjell bytt ut. Ny bok gjeld frå ny bok er komme på plass. Om nokon manglar ein post for 2023, kan ein få den i boka for 2023 ved å melda frå til turgruppa. Ein kan registrera seg i 2023-boka på denne måten ut oktober månad.

Det vert premiering på årsmøtet til Eksingedalen IL i februar.

Fredag inviterte barnehagen og skulen i Eksingedalen familie og heile bygda til føremiddagsmat på oppveksttunet. Med på kjøpet fekk gjestane triveleg prat med naboar og kjente dei ikkje hadde sett på ei stund, underhaldning og informative plakatar på veggane. Invitasjonen var i høve "Verdsdagen for psykisk helse" der temet i år er "Å høyra til".

Familiane og bygdefolket er viktige for oppveksttunet - og denne dagen ville oppveksttunet vera ein samlande stad for alle. Her skulle alle kjenna at dei høyrer til saman med mange.

Fredag 6.oktober inviterer born, elevar og vaksne til open dag på oppveksttunet. Oppveksttunet markerer verdsdagen for psykisk helse med ei temaveke før haustferien, og sidan temaet er "Å høyra til" vart det heilt naturleg å invitera inn til oppveksttunet denne dagen.

- Hit er alle velkomne mellom klokka 11 og 13.45, seier dei to jentene i 5. og 6.klasse.

Hovudutvalet for kultur, idrett og inkludering fordelte torsdag denne veka spelemidlar til kulturbygg over heile Vestland fylke. Pengepotten var på 9,5 millionar kroner, og 570 000 av desse gjekk til oppgradering og bevaring av Grendahuset Ljosheim.